കുഞ്ഞിരാമന്റെ,താൾ.....

കൈഫി ആസ്മിയുടെ ഒരു കവിത.

2011-10-29T07:45:00.000-07:00

‘‘തളര്‍ന്നു, എന്‍െറ പാദങ്ങള്‍

പരിത്യജിച്ചപ്പോള്‍ ഞാനറിഞ്ഞു

ഞാനല്ലാതെ എനിക്കൊരു വഴികാട്ടി ഇല്ല.

എന്‍െറ മേലെ ഭരിക്കാന്‍ ഒരു

തമ്പുരാന് പുറമേ മറ്റൊന്ന്.

എനിക്ക് മടുത്തു; ഞാന്‍ പറഞ്ഞു,

എനിക്കൊരു തമ്പുരാനുമില്ല.’’

വെറുതെ ഒരു കവിത

2011-10-28T19:01:00.000-07:00

പ്രത്യയശാസ്ത്ര കാലുഷ്യങ്ങൾക്ക്‌ ആഴംവെക്കുന്ന ഈപുതിയകാലത്ത്‌ പ്രസിദ്ധ റഷ്യൻ കവിയായ യെവ്ഗനിയവ്‌ ന്യഷങ്കോയുടെ ഈകവിത വളരെ പ്രസക്തമാണെന്നു തോന്നുന്നു.

കുട്ടികളോട്‌ നുണപറയുന്നത്‌ തെറ്റാണ്‌. നുണ സത്യമാണെന്ന്-
അവർക്ക്‌ തെളിയിച്ചുകൊടുക്കുന്നത്‌ തെറ്റാണ്‌.
ദൈവം സർഗ്ഗത്തിലുണ്ടെന്നും
ലോകത്തിൽ കാര്യങ്ങളെല്ലാം ഭംഗിയായി നടക്കുന്നുണ്ടെന്നും
അവരോട്‌ പറയുന്നത്‌ തെറ്റാണ്‌
നിങ്ങളെന്താണ്‌ ഉദ്ദേശിക്കുന്നതെന്ന്
കുട്ടികൾക്കറിയാം
കുട്ടികൾ ജനങ്ങളണ്‌
ബുദ്ധിമുട്ടുകൾ എണ്ണമറ്റവയാണെന്ന്
അവരോട്‌ പറയുക
ഭാവി എങ്ങനെ ആയിരിക്കുമെന്നു മാത്രമല്ല
വർത്തമാനകാലം എങ്ങനെയാണെന്നതും
വ്യക്ത തയോടെ അവർ കാണട്ടെ
തടസ്സങ്ങളെ നേരിടേണ്ടിവരുമെന്ന്
അവരോട്‌ പറയുക
സങ്കടങ്ങൾ സംഭവിക്കുന്നു
വൈഷമ്യങ്ങൾ സംഭവിക്കുന്നു
അതെല്ലാം പോയിതുലയട്ടെ
സന്തോഷത്തിന്റെ
വില അറിയാത്തവർക്ക്‌
സന്തോഷിക്കാനാവില്ല
നിങ്ങൾ തിരിച്ചറിയുന്ന ഒരു തെറ്റിനും
മാപ്പുകൊടുക്കാതിരിക്കുക
കാരണം അതാവർത്തിക്കും,വലുതാവും
പിന്നീട്‌ നാം മാപ്പാക്കിയ കാര്യങ്ങൾക്ക്‌
നമ്മുടെ കുട്ടികൾ നമുക്ക്‌ മാപ്പുതരില്ല

ആരുടെയെങ്കിലും ദാക്ഷിണ്യത്തില്‍ അല്ല എന്റെ ജീവിതം

2011-10-22T04:18:00.000-07:00

ആരുടെയെങ്കിലും ദാക്ഷിണ്യത്തില്‍ അല്ല എന്റെ ജീവിതം

ജോണ്‍ ബ്രിട്ടാസ്

എസ്.എഫ്.ഐയിലൂടെ രംഗത്തുവന്ന ഒരാള്‍. അറിയപ്പെടുന്ന ഇടതുപക്ഷ മാധ്യമ പ്രവര്‍ത്തകന്‍. ഇപ്പോള്‍ മാധ്യമങ്ങളില്‍ ബ്രിട്ടാസ് വീണ്ടും വിചാരണ ചെയ്യപ്പെടുന്ന സാഹചര്യം. എന്തു തോന്നുന്നു?

പഠിക്കുമ്പോള്‍ എസ്.എഫ്.ഐയുമായി ചേര്‍ന്നു പ്രവര്‍ത്തിച്ചിരുന്നു. പക്ഷേ, നേതൃപദവികളിലൊന്നും ഞാന്‍ ഉണ്ടായിരുന്നില്ല. കോഴിക്കോട് സര്‍വകലാശാല വിദ്യാര്‍ഥി യൂനിയന്‍ ഭാരവാഹിയായിരുന്നു. എസ്.എഫ്‌ഐയുടെ ജില്ലാ, പ്രാദേശിക കമ്മിറ്റികളിലൊന്നും ഒരിക്കലും ഞാന്‍ ഉണ്ടായിട്ടില്ല.

പഠന രംഗത്തെ മികവിലൂടെയാണ് എനിക്ക് അവസരങ്ങള്‍ ലഭിച്ചത്. കാലിക്കറ്റ് യൂനിവേഴ്‌സിറ്റിയില്‍നിന്ന് ബി.എയും എം.എയും ഒന്നാം റാങ്കോടെയാണ് പാസായത്. പിന്നീട്, ജവഹര്‍ലാല്‍ നെഹ്‌റു യൂനിവേഴ്‌സിറ്റിയില്‍നിന്ന് എം.ഫിലിനു പുറമെ നാലു വര്‍ഷത്തോളം മാധ്യമമേഖലയില്‍ ഗവേഷണവും പൂര്‍ത്തീകരിച്ചു. പതിനാറുകൊല്ലം ദല്‍ഹിയില്‍ മാധ്യമ പ്രവര്‍ത്തകനായി ജോലിചെയ്തു. ബാബരി മസ്ജിദ് ധ്വംസനവും ഗുജറാത്ത് കലാപവും ഉള്‍പ്പെടെ 1988 മുതല്‍ ദേശീയ രാഷ്ട്രീയത്തെ ഇളക്കി മറിച്ച മിക്ക സംഭവങ്ങളും നേരിട്ട് റിപ്പോര്‍ട്ട് ചെയ്യാന്‍ കഴിഞ്ഞു. സംഘര്‍ഷ കാലത്ത് ഇറാഖ് സന്ദര്‍ശിച്ചും റിപ്പോര്‍ട്ട് നല്‍കി.

ദേശാഭിമാനിയുടെ സാധാരണ ദല്‍ഹി റിപ്പോര്‍ട്ടര്‍ പദവിയില്‍നിന്ന് പിന്നീട് കൈരളി ചാനലിന്റെ തലപ്പത്തേക്ക്?

കൈരളി ചാനലിന്റെ തുടക്കത്തില്‍തന്നെ എന്റെ വിയര്‍പ്പുണ്ട്. ചാനലിന്റെ അനുമതി രേഖകള്‍ ശരിപ്പെടുത്താന്‍ ദല്‍ഹിയില്‍ സര്‍ക്കാര്‍ ഓഫിസുകള്‍ കയറിയിറങ്ങിയതിനു കണക്കില്ല. പ്രതികൂല രാഷ്ട്രീയ കാലാവസ്ഥ നിലനില്‍ക്കുമ്പോഴാണ് ചാനലിന്റെ ലൈസന്‍സിനു ശ്രമിക്കുന്നത്. സി.പി.എം നിയന്ത്രണത്തിലുള്ള ഒരു ചാനലിന് അനുമതി നല്‍കുന്നത് മുടക്കാന്‍ കേന്ദ്രത്തിലെ എന്‍.ഡി.എ സര്‍ക്കാറിനുമേല്‍ അന്ന് ബി.ജെ.പി ഉള്‍പ്പെടെ പല ഭാഗത്തുനിന്നും ശക്തമായ സമ്മര്‍ദം ഉണ്ടായിരുന്നു. അരുണ്‍ ജയ്റ്റ്‌ലിയായിരുന്നു അന്ന് വാര്‍ത്താ വിതരണ പ്രക്ഷേപണ വകുപ്പ് മന്ത്രി . അദ്ദേഹത്തെ സമീപിച്ച് രേഖകള്‍ ശരിപ്പെടുത്താന്‍ വലിയ അധ്വാനംതന്നെ വേണ്ടിവന്നു. ചാനലിന്റെ തുടക്കത്തില്‍ ദല്‍ഹി ബ്യൂറോ കെട്ടിപ്പടുക്കാനും തലസ്ഥാന നഗരിയില്‍ അതിന്റെ സ്വാധീനം വിപുലീകരിക്കാനും പരമാവധി യത്‌നിച്ചു.

ഒടുവില്‍ അപ്രതീക്ഷിതമെന്നോണമായിരുന്നോ കൈരളി ചാനലിന്റെ മാനേജിങ് ഡയറക്ടര്‍ പദവിയിലേക്കുള്ള നിയമനം?

2003ല്‍ ആണ് എന്നെ കൈരളി ചാനല്‍ എം.ഡിയാക്കുന്നത്. ചാനലിന്റെ അവസ്ഥ അന്ന് ഒട്ടും ശുഭകരമായിരുന്നില്ല. ശമ്പളം കൊടുക്കാന്‍തന്നെ ഞെരുങ്ങുന്ന സ്ഥിതി. കുമിഞ്ഞുകൂടിയ കടംകൊണ്ട് വലയുന്ന ഒരു ചാനല്‍. പക്ഷേ, ചുമതല ഏറ്റെടുത്ത് ഒറ്റവര്‍ഷംകൊണ്ട് സ്ഥിതിഗതികളില്‍ വലിയ മാറ്റം വരുത്താനായി. രണ്ടാമത്തെ വര്‍ഷംതന്നെ കമ്പനിക്ക് അറ്റാദായം നേടാനായി. അധികം വൈകാതെ കമേഴ്‌സ്യലി വയബ്ള്‍ ആകുന്ന അവസ്ഥ കൈവന്നു. അതായത് വരവുചെലവുകള്‍ ഒത്തുപോകുന്ന സാഹചര്യം.

തിരുവനന്തപുരം നഗര ഹൃദയത്തിലെ 80 സെന്റ് സ്ഥലത്ത് ബഹുനില കെട്ടിടം നിര്‍മിക്കാന്‍ തീരുമാനിച്ചു.ബാങ്ക് വായ്പയിലൂടെയും മറ്റും ഇതിനുള്ള തുക കണ്ടെത്താന്‍ കഴിയുമെന്നും കണക്കുകൂട്ടി. വാടക കെട്ടിടത്തിനുപകരം സ്വന്തം കെട്ടിടം. ഇതിനുപുറമെ ഏതാനും നിലകള്‍ വാണിജ്യ ആവശ്യങ്ങള്‍ക്ക് പുറത്തുകൊടുക്കാന്‍ കഴിയുക. വെറും ഭ്രാന്താണിതെന്ന് തുടക്കത്തില്‍ വിശേഷിപ്പിച്ചവരുണ്ട്. പക്ഷേ, കുമിഞ്ഞു കൂടിയ നഷ്ടത്തിന്റെ (accumulated loss) അവസ്ഥയില്‍നിന്ന് ഓരോ വര്‍ഷവും ലാഭം ഉയരുന്ന സ്ഥിതിയിലേക്ക് കൈരളിയെ കൊണ്ടുവരാന്‍ എനിക്കായി.

അധിക ബാധ്യതയൊന്നും കൂടാതെ 'പീപ്പ്ള്‍', 'വി' ചാനലുകള്‍ ആരംഭിക്കാന്‍ കഴിഞ്ഞു. രണ്ടു വര്‍ഷംകൊണ്ടാണ് കൈരളി ടവര്‍ യാഥാര്‍ഥ്യമായത്. 75,000 ചതുരശ്ര അടിയിലുള്ള ഈ സമുച്ചയം നിര്‍മിക്കാന്‍ ചെലവ് 12 കോടി. ആറു കോടി ധനലക്ഷ്മി ബാങ്കില്‍നിന്ന് വായ്പയെടുത്തു. ആഭ്യന്തര വരുമാന വിഹിതത്തില്‍നിന്ന് ആറു കോടിയും നീക്കിവെച്ചു. പണി പൂര്‍ത്തിയായതോടെ ടവറിന്റെ മൂല്യം 75 കോടിയെങ്കിലും വിലമതിക്കും. വാണിജ്യ ആവശ്യങ്ങള്‍ക്ക് നല്‍കുന്ന നിലകളിലൂടെ മാത്രം ടവറിന്റെ ചെലവ് തിരിച്ചുപിടിക്കാം.

നഷ്ടത്തില്‍നിന്ന് കൈരളിയെ ലാഭത്തില്‍ എത്തിക്കുക. ഇത്ര മാത്രമായിരുന്നോ ബ്രിട്ടാസിന്റെ മനസ്സില്‍?

തുടക്കം മുതല്‍ക്കേ ഡയറക്ടര്‍ ബോര്‍ഡിനുമുമ്പാകെ ഒരു കാര്യം ഞാന്‍ വ്യക്തമാക്കിയതാണ്. 'കുമിഞ്ഞു കൂടിയ നഷ്ട'ത്തിന്റെ അവസ്ഥ മറികടന്നാല്‍ എന്നെ പോകാന്‍ അനുവദിക്കണം. കഴിഞ്ഞവര്‍ഷത്തോടെ നഷ്ടം തീര്‍ത്തും മാറി. ലാഭകരമായി നടക്കുന്ന ഒരു കമ്പനിയായി മലയാളം കമ്യൂണിക്കേഷന്‍സ് ലിമിറ്റഡ് മാറി. ഇന്ത്യയിലെ പല പ്രമുഖ ചാനല്‍ കമ്പനികളും നഷ്ടത്തിലാണ്. അങ്ങനെയിരിക്കെയാണ്, 35 ശതമാനം വളര്‍ച്ച നിരക്ക് കൈവരിക്കാന്‍ കൈരളിക്കു കഴിഞ്ഞത്. പോയവര്‍ഷം വളര്‍ച്ച 40 ശതമാനത്തിലെത്തി.

അഞ്ചു വര്‍ഷത്തേക്കായിരുന്നു എന്റെ ചുമതല. കുറച്ചു കാലംകൂടി തുടരണമെന്ന് ഡയറക്ടര്‍ ബോര്‍ഡ് ആവശ്യപ്പെടുകയായിരുന്നു. കഴിഞ്ഞവര്‍ഷം അവസാനത്തോടെ എന്തായാലും പിരിയണം എന്ന് ഞാന്‍ തീരുമാനിച്ചതാണ്. പക്ഷേ, അധികം കഴിയും മുമ്പേ ഇലക്ഷന്‍ പ്രഖ്യാപനം വന്നു. നിര്‍ണായകമായ നിയമസഭാ തെരഞ്ഞെടുപ്പു പടിവാതില്‍ക്കല്‍ വന്നുനില്‍ക്കെ, കൈരളി ചാനലിന്റെ എം.ഡി പദവിയില്‍നിന്ന് ഞാന്‍ ഒഴിവാകുന്നത് തെറ്റായ വിവാദങ്ങള്‍ക്ക് വഴിയൊരുക്കുമെന്ന് തോന്നി.

ഒടുവില്‍ ഇലക്ഷന്‍ കഴിഞ്ഞപ്പോള്‍ എന്നെ പിന്തുണച്ച എല്ലാവരുടെയും അനുമതി വാങ്ങി അവരുടെയൊക്കെ ആശീര്‍വാദത്തോടെതന്നെയാണ് ഞാന്‍ കൈരളിയോട് വിടപറഞ്ഞത്. തികച്ചും മാന്യമായ ഒരു വിടവാങ്ങല്‍.

എന്നിട്ടും വിടവാങ്ങല്‍ വിവാദമായിരിക്കുന്നു. എന്തായിരിക്കാം കാരണം?

കൈരളി എല്ലാ നിലക്കും മാന്യമായാണ് എന്നോട് പെരുമാറിയത്. നിറപ്പകിട്ടാര്‍ന്ന യാത്രയയപ്പു ചടങ്ങുതന്നെ അവര്‍ എനിക്കുവേണ്ടി ഒരുക്കി. സി.പി.എം സംസ്ഥാന സെക്രട്ടറി പിണറായി വിജയനും ചടങ്ങിനെത്തി.സൗഹര്‍ദപരമായും ആരോഗ്യപരമായും ഉള്ള ഒരു വിടവാങ്ങലായിരുന്നു അത്. ഒരാള്‍ക്കും ഒരു തെറ്റിദ്ധാരണയുമില്ലാത്തവിധം ഹൃദ്യമായ ഒന്ന്.

ജോലിചെയ്യുന്ന സ്ഥാപനം വിടുമ്പോള്‍ ഒരാള്‍ തെറ്റിവേണം അവിടെനിന്ന് പിരിയാന്‍ എന്നൊന്നുമില്ല. ആരെയും വിഷമിപ്പിക്കാതെ വേണമായിരുന്നു പിരിയല്‍. അതല്ലായിരുന്നേല്‍ രണ്ടു വരി രാജിക്കത്തുനല്‍കി ഇറങ്ങി പോന്നാല്‍ മതിയായിരുന്നല്ലോ. എനിക്കൊരു പകരക്കാരനെ കണ്ടെത്താന്‍ സാവകാശം നല്‍കിയും മുന്‍കൂട്ടി അറിയിച്ചും തന്നെയാണ് കൈരളി വിട്ടത്.

ആരോഗ്യകരമായ ഒരു തൊഴില്‍ സംസ്‌കാരംപോലും കേരളത്തില്‍ ഇല്ലെന്ന് ഈ വിവാദം എന്നെ പഠിപ്പിക്കുന്നു. സ്ഥാപനം വിടുന്നവര്‍ ആരായാലും കലഹിച്ചുവേണം പോകാനെന്ന് നാം ഉറപ്പിച്ചപോലെ. ദല്‍ഹിയിലും മറ്റും അങ്ങനെയുള്ള സാഹചര്യമല്ല. നല്ല അവസരങ്ങള്‍ വരുമ്പോള്‍ ആളുകള്‍ മാറുന്നു. അവര്‍ നല്‍കിയ സംഭാവനകള്‍ സ്ഥാപനങ്ങള്‍ മാനിക്കുന്നു.

മാധ്യമപ്രവര്‍ത്തകന്‍ എന്നതോടൊപ്പം ഒരു ഇടതുപക്ഷ പ്രവര്‍ത്തകന്‍ എന്ന മേല്‍വിലാസം ബ്രിട്ടാസിനെ ചൂഴ്ന്നുനില്‍ക്കുന്നുണ്ട്. അതുകൊണ്ടായിരിക്കുമോ ഇപ്പോഴത്തെ ഈ വിവാദം?

വ്യക്തിപരമായി എന്റെ പ്രൊഫൈല്‍ മാധ്യമ പ്രവര്‍ത്തകന്‍ എന്നതുതന്നെയാണ്. അടിസ്ഥാനപരമായും ഞാന്‍ അതാണ്. അടിമുടി മാധ്യമ പ്രഫഷനല്‍ - അതാണ് എന്റെ ജീവിതം. എനിക്കുലഭിച്ച എല്ലാ പുരസ്‌കാരങ്ങളും ആ നിലക്കുതന്നെ. സംസ്ഥാന സര്‍ക്കാറിന്റെ മാധ്യമ പുരസ്‌കാരങ്ങള്‍ എത്രയോ വര്‍ഷമായി എനിക്ക് ലഭിച്ചുകൊണ്ടിരിക്കുന്നു.

ഒരിടത്ത് നാം നമ്മുടെ ദൗത്യം പൂര്‍ത്തീകരിച്ചാല്‍ പിന്നെ അതിലും വലിയ ഒന്നിലേക്ക് നാം നമ്മെ നവീകരിക്കണം. ആ നിലപാടാണ് എന്‍േറത്. ഏല്‍പിച്ച മിഷന്‍ പൂര്‍ത്തീകരിച്ചു കഴിഞ്ഞാല്‍ പിന്നെ അവിടെ നില്‍ക്കരുത്. കൈരളിയുടെ ദൗത്യം ഭംഗിയായി പൂര്‍ത്തീകരിച്ചു. അതിനെ ഒരു ട്രാക്കില്‍ കയറ്റുക മാത്രമല്ല അതില്‍ വിജയക്കൊടി പാറിക്കാനും എനിക്കായി.

ഏതൊരു സ്ഥാപനത്തിലും ഒരാളുടെ സെല്‍ഫ് ലൈഫ് എന്നത് അഞ്ചോ ആറോ വര്‍ഷം മാത്രം. പുതിയ ആളുകള്‍ക്കും വളര്‍ന്നുവരുന്നവര്‍ക്കും അവസരം നല്‍കാന്‍ നാം വഴിമാറണം. നിങ്ങള്‍ സ്വയം നവീകരിക്കണം. ഇല്ലെങ്കില്‍ മുരടിക്കും.

കൈരളി വിടേണ്ട മറ്റു വല്ല സാഹചര്യവും?

കൈരളിയില്‍ എനിക്കിനിയും തുടരാന്‍ ബുദ്ധിമുട്ടൊന്നും ഉണ്ടായിരുന്നില്ല. അങ്ങനെ തുടര്‍ന്നാല്‍ സ്വാഭാവികമായ ഒരു ആലസ്യത്തിലേക്ക് വഴിമാറും. ഞാന്‍ മുരടിക്കും എന്ന തിരിച്ചറിവ്. എനിക്കാണെങ്കില്‍ ഇനിയും പ്രായവും സമയവുമുണ്ട്. ആരോടും കലഹിച്ചല്ല കൈരളി വിട്ടതും. വിവരങ്ങള്‍ നേര്‍ക്കുനേരെ പറഞ്ഞ് അനുമതി വാങ്ങി തന്നെയാണ് പോന്നത്. മാനേജ്‌മെന്റുമായി നല്ല നിലയില്‍ പിരിഞ്ഞു. പക്ഷേ, അതിന്റെ പേരില്‍ കേരളം ഇപ്പോള്‍ എന്നോട് ചെയ്യുന്നത് തികഞ്ഞ നന്ദികേടാണ്. എന്നോടു മാത്രമല്ല, എല്ലാ മാധ്യമ പ്രഫഷനലുകളോടുമുള്ള ഈ സമീപനം മാറണം.

മറ്റൊന്നുകൂടി നിങ്ങള്‍ അറിയണം. മാധ്യമ മേഖലയില്‍ ഞാന്‍ ആര്‍ജിച്ച കഴിവുകള്‍ തന്നെയായിരുന്നു കൈരളി ചാനലിന്റെ എം.ഡിയായി എന്നെ നിയോഗിക്കാന്‍ മാനദണ്ഡമായത്.

ഇടത്തരം കര്‍ഷക കുടുംബത്തിലാണ് ഞാന്‍ ജനിച്ചത്. എന്റെ കഠിനാധ്വാനവും പ്രയത്‌നവും തന്നെയാണ് മാധ്യമ രംഗത്ത് എന്നെ വളര്‍ത്തിയതും. ആരുടെയെങ്കിലും ശിപാര്‍ശയുടെ ബലത്തിലല്ല എവിടെയെങ്കിലും എത്തിപ്പെട്ടത്. സംതൃപ്തിയോടെ പുതിയൊരു ദൗത്യം ഏറ്റെടുക്കാന്‍ എനിക്ക് അവകാശമുണ്ട്. ഒന്നുകൂടി വ്യക്തമാക്കട്ടെ-ആരുടെയെങ്കിലും ദാക്ഷിണ്യത്തില്‍ ജീവിതം പുലര്‍ത്തുന്ന ഒരാളല്ല ജോണ്‍ ബ്രിട്ടാസ്. അതില്‍ എനിക്ക് തികഞ്ഞ അഭിമാനംതന്നെയുണ്ട്.

പുതിയ തീരുമാനം അടുത്ത ചില സുഹൃത്തുക്കള്‍ക്കുപോലും ദഹിച്ചിട്ടില്ലെന്ന് അവരുടെ പ്രതികരണങ്ങള്‍ തെളിയിക്കുന്നു. എന്തുപറയുന്നു?

സ്റ്റാര്‍ ഏഷ്യാനെറ്റിന്റെ ബിസിനസ് ഹെഡ് എന്ന ചുമതലയാണ് എനിക്കിപ്പോള്‍. അടിസ്ഥാനപരമായി ഞാനൊരു മാധ്യമ പ്രവര്‍ത്തകനാണെന്ന് നേരത്തേ പറഞ്ഞല്ലോ. സിനിമയും വിനോദമേഖലയും വലിയ മാറ്റങ്ങള്‍ക്ക് വിധേയമാകുന്ന ഒരു കാലം. ഒരുപാട് കാര്യങ്ങള്‍ ഈ രംഗത്ത് സംഭവിക്കുന്നു. വിനോദ മേഖലയില്‍ വന്‍ വിപ്ലവത്തിന്റെ യുഗം. അവിടെ എനിക്ക് എന്നെതന്നെ സമ്പുഷ്ടമാക്കാന്‍ (എന്റിച്ച്) വേണ്ടിയാണ് എന്റെ ശ്രമം. അല്ലാതെ, അവരുടെ നിലപാടുകളെ ചോദ്യം ചെയ്യാനല്ല നീക്കം.

തൊഴില്‍മാറ്റം എന്നത് സ്വാഭാവികമാണ്. ഒരു മേഖലയില്‍നിന്ന് അടുത്തതിലേക്ക് മാറുന്നതില്‍ ആര്‍ക്കെങ്കിലും തടസ്സമുണ്ടോ? അല്ലെങ്കില്‍ അങ്ങനെ തടസ്സം നില്‍ക്കാന്‍ പാടുണ്ടോ? തെരഞ്ഞെടുക്കാനുള്ള സ്വാതന്ത്ര്യം ഇവിടെ ഓരോരുത്തര്‍ക്കുമില്ലേ?

എന്നെ സംബന്ധിച്ചിടത്തോളം ഏറ്റെടുത്ത എല്ലാം മാധ്യമ ലോകവുമായി ബന്ധപ്പെട്ട ദൗത്യങ്ങള്‍ മാത്രമാണ്. മറ്റുള്ള ചിലരുടെ സഹായം കൂടി ലഭിച്ചതുകൊണ്ട് അവിടങ്ങളിലൊക്കെ എനിക്ക് മികവ് കാട്ടാനും കഴിഞ്ഞു.

ഫാരിസ് അബൂബക്കര്‍, റുപര്‍ട്ട് മര്‍ഡോക്-ഇരുവരും വെറുക്കപ്പെട്ടവര്‍ എന്ന വിഭാഗത്തിലാണെന്ന് വലിയൊരു വിഭാഗം കേരളീയര്‍ ഉറച്ചുവിശ്വസിക്കുന്നു. ഇടതുമാധ്യമ പ്രവര്‍ത്തകനായ ബ്രിട്ടാസ് ഇവരുമായൊക്കെ സന്ധി ചെയ്യുന്നു എന്നാണ് ആക്ഷേപം?

ആദ്യം ഫാരിസ് അബൂബക്കറിന്റെ കാര്യം. അയാള്‍ നല്ലവനാണെന്ന് ഞാന്‍ പറഞ്ഞിട്ടേയില്ല. വെറുക്കപ്പെട്ടവനാണെന്ന് സ്ഥാപിക്കുക എന്റെ ലക്ഷ്യവുമായിരുന്നില്ല. കേരള ടെലിവിഷന്‍ മാധ്യമരംഗത്തെ ഏറ്റവും മികച്ച ഒരു സ്‌കൂപ്പ് ആയിരുന്നു ഫാരിസ് അബൂബക്കറുമായി ഞാന്‍ നടത്തിയ ആ അഭിമുഖം. അതിന്റെ പശ്ചാത്തലംകൂടി പരിഗണിക്കപ്പെടണം. ദുരൂഹമായ ഒരു വ്യക്തിയായി ഫാരിസ് മാധ്യമങ്ങളില്‍ വന്നുകൊണ്ടിരുന്ന സമയം. ആരും പക്ഷേ, കഥാപാത്രത്തെ കണ്ടിട്ടോ കേട്ടിട്ടോ ഇല്ല. ഫാരിസിന്റെ ഒരു ചിത്രംപോലും ആരുടെ പക്കലുമില്ല. ആള്‍ ഒറ്റക്കണ്ണന്‍ ആണെന്നുവരെ പ്രചരിപ്പിച്ചു. ചെന്നൈയും കേരളവും കേന്ദ്രീകരിച്ച് പ്രവര്‍ത്തിക്കുന്ന ഏതോ ഒരാള്‍. അതോടെ അപസര്‍പ്പക കഥകളെപോലും വെല്ലുമാറുള്ള പരിവേഷമാണ് കേരളത്തില്‍ ഫാരിസിന് ലഭിച്ചത്.

ഞാന്‍ കൈരളിയിലെ സഹപ്രവര്‍ത്തകരോട് പറഞ്ഞു, അജ്ഞാതനാണെന്നു പറയുന്ന ഈ ആളെ നമുക്ക് കണ്ടുപിടിക്കണം. അപസര്‍പ്പക കഥകളുടെ എല്ലാ യാഥാര്‍ഥ്യങ്ങളും പുറത്തുകൊണ്ടുവരണം. എങ്കില്‍ അതുതന്നെയും വലിയൊരു വാര്‍ത്തയാകും. തിരുവനന്തപുരം ലേഖകന്‍ എബ്രഹാം മാത്യുവിനെയായിരുന്നു ഞാന്‍ ഈ ദൗത്യം ആദ്യം ഏല്‍പിച്ചത്്. എന്തുകൊണ്ടോ അത് നടക്കാതെ പോയി. അങ്ങനെ വന്നപ്പോള്‍ ഞാന്‍തന്നെ ഇറങ്ങിപ്പുറപ്പെട്ടു. കൈരളി ചാനല്‍ ചെയര്‍മാനും നടനുമായ മമ്മൂട്ടിക്ക് ഫാരിസിനെ അറിയാമായിരുന്നു. ആ ബലത്തില്‍ ചെന്നൈയിലെത്തി ഫാരിസ് അബൂബക്കര്‍ എന്ന വ്യക്തിയെ ആദ്യമായി കണ്ടു. ചെറുപ്പക്കാരനായ, ശരിക്കും ഒരു ചുള്ളന്‍. ദാവൂദ് ഇബ്രാഹിമിനെയോ മറ്റോ പോലുള്ള ഒരാള്‍ ആയിരിക്കുമെന്നാണ് ഞാന്‍ കരുതിയത്. വളരെ നിര്‍ബന്ധിക്കേണ്ടി വന്നു അഭിമുഖത്തിന് സമ്മതം ലഭിക്കാന്‍.

വെറുക്കപ്പെട്ട ഫാരിസിന് മാന്യത നല്‍കിയെന്നും മുഖ്യമന്ത്രി വി.എസ്. അച്യുതാനന്ദനെ തെറി വിളിക്കാന്‍ അയാള്‍ക്ക് ഇടതു ചാനലില്‍ അവസരം നല്‍കി എന്നൊക്കെയാണ് കുറ്റപത്രം?

ഫാരിസിനെ മാത്രമല്ലല്ലോ ഞാന്‍ അഭിമുഖം നടത്തിയത്. മാതാ അമൃതാനന്ദമയി, ശ്രീ ശ്രീ രവിശങ്കര്‍ എന്നിവരുമായൊക്കെ ഞാന്‍ അഭിമുഖം നടത്തിയിട്ടുണ്ട്. ഒരു കാര്യത്തില്‍ എനിക്ക് നിഷ്ഠയുണ്ട്. എന്താണോ അവര്‍ക്കൊക്കെ പറയാനുള്ളത് അതപ്പടി ഒരു വെട്ടിമാറ്റലും കൂടാതെ നല്‍കണം എന്ന കാര്യത്തില്‍. ഞാന്‍ അഭിമുഖം നടത്തിയവരൊക്കെ ഇക്കാര്യം തുറന്നു സമ്മതിക്കും. മലയാളത്തിന്റെ പ്രിയ കഥാകൃത്ത് ടി. പത്മനാഭന്റെ അഭിമുഖംതന്നെ ഉദാഹരണം. കൈരളിയെയും സി.പി.എമ്മിനെയുമൊക്കെ നിശിതമായി പത്മനാഭന്‍ വിമര്‍ശിച്ചു. അത് അപ്പടി തന്നെ ഞാന്‍ സംപ്രേഷണം ചെയ്തു. ആശ്ചര്യത്തോടെ, പിന്നീട് ഇക്കാര്യം ചൂണ്ടിക്കാട്ടി പത്മനാഭന്‍തന്നെ നിരവധി വേദികളില്‍ എന്നെ പേരെടുത്തു പറഞ്ഞ് അനുമോദിച്ചതാണ്. നിങ്ങള്‍ക്കു വേണേല്‍ പപ്പേട്ടനെ വിളിച്ചു ചോദിക്കാം. പറയുന്ന കാര്യങ്ങള്‍ മുറിച്ചുമാറ്റാതെ പൂര്‍ണതോതില്‍ നല്‍കണം-ഇതാണ് മാധ്യമ നൈതികത എന്നുറച്ചു വിശ്വസിക്കുന്ന ഒരാളാണ് ഞാന്‍.

ഒരു മാധ്യമ പ്രവര്‍ത്തകന്‍ അവിടെ വേണം നില്‍ക്കാന്‍. എന്തിന്റെ പേരിലായാലും അതിനപ്പുറം അവന്‍ നോക്കരുത്. ഫാരിസ് അബൂബക്കറുമായുള്ള അഭിമുഖം ആ നിലക്കുതന്നെയാണ് ഞാന്‍ നടത്തിയത്. മറ്റൊരു ലക്ഷ്യവും എനിക്കുണ്ടായിരുന്നില്ലെന്ന് ആരെയെങ്കിലും വിശ്വസിപ്പിക്കേണ്ട ബാധ്യത എനിക്കില്ല. ഞാന്‍ നടത്തിയ മാധ്യമ പ്രവര്‍ത്തനങ്ങളില്‍ തരിമ്പും പശ്ചാത്താപവുമില്ല.

പാര്‍ട്ടിയെയും നേതാക്കളെയും സംരക്ഷിക്കേണ്ട ബാധ്യത ഒരു പാര്‍ട്ടി ചാനലിന് ഇല്ലെന്നാണോ?

gകേരളത്തില്‍ പ്രവര്‍ത്തിക്കുന്ന ഒരു ചാനലാണിത്. വാര്‍ത്തകളില്‍ അമ്പതുശതമാനമെങ്കിലും ഇടതു വിരുദ്ധ പാളയത്തില്‍നിന്നുള്ളത്. കേരളത്തിലെ യു.ഡി.എഫ് നേതാക്കള്‍ സി.പി.എമ്മിനെയും അതിന്റെ നേതാക്കളെയും കുറ്റപ്പെടുത്തുക സ്വാഭാവികം. അക്കാര്യമൊന്നും വാര്‍ത്തയില്‍ വരാന്‍ പാടില്ലെന്നാണോ പറയുന്നത്? പിണറായിക്കും കാരാട്ടിനും വി.എസിനും എതിരായി മറുപക്ഷത്തിന്റെ അഭിപ്രായപ്രകടനങ്ങള്‍ ഒരു ചാനലിന് അനുവദിക്കേണ്ടി വരും. കൈരളിയുടെ പീപ്പ്ള്‍ വാര്‍ത്തയില്‍ പകുതിയെങ്കിലും ഇങ്ങനെ ഉള്‍പ്പെടുത്തേണ്ടി വരുക സ്വാഭാവികം. അതൊന്നും അറിയാതെ ഏത് യുക്തിയുടെ അടിസ്ഥാനത്തിലാണ് വെറുതെ ഓരോന്നു വിളിച്ചുപറയുന്നത്?

എന്താണ് വി.എസിന് ജോണ്‍ ബ്രിട്ടാസിനോട് ഇത്ര മാത്രം പക?

(ചിരിക്കുന്നു) വി.എസിനെ തികഞ്ഞ ആദരവോടെയാണ് ഞാന്‍ കാണുന്നത്. അദ്ദേഹത്തെ ചാനലുമായി സഹകരിപ്പിക്കാന്‍ എല്ലാ ഘട്ടത്തിലും ഞാന്‍ ശ്രമിച്ചതാണ്. കൈരളി ടവറിന്റെ തറക്കല്ലിടല്‍ ചടങ്ങിന് വി.എസിനെ ഞാന്‍ നേരിട്ടുചെന്നാണ് ക്ഷണിച്ചത്. പ്രതിരോധ മന്ത്രി എ.കെ ആന്റണിയും സി.പി.എം ജനറല്‍ സെക്രട്ടറി പ്രകാശ് കാരാട്ടും സംബന്ധിച്ച ആ ചടങ്ങില്‍ വി.എസ് ആയിരുന്നു അധ്യക്ഷ പദവിയില്‍. സാധാരണഗതിയില്‍ കമ്പനി ചെയര്‍മാനാണ് ചടങ്ങില്‍ അധ്യക്ഷപദം അലങ്കരിക്കേണ്ടത്. കേരള മുഖ്യമന്ത്രി വി.എസ്. അച്യുതാനന്ദനോട് ഏതെങ്കിലും വിധത്തിലുള്ള നീരസമുണ്ടെങ്കില്‍ കൈരളി ചടങ്ങില്‍ അധ്യക്ഷത വഹിക്കണമെന്നാവശ്യപ്പെട്ട് ഞാന്‍തന്നെ ചെന്ന് അദ്ദേഹത്തെ ക്ഷണിക്കുമോ? എന്നെ ആര്‍ക്കും വിമര്‍ശിക്കാം. അങ്ങനെ വിമര്‍ശം ഉന്നയിക്കുന്നവരുടെ ഉദ്ദേശ്യശുദ്ധിയെ ഞാന്‍ ചോദ്യം ചെയ്യുന്നില്ല.

പടിയിറങ്ങുന്ന ബ്രിട്ടാസിന് കൈരളി മാന്യമായ യാത്രയയപ്പ് നല്‍കി. പിണറായി വിജയനെപോലുള്ളവര്‍ ബ്രിട്ടാസിന്റെ ഭാവി ദൗത്യങ്ങള്‍ക്ക് ഭാവുകങ്ങള്‍ നേര്‍ന്നു. എപ്പോള്‍ തിരികെ വന്നാലും കൈരളിയുടെ വാതിലുകള്‍ ബ്രിട്ടാസിനു മുന്നില്‍ മലര്‍ക്കെ തുറന്നിരിക്കുമെന്ന് ചെയര്‍മാന്‍ മമ്മൂട്ടി ഉറപ്പു നല്‍കി. സാധാരണഗതിയില്‍ ഒരു മാധ്യമ പ്രവര്‍ത്തകന് അസൂയ തോന്നുന്ന സാഹചര്യമല്ലേ ഇത്?

സി.പിഎമ്മിനും സഖാവ് പിണറായി വിജയനുമെതിരെ പരസ്യമായി നാല് തെറിവിളിച്ചാണ് ഞാന്‍ കൈരളിയുടെ എം.ഡി സ്ഥാനം വലിച്ചെറിഞ്ഞ് ഇറങ്ങിപ്പോരുന്നതെന്നു സങ്കല്‍പിക്കുക. എങ്കില്‍ ഉറപ്പാണ്, എന്നെ ഒരു ഹീറോ ആയി കേരള സമൂഹം കൊണ്ടുനടന്നേനെ.

ഒരു കാര്യം പക്ഷേ, തുറന്നു പറയട്ടെ. വിലകുറഞ്ഞതും തരംതാണതുമായ അത്തരം ഒന്നിന് ബ്രിട്ടാസിനെ കിട്ടില്ല. ഒരു സ്ഥാപനത്തില്‍ പ്രവര്‍ത്തിക്കുമ്പോള്‍ അതിനോട് അതിരറ്റ പ്രതിബദ്ധതയും കൂറും പുലര്‍ത്തുക. ഒടുവില്‍ ആരോഗ്യകരവും മാന്യവുമായി അതിന്റെ പടിയിറങ്ങുക.

ചെറിയൊരു ഗോളത്തിലാണ് നാം ജീവിക്കുന്നത്. നാളെ എല്ലാവരുമായും നമുക്ക് സഹകരിക്കേണ്ടി വരുമെന്ന ഉത്തമബോധ്യത്തോടെ ആരോഗ്യകരമായ ഒരു ബന്ധം വേണം സമൂഹത്തില്‍ നാം പുലര്‍ത്താന്‍. കേരളത്തിലെ മുഴുവന്‍ മാധ്യമ പ്രവര്‍ത്തകരെയും ഇക്കാര്യം ഓര്‍മിപ്പിക്കാന്‍കൂടി ആഗ്രഹിക്കുന്നു.

ജേണലിസ്റ്റുകളുടെ തൊഴില്‍മാറ്റം അത്ര വലിയ പാതകമായി സമൂഹം കാണുന്നുണ്ടോ?

മുമ്പ് മലയാള മാധ്യമ സ്ഥാപനങ്ങളില്‍നിന്നും കൂടുമാറ്റം വളരെ കുറവായിരുന്നു. എന്നാല്‍, വിഷ്വല്‍ മാധ്യമങ്ങളുടെ അരങ്ങേറ്റത്തോടെ സ്ഥിതി മാറി. പക്ഷേ, തൊഴില്‍മാറ്റത്തോടുള്ള നമ്മുടെ സമീപനത്തിന് ഇനിയും പൂര്‍ണ മുക്തി ലഭിച്ചിട്ടില്ല. ജോലി മാറ്റത്തോട് ആരോഗ്യകരമായ സമീപനം പുലര്‍ത്താന്‍ നമുക്ക് കഴിയണം. ഏറ്റെടുത്ത ദൗത്യം പൂര്‍ത്തീകരിച്ചു കഴിഞ്ഞാല്‍ സ്ഥാപനവുമായി സൗഹൃദപരമായി കാര്യങ്ങള്‍ പറഞ്ഞു പിരിയാം.

കൈരളിയില്‍നിന്ന് ബ്രിട്ടാസ് പോയിരിക്കുന്നത് 'വെറുക്കപ്പെട്ട'വരുടെ പട്ടികയില്‍ പെടുന്ന റുപര്‍ട്ട് മര്‍ഡോക്കിന്റെ നിയന്ത്രണത്തിലുള്ള സ്റ്റാര്‍ ഏഷ്യാനെറ്റ് ചാനലിലേക്ക്. ഈ വൈരുധ്യമാകില്ലേ ഇപ്പോഴത്തെ വിവാദങ്ങള്‍ക്കു കാരണം?

റുപര്‍ട്ട് മര്‍ഡോക് എന്നയാളെ ഞാന്‍ ഇതുവരെ കണ്ടിട്ടില്ല. ഇപ്പോള്‍ ചേര്‍ന്ന സ്ഥാപനത്തില്‍ എനിക്കൊപ്പം ഒരുപാടുപേര്‍ പ്രവര്‍ത്തിക്കുന്നു. അവര്‍ക്കാര്‍ക്കും എന്തെങ്കിലും പ്രയാസം മര്‍ഡോക് മൂലം ഉണ്ടെന്നും എനിക്കു തോന്നിയിട്ടില്ല. ഓരോ മാധ്യമ സംരംഭത്തിനും അതിന്‍േറതായ സ്വഭാവം കാണും. പ്രഫഷനലുകള്‍ എന്ന നിലക്ക് എല്ലാവരും സൗഹൃദപരമായി നീങ്ങുന്നു. ബിസിനസ് ഹെഡ് എന്ന ദൗത്യം ഭംഗിയായി നിര്‍വഹിക്കും. അല്ലാതെ എന്റെ മുന്നില്‍ ആരും ഒരുപാധിയും വെച്ചിട്ടില്ല.

മാധ്യമപ്രവര്‍ത്തകന്‍ അടിമവേലക്കാരന്‍ ആയിരിക്കണമെന്ന ചിന്തയാണോ വിവാദങ്ങള്‍ക്കു പിന്നില്‍?

ഒരു മാധ്യമ പ്രവര്‍ത്തകനെയും അടിമ വേലക്കാരന്‍(bonded labour) ആയി ഒരു സ്ഥാപനവും സമൂഹവും കരുതരുത്. കേരളത്തില്‍ അത്തരമൊരു തൊഴില്‍സംസ്‌കാരം എത്തിക്കാന്‍ നമുക്ക് കഴിയണം. ഒരു മാധ്യമ പ്രഫഷനലിന് എവിടെ പോകണമെന്നു തോന്നിയാലും അതിനു കഴിയണം. പക്ഷേ, എന്റെ കാര്യത്തില്‍ അതുപോലും നിഷേധിക്കപ്പെടുന്നു. അതാണ് ഏറെ സങ്കടകരം.

വിടവാങ്ങുമ്പോള്‍ ബ്രിട്ടാസിന് ആഡംബര കാര്‍ നല്‍കിയതും വിവാദമായെന്ന് പത്രവാര്‍ത്ത കണ്ടു?

ഒരു കമ്പനിയില്‍ മികച്ച പ്രവര്‍ത്തനം നടത്തിയ ചീഫ് എക്‌സിക്യൂട്ടിവിന് മാനേജ്‌മെന്റ് തലത്തില്‍ എന്തെങ്കിലും സമ്മാനം നല്‍കുന്ന പതിവുണ്ട്. എട്ടുവര്‍ഷം എം.ഡിയെന്ന എന്റെ മികച്ച പ്രവര്‍ത്തനം മുന്‍നിര്‍ത്തി ഞാന്‍ ഉപയോഗിച്ചുകൊണ്ടിരുന്ന പഴയ ഹോണ്ട സിറ്റി കാര്‍ കൈമാറണമെന്ന ധാരണ ഡയറക്ടര്‍ ബോര്‍ഡില്‍ ഉണ്ടായിരുന്നു. അവര്‍ അത് തീരുമാനിക്കുകയും ചെയ്തു. എന്നാല്‍, കാര്‍ വേണ്ടതില്ലെന്ന നിലപാടാണ് ഞാന്‍ സ്വീകരിച്ചത്. എന്റെ പേരിലേക്ക് കാര്‍ മാറ്റട്ടെ എന്നു ചോദിച്ചപ്പോള്‍ വേണ്ടതില്ല എന്ന് പടിയിറങ്ങിയ ദിവസംതന്നെ ഞാന്‍ പറയുകയും ചെയ്തു. ഈ ഒരു ചെറിയ സംഭവത്തെപോലും ഊതി വീര്‍പ്പിച്ച് വാര്‍ത്തയാക്കിയത് അല്‍പത്തം അല്ലാതെ മറ്റെന്താണ്?

പോകുന്നത് സ്റ്റാര്‍ ഏഷ്യാനെറ്റ് ചാനലിലേക്കാണെന്ന് യാത്രയയപ്പു യോഗത്തിന് മുമ്പ് ബന്ധപ്പെട്ടവരെ അറിയിച്ചിരുന്നോ?

ഒരു ദേശീയ നെറ്റ്‌വര്‍ക് സംരംഭത്തില്‍ പ്രവര്‍ത്തിക്കുന്നു എന്നു മാത്രമാണ് എല്ലാവരോടും പറഞ്ഞത്.

ഒരു ജേണലിസ്റ്റിന്റെ സ്വാതന്ത്ര്യവുമായി ബന്ധപ്പെട്ടതാണോ പ്രശ്‌നം?

ഒരാള്‍ ഒരു സ്ഥാപനം വിട്ടുകഴിഞ്ഞാല്‍ അയാള്‍ പിന്നെ എവിടെ പ്രവര്‍ത്തിക്കുന്നു എന്ന് സമൂഹം നോക്കരുത്. അയാള്‍ എങ്ങനെ, എന്തു ചെയ്യണം എന്ന് അടിച്ചേല്‍പിക്കുന്നതും ശരിയല്ല. അവസാനനിമിഷം വരെയും ഞാന്‍ കൈരളിയില്‍തന്നെ തുടരണം എന്നുള്ള ശാഠ്യം ശരിയാണോ? നില്‍ക്കുന്ന സമയത്ത് അര്‍പ്പണബോധത്തോടെ അതിനുവേണ്ടി പ്രവര്‍ത്തിക്കുക. അതു കഴിഞ്ഞാല്‍ പിന്നെ, ഞാന്‍ എനിക്കുള്ള പ്രഫഷനല്‍ താല്‍പര്യം മുന്‍നിര്‍ത്തി എന്റെ അടുത്ത ദൗത്യം കണ്ടെത്തും. അത്രയേ ഉള്ളൂ.

സജീവ മാധ്യമ പ്രവര്‍ത്തനത്തില്‍നിന്ന് ബിസിനസ് ലോകത്തേക്കുള്ള ഈ വഴിമാറ്റം പ്രയാസം സൃഷ്ടിക്കില്ലേ?

കഴിഞ്ഞ അഞ്ചെട്ടു വര്‍ഷത്തിനുള്ളില്‍ വിപ്ലവകരമായ മാറ്റങ്ങളാണ് മാധ്യമ ലോകത്ത് സംഭവിച്ചുകൊണ്ടിരിക്കുന്നത്. പല കാര്യങ്ങളും ഈ മേഖലയില്‍ സംഭവിക്കുന്നു. എല്ലാം നമുക്ക് നമ്മുടെ ഈ ചെറിയ കൈക്കുമ്പിളില്‍ ഒതുക്കിനിര്‍ത്താന്‍ കഴിയില്ല.

ദല്‍ഹി വിടുമ്പോള്‍ എനിക്ക് വലിയ പ്രയാസമായിരുന്നു. ദേശീയ രാഷ്ട്രീയത്തിലെ ആനുകാലിക സംഭവവികാസങ്ങള്‍ റിപ്പോര്‍ട്ട് ചെയ്യാന്‍ കഴിയാതിരുന്നത് തുടക്കത്തില്‍ എന്നെ വേദനിപ്പിച്ചു. പക്ഷേ, മാനേജിങ് ഡയറക്ടര്‍ എന്ന നിലയില്‍ പുതിയ കുറെ അനുഭവങ്ങളുടെ ലോകം എനിക്കു മുന്നില്‍ തുറന്നു. അതോടെ ഞാന്‍ മാറി. ഇപ്പോള്‍ വേറൊരു മേഖലയിലേക്കാണ് എന്റെ മാറ്റം. വാര്‍ത്തയുടെ ലോകത്തുനിന്നുള്ള താല്‍ക്കാലിക വിടവാങ്ങല്‍ തന്നെയാണിത്. ഭാവിയില്‍ വീണ്ടും അവിടേക്ക് തിരിച്ചുവന്നു കൂടായ്കയില്ല.

മാധ്യമ ലോകത്തെ മാറ്റങ്ങള്‍ എങ്ങനെ വിലയിരുത്തുന്നു?

വിഭാവന ചെയ്യുന്നതിനും അപ്പുറത്തേക്ക് മാധ്യമലോകം മാറുകയാണ്. ഏറ്റവും വലിയ വിസ്‌ഫോടനമാണ് ഈ മേഖലയില്‍ സംഭവിക്കുന്നത്. സാങ്കേതിക തലത്തിലും ആ മാറ്റം തീവ്രം. ഒന്നുരണ്ടു വര്‍ഷംകൊണ്ട് ഹൈ ഡെഫിനിഷന്‍ സാങ്കേതികത ശക്തിയാര്‍ജിക്കും. എന്തെല്ലാമോ കാര്യങ്ങള്‍ ഇനി സംഭവിക്കാനിരിക്കുന്നു.

വരുമാനത്തിന്റെ കാര്യത്തിലും മാധ്യമ മേഖലയില്‍ വന്‍ കുതിപ്പാണ്. ഐ.പി.എല്‍ മത്സരത്തിന്റെ തുടക്കത്തില്‍ പത്തു സെക്കന്‍ഡ് ദൈര്‍ഘ്യമുള്ള പരസ്യത്തിന് സോണി നാല് ലക്ഷം രൂപ ഈടാക്കിയപ്പോള്‍ എല്ലാവരും അദ്ഭുതപ്പെടുകയായിരുന്നു. നാലായിരം മുതല്‍ പതിനായിരംവരെ മാത്രമായിരുന്നു അപ്പോള്‍ മലയാളത്തിന്റെ പരസ്യനിരക്ക്. ഇന്ത്യ-ശ്രീലങ്ക ലോകകപ്പിലെത്തിയപ്പോള്‍ പത്തു സെക്കന്‍ഡിന് 25 ലക്ഷം എന്നതായി നിരക്ക്. മലയാളത്തിലും ഈ മാറ്റം കാണാം.

ഏഷ്യാനെറ്റ് ഉള്‍പ്പെടെയുള്ള ചാനലുകളെ നിശിതമായി വിമര്‍ശിക്കുന്ന'അഴിച്ചുപണി' എന്ന പരിപാടി ഇലക്ഷന് മുമ്പ് കൈരളിയില്‍ നിന്നും അപ്രത്യക്ഷമായി. പുതിയ ദൗത്യത്തിന് വഴിയൊരുക്കാന്‍ ബ്രിട്ടാസ് തന്നെ ഇടപെട്ടാണ് പ്രോഗ്രാം നിര്‍ത്തിച്ചതെന്നാണ് മറ്റൊരു ആരോപണം?

കഷ്ടം. പരിപാടിയുടെ അവതാരകനായ എന്‍.പി. ചന്ദ്രശേഖരന്‍തന്നെ ഇതിനു മറുപടി പറയും. ഏതു കാലത്തും മാധ്യമ ധാര്‍മികത പാലിക്കാന്‍ ആഗ്രഹിക്കുന്ന വ്യക്തിയാണ് ഞാന്‍. നിക്ഷിപ്ത താല്‍പര്യങ്ങള്‍ക്കുവേണ്ടി അരുതായ്കകള്‍ക്ക് എന്നെ കിട്ടില്ല.

ഫെയ്‌സ്ബുക്കിലെ ചതിക്കുഴികള്‍

2011-01-27T09:59:00.000-08:00

ഫെയ്‌സ്ബുക്ക് ഒരു രാജ്യമായിരുന്നുവെങ്കില്‍ അംഗസംഖ്യ വെച്ച് ചൈനക്കും ഇന്ത്യക്കും പിറകില്‍ മൂന്നാമത്തെ രാജ്യമായി അത് അറിയപ്പെട്ടേനെ-ഫെയ്‌സ്ബുക്കിനെ 'ടൈം മാഗസിന്‍' ഉള്‍പ്പടെയുള്ള മാധ്യമങ്ങള്‍ വിശേഷിപ്പിക്കുന്നത് ഇങ്ങനെയാണ്. ലോകമൊട്ടാകെ ഏകദേശം 60 കോടിയോളം ഫെയ്‌സ്ബുക്ക് ഉപയോക്താക്കളുണ്ട്. ഇതില്‍ 50 ശതമാനം പേരും ദിവസം ഒരു പ്രാവശ്യമെങ്കിലും ഫെയ്‌സ്ബുക്കില്‍ ലോഗിന്‍ ചെയ്യുന്നവരാണ്. ഫെയ്‌സ്ബുക്ക് അതിന്റെ സ്വരൂപം കാട്ടിത്തുടങ്ങിയതോടെ മറ്റു പല സൗഹൃദക്കൂട്ടായ്മകളും പിന്നിലായി. പ്രചാരത്തില്‍ ഗൂഗിളിനുപോലും ഭീഷണി സൃഷ്ടിച്ചുകൊണ്ടാണ് ഫെയ്‌സ്ബുക്കിന്റെ മുന്നേറ്റം. ഇന്ത്യയിലും സ്ഥിതി വ്യത്യസ്തമല്ല. ഇന്ത്യയില്‍ ഒന്നാമതായിരുന്ന ഗൂഗിളിന്റെ ഓര്‍ക്കുട്ടിനെ ചുരുങ്ങിയ കാലം കൊണ്ടുതന്നെ ഫെയ്‌സ്ബുക്ക് പിന്നിലാക്കിയിരിക്കുന്നു. പല സ്ഥാപനങ്ങളിലും ജോലി സമയത്ത് ഫെയ്‌സ്ബുക്ക് നിരോധിച്ചിരിക്കുകയാണ്.

ഫെയ്‌സ്ബുക്കിനൊപ്പം തന്നെ ഫെയ്‌സ്ബുക്ക് സൃഷ്ടിക്കുന്ന വിവാദങ്ങളും വളരുന്നു. വിവാദങ്ങളില്‍ പ്രധാനപ്പെട്ടതാണ് വ്യക്തികളുടെ സ്വകാര്യതാ സംരക്ഷണം. നിങ്ങള്‍ ഇന്റര്‍നെറ്റില്‍ പലയിടങ്ങളിലായി അറിഞ്ഞോ അറിയാതെയോ കൊടുത്തിട്ടുള്ള വിവരങ്ങള്‍ നിങ്ങള്‍ അറിയാതെ തന്നെ ക്രോഡീകരിച്ച് നിങ്ങളെക്കുറിച്ചുള്ള വളരെ വ്യക്തമായ ഒരു ചിത്രം തയ്യാറാക്കാന്‍ കഴിയും. അടുത്ത കാലത്ത് ഒരു വിദ്വാന്‍ ലക്ഷക്കണക്കിന് ഫെയ്‌സ്ബുക്ക് ഉപയോക്താക്കളുടെ ഫോട്ടോകളും ഫോണ്‍ നമ്പറുകളും ഇമെയില്‍ വിലാസങ്ങളും മറ്റും ശേഖരിച്ച് അവയുടെ ഒരു വന്‍ശേഖരം ഉണ്ടാക്കി ഇന്റര്‍നെറ്റില്‍ പരസ്യപ്പെടുത്തിയത് ഓര്‍മ്മയില്ലേ. ടോറന്റുകളും മറ്റു ഫയല്‍ ഷെയറിംഗ് സൈറ്റുകളും വഴി അത് ഇപ്പോഴും ഇന്റര്‍നെറ്റില്‍ ആര്‍ക്കും ഡൗണ്‍ലോഡ് ചെയ്യാനാകും. ഇതില്‍ ആരെയാണ് കുറ്റപ്പെടുത്താനാവുക?

മറ്റുള്ളവരുടെ ക്ഷണം സ്വീകരിച്ചോ അല്ലെങ്കില്‍ സ്വന്തം ഇഷ്ടപ്രകാരമോ ഫെയ്‌സ്ബുക്ക്, ഓര്‍ക്കുട്ട് തുടങ്ങിയ സൗഹൃദക്കൂട്ടായ്മകളില്‍ തിടുക്കപ്പെട്ട് അംഗമാകുന്നവര്‍, തങ്ങളുടെ എന്തൊക്കെ വിവരങ്ങളാണ് ഇന്റര്‍നെറ്റിലൂടെ പരസ്യമാകുന്നത് എന്ന് ഓര്‍ക്കാറില്ല. ആരെങ്കിലും വീടിന്റെ മതിലിനു പുറത്തോ അല്ലെങ്കില്‍ പൊതു സ്ഥലങ്ങളിലോ സ്വന്തം വിലാസവും കുടുംബാംഗങ്ങളുടെ ഫോട്ടൊയും ഫോണ്‍നമ്പറും ഒക്കെ അടങ്ങിയ വലിയ ഫ്ലക്‌സ് ബോര്‍ഡുകള്‍ വയ്ക്കാറുണ്ടോ? അതിലും അപകടകരമാണ് സൗഹൃദക്കൂട്ടായ്മകളിലൂടെ സ്വകാര്യ വിവരങ്ങള്‍ പ്രസിദ്ധപ്പെടുത്തുന്നത്. ഫെയ്‌സ്ബുക്കിലെ സ്വകാര്യതാ ക്രമീകരണങ്ങളില്‍ കൂടുതല്‍ ശ്രദ്ധ കൊടുക്കാത്തതു കൊണ്ടുള്ള ഭീഷണികള്‍ വലുതാണ്.

'കയ്യില്‍ നിന്നു വിട്ട കല്ലും വായില്‍ നിന്നു വിട്ട വാക്കും ഫെയ്‌സ്ബുക്കിലിട്ട ഫോട്ടോയും ഒരിക്കലും തിരിച്ചെടുക്കാന്‍ കഴിയില്ല' എന്നതാണ് പുതുമൊഴി. അതിനാല്‍ ഫോട്ടോകള്‍ സൗഹൃദക്കൂട്ടായ്മകളില്‍ പരസ്യപ്പെടുത്തുംമുന്‍പ് വളരെ ശ്രദ്ധിക്കേണ്ടതാണ്. ഉയര്‍ന്ന നിലവാരമുള്ള ഫോട്ടോകളില്‍ ഫോട്ടോഷോപ്പ് തുടങ്ങിയ സോഫ്ട്‌വേറുകള്‍ ഉപയോഗിച്ച് കയ്യാങ്കളി നടത്തുവാന്‍ വളരെ എളുപ്പമാണ്. നിങ്ങളുടെ ഫോട്ടോകള്‍, സ്റ്റാറ്റസ് അപ്‌ഡേറ്റുകള്‍, ഇഷ്ടാനിഷ്ടങ്ങള്‍ തുടങ്ങിയവ ആരൊക്കെ കാണണം/കാണരുത് എന്ന് മുന്‍കൂട്ടി തീരുമാനിക്കുക. ഉദാഹരണമായി നിങ്ങളുടെ സ്ഥാപനത്തിലെ ഒരു ചടങ്ങിന്റെ ഫൊട്ടോകള്‍ ലോകം മുഴുവനും കാണണമെന്നു നിര്‍ബന്ധമുണ്ടോ? ചിലപ്പോള്‍ അത് നിങ്ങളുടെ സ്ഥാപനത്തിന്റെ സ്വകാര്യതയ്ക്കും താത്പര്യങ്ങള്‍ക്കും എതിരായെന്നു വരാം.

ഫെയ്‌സ്ബുക്ക് മറ്റു സൗഹൃദക്കൂട്ടായ്മകളെ അപേക്ഷിച്ച് ഉപയോക്താക്കളുടെ സ്വകാര്യത സംരക്ഷിക്കുന്നതില്‍ മുന്നില്‍ നില്‍ക്കുന്നു. പക്ഷേ മിക്കപ്പോഴും ധൃതി പിടിച്ചും മറ്റുള്ളവരുടെ ക്ഷണം സീകരിച്ചും ഫെയ്‌സ്ബുക്ക് അക്കൗണ്ടുകള്‍ തുറക്കുന്നവര്‍ സാങ്കേതികപദങ്ങള്‍ വേണ്ട രീതിയില്‍ മനസ്സിലാകാത്തതു കൊണ്ടും പരിചയക്കുറവു കൊണ്ടും അലസതകൊണ്ടുമൊക്കെ സുരക്ഷാക്രമീകരണങ്ങള്‍ കാര്യമായി എടുക്കാറില്ല.

ഫെയ്‌സ്ബുക്കിലെ സ്വകാര്യതാ ക്രമീകരണങ്ങള്‍ വലിയ ആശയക്കുഴപ്പം ഉണ്ടാക്കാറുണ്ടെന്നതും ഒരു വസ്തുതയാണ്. മാത്രമല്ല ഫെയ്‌സ്ബുക്ക് മലയാളമടക്കം അനവധി ഭാഷകളില്‍ ലഭ്യമാണെങ്കിലും സ്വകാര്യതാ ക്രമീകരണങ്ങള്‍ പ്രതിപാദിക്കുന്ന ഭാഗം ഇനിയും പല ഭാഷകളിലേക്കും വിവര്‍ത്തനം ചെയ്യപ്പെട്ടിട്ടില്ല.

ഫെയ്‌സ്ബുക്കിന്റെ സ്വകാര്യതാ ക്രമീകരണങ്ങള്‍

ഫെയ്‌സ്ബുക്ക് അക്കൗണ്ട് തുറക്കുമ്പോള്‍ ആദ്യം ചെയ്യേണ്ടതും എന്നാല്‍ പലരും ഒരിക്കല്‍ പോലും പരിശോധിക്കാത്തതുമായ പ്രധാനപ്പെട്ട ഒരു ഭാഗമാണിത്. അക്കൗണ്ട് തുറക്കുമ്പോള്‍ ഉള്ള ഡീഫോള്‍ട്ട് സെറ്റിംഗുകള്‍ പലപ്പോഴും വ്യക്തി താത്പര്യങ്ങള്‍ക്കു നിരക്കുന്നതാവാറില്ല. അതിനാല്‍ ഫെയ്‌സ്ബുക്കിലെ സ്വകാര്യതാ ക്രമീകരണങ്ങള്‍ വിശദമായി അറിഞ്ഞിരിക്കേണ്ടത് അത്യാവശ്യമാണ്.

ഫെയ്‌സ്ബുക്കില്‍ സ്വകാര്യമാക്കി വയ്ക്കാന്‍ പറ്റാത്തതെന്തൊക്കെ?

പ്രൈവസി സെറ്റിംഗുകള്‍ മുഖേന നിങ്ങള്‍ക്ക് എല്ലാ കാര്യങ്ങളും സ്വകാര്യമാക്കി വയ്ക്കാനാകില്ല. അത്തരത്തിലുള്ള അഞ്ചു കാര്യങ്ങളാണ് ഉള്ളത്

1. നിങ്ങളുടെ പ്രൊഫൈല്‍ ചിത്രം
2. പേര്
3. ലിഗം
4. യൂസര്‍ നേം
5. നെറ്റ്‌വര്‍ക്ക്

ഒരു സൗഹൃദക്കൂട്ടായ്മയെ സംബന്ധിച്ചിടത്തോളം ഇത്രയും കാര്യങ്ങള്‍ അടിസ്ഥാനപരമായി അത്യാവശ്യമാണ്. അതായത് ഫെയ്‌സ്ബുക്ക് അക്കൗണ്ടുള്ള ഏതൊരാളുടേയും ഇത്രയും വിവരങ്ങള്‍ ഏത് ഉപഭോക്താവിനും കാണാന്‍ കഴിയും. ഇതില്‍ യാതൊരു നിയന്ത്രണങ്ങളും സാധ്യമല്ല.

ഈ പേജില്‍ (http://www.facebook.com/#!/settings/?tab=privacy) പോയി നിങ്ങളുടെ എല്ലാ പ്രൈവസി സെറ്റിംഗുകളും പരിശോധിക്കാനും വേണ്ട രീതിയില്‍ നിയന്ത്രിക്കാനുമാകും.

ഇതില്‍ പ്രധാനമായും അഞ്ചു ഭാഗങ്ങള്‍ ആണുള്ളത്.

1. connecting on Facebook
ഇതില്‍ ആദ്യത്തേത് നിങ്ങളെക്കുറിച്ചുള്ള എന്തൊക്കെ വിവരങ്ങള്‍ സുഹൃത്തുക്കളും മറ്റ് ഫെയ്‌സ്ബുക്ക് ഉപയോക്താക്കളും കാണണം എന്ന് തീരുമാനിക്കാനുള്ളതാണ്. ഇതിലെ connecting on Facebook എന്ന മെനുവിലെ' view settings' എന്ന ലിങ്കില്‍ അമര്‍ത്തിയാല്‍ താഴെക്കൊടുത്തിട്ടുള്ളതുപോലെയുള്ള ഒരു പേജ് തുറക്കും.

ഈ പേജില്‍ നിങ്ങളുടെ സ്വകാര്യത സംരക്ഷിക്കുന്നതിനായി ഏഴു പ്രധാന ഭാഗങ്ങള്‍ ഉണ്ട്.

1. ഇതിലെ ആദ്യ സെറ്റിംഗ് ഫെയ്‌സ്ബുക്കിലെ തിരച്ചില്‍ പേജുകളില്‍ നിങ്ങളുടെ സാന്നിധ്യം നിയന്ത്രിക്കുവാന്‍ ഉദ്ദേശിച്ചുള്ളതാണ്. അതായത് ഈ സെറ്റിംഗ് 'Everyone' എന്നു ക്രമീകരിച്ചാല്‍ ഫെയ്‌സ്ബുക്കിലെ ആര്‍ക്കും നിങ്ങളുടെ ഫെയ്‌സ്ബുക്ക് അക്കൗണ്ട് തിരഞ്ഞു കണ്ടുപിടിക്കാന്‍ കഴിയും. ഇതിലെ മറ്റു രണ്ടു സെറ്റിംഗുകളായ 'Friends' , 'Friends of Friends' എന്നിവയാണെങ്കില്‍ മറ്റു ഫെയ്‌സ്ബുക്ക് ഉപയോക്താക്കള്‍ക്ക് ഫെയ്‌സ്ബുക്കിലെ തിരയല്‍ സൗകര്യം ഉപയോഗിച്ച് നിങ്ങളില്‍ എത്താനാകില്ല.

2. രണ്ടാമത്തേത് നിങ്ങള്‍ ആരില്‍ നിന്നൊക്കെ സൗഹൃദത്തിനായുള്ള അപേക്ഷകള്‍ സ്വീകരിക്കാന്‍ ആഗ്രഹിക്കുന്നു എന്ന് തീരുമാനിക്കാനുള്ളതാണ്. ഇതില്‍ എല്ലാവരില്‍ നിന്നും, സുഹൃത്തുക്കളുടെ സുഹൃത്തുക്കളില്‍ നിന്നും എന്നിങ്ങനെ രണ്ട് ഒപ്ഷനുകളാണ് ഉള്ളത്. തികച്ചും അപരിചിതരില്‍ നിന്നും നിങ്ങള്‍ സൗഹൃദത്തിനായുള്ള അപേക്ഷകള്‍ സ്വീകരിക്കാന്‍ ആഗ്രഹിക്കുന്നില്ലെങ്കില്‍ 'Friends of Friends' എന്ന ഒപ്ഷന്‍ തെരഞ്ഞെടുക്കുക.

3. അപരിചിതരില്‍ നിന്നും നിങ്ങള്‍ സന്ദേശങ്ങള്‍ സ്വീകരിക്കാന്‍ ആഗ്രഹിക്കുന്നില്ലേ? ഈ സെറ്റിംഗ് അതിനുള്ളതാണ്. ഇതിലൂടെ നിങ്ങള്‍ക്ക് ആരില്‍ നിന്നൊക്കെ സ്വകാര്യ സന്ദേശങ്ങള്‍ സ്വീകരിക്കണം എന്ന് തീരുമാനിക്കാന്‍ ആകും.

4. നിങ്ങളുടെ ഫെയ്‌സ്ബുക്ക് സുഹൃത്‌വലയം, വിദ്യാഭാസ യോഗ്യത, തൊഴില്‍, സ്ഥലം, ഇഷ്ടാനിഷ്ടങ്ങള്‍ മുതലായവ ആര്‍ക്കൊക്കെ ദൃശ്യമാകണം എന്നു തീരുമാനിക്കാനുള്ളതാണ് അടുത്ത മൂന്നു ക്രമീകരണങ്ങള്‍. ഇതില്‍ മുന്‍ പറഞ്ഞതില്‍ കൂടാതെ 'Customize' എന്ന ഓപ്ഷന്‍ ഉപയോഗിച്ച് നിങ്ങള്‍ക്ക് ഫെയ്‌സ്ബുക്ക് സുഹൃത്‌വലയത്തിലുള്ള തെരഞ്ഞെടുത്ത സുഹൃത്തുക്കള്‍ക്കു മാത്രം പ്രസ്തുത വിവരങ്ങള്‍ ദൃശ്യമാക്കാന്‍ കഴിയുന്നു.

2. Sharing on Facebook
ഇത് നിങ്ങളുടെ ഫെയ്‌സ്ബുക്ക് അക്കൗണ്ട് പ്രൈവസി സെറ്റിംഗുകളുടെ ഒറ്റ നോട്ടത്തിലുള്ള ഒരു ദൃശ്യമാണ്. നിങ്ങളുടെ സ്വകാര്യത ഏതു വിധത്തിലാണ് നിര്‍വ്വചിക്കപ്പെട്ടിരിക്കുന്നതെന്ന് ഇതിലൂടെ മനസ്സിലാക്കാന്‍ കഴിയും. ഉദാഹരണമായി നിങ്ങള്‍ ഫെയ്‌സ്ബുക്കില്‍ ഒരു ഫൊട്ടോ ഇട്ടു. അത് ആരൊക്കെ കാണണം, ആര്‍ക്കൊക്കെ അതില്‍ അഭിപ്രായം പറയാം, നിങ്ങളുടെ ഫെയ്‌സ്ബുക്ക് ചുവരില്‍ ആര്‍ക്കൊക്കെ എഴുതാം, നിങ്ങള്‍ ഇഷ്ടപ്പെടുന്ന കാര്യങ്ങള്‍ ആര്‍ക്കൊക്കെ കാണാം തുടങ്ങിയ വിവരങ്ങള്‍ ഇതിലൂടെ ഒറ്റനോട്ടത്തില്‍ മനസ്സിലാക്കാം.

ഫേസ്ബുക്കിലെ പ്രൈവസി ലെവലുകള്‍

ഫേസ്ബുക്കില്‍ താഴെപ്പറയുന്ന പ്രൈവസി ലെവലുകള്‍ ആണുള്ളത്
1. എല്ലാവരും
2. സുഹൃത്തുക്കള്‍
3. സുഹൃത്തുക്കളുടെ സുഹൃത്തുക്കള്‍
4. തെരഞ്ഞെടുത്ത സുഹൃത്തുക്കള്‍
5. നിങ്ങള്‍ മാത്രം

അതായത്, നിങ്ങളെ സംബന്ധിക്കുന്ന വിവരങ്ങളും നിങ്ങള്‍ക്കിഷ്ടമുള്ള കാര്യങ്ങളും നിങ്ങള്‍ പങ്കുവയ്ക്കാന്‍ ആഗ്രഹിക്കുന്ന വിവരങ്ങളും സംവദിക്കാനുള്ള വിവരങ്ങളും ആരുമായൊക്കെ പങ്കുവക്കണം അഥവാ മറ്റാര്‍ക്കൊക്കെ ദൃശ്യമാകണം എന്നൊക്കെ ഈ പ്രൈവസി ലെവലുകളിലൂടെ നിശ്ചയിക്കാന്‍ കഴിയും.

പേജിന്റെ അടിയിലായുള്ള 'Customize settings' എന്ന ലിങ്കില്‍ ക്ലിക്ക് ചെയ്ത് നിങ്ങളുടെ സ്വകാര്യതയുമായി ബന്ധപ്പെട്ട മേല്‍പ്പറഞ്ഞ എല്ലാ വിവരങ്ങളും ഫലപ്രദമായി നിയന്ത്രിക്കാന്‍ കഴിയും.

ഫെയ്‌സ്ബുക്ക് അക്കൗണ്ട് ഒരു കണ്ണാടിയിലൂടെ

'Preview My Profile' എന്ന ബട്ടനില്‍ അമര്‍ത്തിയാല്‍ നിങ്ങളുടെ ഫെയ്‌സ്ബുക്ക് പേജ് മറ്റുള്ളവര്‍ക്ക് എങ്ങിനെ ദൃശ്യമാകുന്നു എന്ന് കാണാന്‍ കഴിയും. മാത്രമല്ല ഒരു പ്രത്യേക സുഹൃത്ത് തന്റെ ഫെയ്‌സ്ബുക്ക് പേജ് എങ്ങിനെ കാണുന്നു എന്ന് അറിയാനുള്ള സൗകര്യവും ഈ പേജ് നല്‍കുന്നു. ഈ പേജിനെ 'ഫെയ്‌സ്ബുക്ക് അക്കൗണ്ടിന്റെ കണ്ണാടി' എന്നു വേണമെങ്കില്‍ വിശേഷിപ്പിക്കാം. ദൗര്‍ഭാഗ്യവശാല്‍ പല ഫെയ്‌സ്ബുക്ക് ഉപയോക്താക്കളും ഒരിക്കല്‍ പോലും ഈ സൗകര്യം ഉപയോഗിക്കാറില്ല എന്നതാണ് വസ്തുത.

അനാവശ്യ അപ്ലിക്കേഷനുകള്‍ എങ്ങിനെ നിയന്ത്രിക്കാം

ഫെയ്‌സ്ബുക്കിനോടൊപ്പം തന്നെ ഫെയ്‌സ്ബുക്ക് അടിസ്ഥാനമാക്കിയുള്ള മറ്റു പല ഓണ്‍ലൈന്‍ ബിസിനസുകളും വളരുന്നു. പ്രത്യേകിച്ച് ഫെയ്‌സ്ബുക്ക് അപ്ലിക്കേഷനുകള്‍. ഇത്തരത്തിലുള്ള പല ഫെയ്‌സ്ബുക്ക് അപ്ലിക്കേഷനുകളും സ്ഥാപിത താത്പര്യങ്ങളോടു കൂടിയവയും സ്വകാര്യതയ്ക്ക് ഭീഷണിയായവയും ആണ്.

പലപ്പോഴും സ്വന്തം ഫെയ്‌സ്ബുക്ക് ചുവരില്‍ നിങ്ങള്‍ ആഗ്രഹിക്കാത്ത പല അപ്‌ഡേറ്റുകളും പോസ്റ്റുകളും വരാറില്ലേ? നിങ്ങള്‍ മനപ്പൂര്‍വ്വമോ അല്ലാതെയോ ഫെയ്‌സ്ബുക്ക് അക്കൗണ്ടുമായി കൂട്ടിച്ചേര്‍ത്തിട്ടുള്ള അപ്ലിക്കേഷനുകളുടെ പണിയായിരിക്കാം അത്.

മിക്കവാറും എല്ലാ സൈറ്റുകളിലും മറ്റു സൗഹൃദക്കൂട്ടായ്മകളിലും അംഗമാകുന്നതിലേക്കായി നിങ്ങളെക്കുറിച്ചുള്ള പ്രാഥമിക വിവരങ്ങളും താത്പര്യങ്ങളും ഇമെയില്‍ വിലാസങ്ങളും ഒക്കെ അടങ്ങിയ ഒരു ഫോറം പൂരിപ്പിക്കേണ്ടി വരും. എന്നാല്‍, ഇപ്പോള്‍ മിക്കവാറും പല സൈറ്റുകളിലും കാണാറില്ലേ, 'Sign in with your Facebook account' എന്ന്. ഇതുപ്രകാരം ഒരു ബട്ടന്‍ അമര്‍ത്തി അക്കൗണ്ട് തുറക്കാം. 'ഈ അപ്ലിക്കേഷന്‍ നിങ്ങളുടെ ഫെയ്‌സ്ബുക്ക് അക്കൗണ്ടില്‍ നിന്നും ചില സ്വകാര്യ വിവരങ്ങള്‍ ശേഖരിക്കാനാഗ്രഹിക്കുന്നു' എന്നിങ്ങനെയുള്ള മുന്നറിയിപ്പൊക്കെ കാണാം. മിക്കവരും അതൊക്കെ അവഗണിക്കുകയാണ് പതിവ്.

ഇത്തരത്തില്‍ ഫെയ്‌സ്ബുക്ക് അപ്ലിക്കേഷനുകള്‍ ഉപയോഗിച്ച് രജിസ്‌ട്രേഷന്‍ പ്രക്രിയ എളുപ്പമാക്കുന്നതിലൂടെ പ്രസ്തുത സൈറ്റിന് രണ്ടു നേട്ടങ്ങള്‍ ആണ് ഉണ്ടാവുന്നത്. ഒന്ന് നിങ്ങളെക്കുറിച്ചുള്ള വളരെ കൃത്യമായ വിവരങ്ങള്‍ ലഭിക്കുന്നു. രണ്ട് നിങ്ങളുടെ സുഹൃത്‌വലയത്തിന്റെ ഭാഗമായി തങ്ങളുടെ ബിസിനസിന് കൂടുതല്‍ പ്രചാരം നല്‍കാന്‍ കഴിയുന്നു. എല്ലാ സൈറ്റുകളും ഈ സൗകര്യം ഒരേപോലെ അല്ല ഉപയോഗിക്കുന്നത്. ചില അപ്ലിക്കേഷനുകള്‍ നിങ്ങളെക്കുറിച്ചുള്ള പ്രാഥമിക വിവരങ്ങള്‍ മാത്രം ശേഖരിച്ച് നിശബ്ദമായിരിക്കുമ്പോള്‍ മറ്റു ചിലവ അടിക്കടിയുള്ള അപ്‌ഡേറ്റുകളും പരസ്യങ്ങളും കൊണ്ട് ഉപയോക്താക്കളുടെ ഫെയ്‌സ്ബുക്ക് ചുവരുകള്‍ നിറയ്ക്കുന്നു.

അനാവശ്യ (സ്പാം) അപ്ലിക്കേഷനുകള്‍

ഈ അടുത്തകാലത്തായി പലരുടേയും ഫെയ്‌സ്ബുക്ക് ചുമരില്‍ സുഹൃത്തുക്കളില്‍ നിന്നായി 'My total facebook views are 4325 Find out your total profile views @ http://bit.ly/im9StZ ' എന്നിങ്ങനെയുള്ള ചില സന്ദേശങ്ങള്‍ ലഭിച്ചിരുന്നു. അതില്‍ കൊടുത്തിട്ടുള്ള ലിങ്കില്‍ ക്ലിക്ക് ചെയ്താല്‍ ഒരു വിന്‍ഡോ തുറക്കുകയും ഒരു അപ്ലിക്കേഷന്‍ ഇന്‍സ്റ്റാള്‍ ചെയ്യുവാനുള്ള അനുവാദം ചോദിക്കുകയും ചെയ്യുന്നു. അതിലൂടെ ഈ സൈറ്റില്‍ നിന്നും അപകടകരമായേക്കാവുന്ന ദുഷ്ടപ്രോഗ്രാമുകള്‍ നിങ്ങളുടെ കമ്പ്യൂട്ടറിലേക്ക് നിക്ഷേപിക്കപ്പെടുന്നു. മാത്രമല്ല ഫെയ്‌സ്ബുക്കിലെ സ്വകാര്യ വിവരങ്ങള്‍ പങ്കുവയ്ക്കാന്‍ അനുവാദം നല്‍കുക വഴി പ്രസ്തുത സന്ദേശം നിങ്ങളുടെ ന്യൂസ്ഫീഡ് ആയി മറ്റു സുഹൃത്തുക്കളിലേക്കുകൂടി വ്യാപിക്കുകയും ചെയ്യുന്നു.

നിങ്ങളുടെ ഫെയ്‌സ്ബുക്ക് അക്കൗണ്ടില്‍ അറിഞ്ഞോ അറിയാതെയോ കടന്നു കൂടിയിട്ടുള്ള അപ്ലിക്കേഷനുകളെ കണ്ടെത്താനും അവയെ നിയന്ത്രിക്കുവാനോ നീക്കം ചെയ്യുവാനോ വളരെ എളുപ്പം സാധിക്കും.

പ്രൈവസി സെറ്റിംഗ് പേജിലെ ഇടത്തേ മൂലയില്‍ ഉള്ള 'Apps and websitse' എന്നതിനു ചുവടെയുള്ള 'Edit Your settings' എന്ന ലിങ്കില്‍ അമര്‍ത്തുക അപ്പോള്‍ ചുവടെ കൊടുത്തിട്ടുള്ളതുപോലെയുള്ള ഒരു പേജ് ലഭിക്കുന്നു.

ഇതില്‍ നിങ്ങളുടെ അക്കൗണ്ടില്‍ ചേര്‍ക്കപ്പെട്ടിരിക്കുന്ന അപ്ലിക്കേഷനുകളുടെ പട്ടിക ദൃശ്യമാകുന്നു. ഇതില്‍ 'Applications You use' എന്നതിനു നേരേയുള്ള 'Edit Settings' എന്ന ലിങ്കില്‍ അമര്‍ത്തിയാല്‍ ലഭിക്കുന്ന പേജിലൂടെ നിങ്ങളുടെ അക്കൗണ്ടിലുള്ള ഓരോ അപ്ലിക്കേഷനുകളും എന്തൊക്കെ സ്വകാര്യ വിവരങ്ങള്‍ ആണ് ശേഖരിക്കുന്നതെന്നും അവയ്ക്ക് എന്തൊക്കെ അവകാശങ്ങള്‍ ആണ് ഉള്ളതെന്നും അറിയാനാകുന്നു. അഭികാമ്യമല്ലാത്ത അപ്ലിക്കേഷനുകളെ നീക്കം ചെയ്യാവുന്നതാണ്.

അപ്ലിക്കേഷന്‍ കണ്‍ട്രോള്‍ പേജിലെ മറ്റു ക്രമീകരണങ്ങളിലൂടെ നിങ്ങളുടെ സുഹൃത്ത് ഒരു അപ്ലിക്കേഷന്‍ സ്വന്തം അക്കൗണ്ടിലേക്കു ചേര്‍ക്കുമ്പോള്‍ ആ അപ്ലിക്കേഷന് നിങ്ങളെക്കുറിച്ചുള്ള എന്തൊക്കെ വിവരങ്ങള്‍ ലഭ്യമാക്കണം എന്നു കൂടി നിശ്ചയിക്കാനാകും. ഇതിനായി 'Information accessible through your Frineds' എന്നതിനു നേരേയുള്ള എഡിറ്റ് ബട്ടണ്‍ അമര്‍ത്തുക. തുടര്‍ന്ന് ലഭിക്കുന്ന പോപ് അപ് വിന്‍ഡോവില്‍ക്കൂടി സുഹൃത്തുക്കളുടെ അപ്ലിക്കേഷനുകള്‍ക്ക് നിങ്ങളുടേതായി ലഭിക്കുന്ന വിവരങ്ങള്‍ നിയന്ത്രിക്കാനാകും.

ഇതില്‍ നിങ്ങളുടെ പേര്, പ്രൊഫൈല്‍ ചിത്രം, ലിംഗം, യൂസര്‍ ഐഡി, നെറ്റ്‌വര്‍ക്ക് തുടങ്ങിയ പ്രാഥമിക വിവരങ്ങള്‍ മറയ്ക്കാനാകില്ല. (ഇതിനായി അപ്ലിക്കേഷന്‍ കണ്‍ട്രോള്‍ പേജിലെ 'Turn off all Platform applications' എന്ന ലിങ്കില്‍ അമര്‍ത്തുക).

നിങ്ങള്‍ ഫെസ്ബുക്കില്‍ കളിക്കുന്ന ഫാംവില്ലി, മാഫിയാ വാര്‍ തുടങ്ങിയ കളികളുടെ വിവരങ്ങള്‍ ലോകത്തെ മുഴുവന്‍ അറിയിക്കണം എന്നുണ്ടോ. പലപ്പോഴും ഇത്തരം അപ്‌ഡേറ്റുകള്‍ സുഹൃത്തുക്കള്‍ക്ക് അരോചകമായിത്തോന്നാം. 'Game and Application Activtiy' എന്നതിനു നേരെയുള്ള ബട്ടനില്‍ അമര്‍ത്തി ഇതിനെ ഫലപ്രദമായി നിയന്ത്രിക്കാം. ഇതിലെ 'Custom' എന്ന ഓപ്ഷന്‍ ഉപയോഗിച്ച് ഒന്നുകില്‍ അപ്‌ഡേറ്റുകള്‍ നിങ്ങള്‍ക്ക് മാത്രമായോ അല്ലെങ്കില്‍ കളികളോട് താത്പര്യമുള്ള തിരഞ്ഞെടുത്ത സുഹൃത്തുക്കളിലേക്കു മാത്രമായോ ക്രമിക്കരിക്കുന്നതായിരിക്കും കൂടുതല്‍ അഭികാമ്യം.

നിങ്ങളുടെ ഫെയ്‌സ്ബുക്ക് സാന്നിധ്യം ഗൂഗിളില്‍

ഒരാളുടെ ഫെയ്‌സ്ബുക്ക് സാന്നിധ്യം ഗൂഗിളിലൂടെ പരിശോധിക്കാന്‍ വളരെ എളുപ്പമാണ്. ഗൂഗിള്‍ സേര്‍ച്ച് ബോക്‌സില്‍ ആളുടെ പേരും ഫെയ്‌സ്ബുക്ക് എന്നും ചേര്‍ത്ത് തെരഞ്ഞാല്‍ മതി. ഇത്തരത്തില്‍ സേര്‍ച്ച് എഞ്ചിന്‍ പേജുകളില്‍ നിന്നും നിങ്ങളുടെ ഫെയ്‌സ്ബുക്ക് അക്കൗണ്ടിനെ അകറ്റി നിര്‍ത്തണം എന്ന് ആഗ്രഹിക്കുന്നുണ്ടെങ്കില്‍ അപ്ലിക്കേഷന്‍ കണ്‍ട്രോള്‍ പേജിലെ 'Public Search' നു നേരേയുള്ള എഡിറ്റ് ബട്ടണില്‍ അമര്‍ത്തുക. അപ്പോള്‍ ലഭിക്കുന്ന പേജിലെ 'Enable Public Search' എന്നതിനെ ഒഴിവാക്കുക. പുതിയ ഫെയ്‌സ്ബുക്ക് അക്കൗണ്ട് തുറക്കുമ്പോള്‍ സ്വാഭാവികമായും ഈ ഓപ്ഷന്‍ എനേബിള്‍ ആയിരിക്കും (ഫെയ്‌സ്ബുക്കിന് നിങ്ങളെ ലോകത്തിനുമുന്നില്‍ പരിചയപ്പെടുത്താനാണ് താത്പര്യം)

ഒരു പ്രത്യേക ഫെയ്‌സ്ബുക്ക് ഉപയോക്താവിനെ നിങ്ങളുടെ അക്കൗണ്ടില്‍ നിന്നും വിലക്കുന്നതെങ്ങിനെ

നിങ്ങളുടെ ഏതെങ്കിലും സുഹൃത്ത് സഭ്യമല്ലാത്ത അപ്‌ഡേറ്റുകള്‍ കൊണ്ട് നിങ്ങളുടെ ഫെയ്‌സ്ബുക്ക് ചുവരുകള്‍ വൃത്തികേടാക്കാറുണ്ടോ? അതുമല്ലെങ്കില്‍ ഒരു സുഹൃത്തിന്റെ കളികളിലേക്കും അപ്ലിക്കേഷനുകളിലേക്കും ചടങ്ങുകളിലേക്കും മറ്റുമുള്ള ക്ഷണങ്ങള്‍ സ്വീകരിക്കാന്‍ താത്പര്യമില്ലേ? ഇതിനായി പ്രൈവസി സെറ്റിംഗ്‌സ് പേജിലെ 'Block Lists' എന്ന ലിങ്കില്‍ അമര്‍ത്തുക അപ്പോള്‍ ലഭിക്കുന്ന പേജിലെ ക്രമീകരണങ്ങളിലൂടെ ഒന്നോ അതിലധികമോ പേരെ നിങ്ങളുടെ ഫെയ്‌സ്ബുക്ക് അക്കൗണ്ടില്‍ നിന്നും നീക്കം ചെയ്യാനും നിയന്ത്രിക്കാനുമാകും.

ഫെയ്‌സ്ബുക്ക് അക്കൗണ്ട് സുരക്ഷ

പലരും ഉപയോഗിക്കാത്തതും എന്നാല്‍ വളരെ ഫലപ്രദവും ആയ ഒരു സുരക്ഷാ മുന്‍കരുതല്‍ ആണിത്. ഹാക്കിംഗിലൂടെയും മറ്റും നിങ്ങളുടെ ഫെയ്‌സ്ബുക്ക് അക്കൗണ്ട് മറ്റുള്ളവര്‍ ഉപയോഗിക്കുന്നത് ഇതിലൂടെ തിരിച്ചറിയാന്‍ കഴിയുന്നു. നിങ്ങളുടെ ഫെയ്‌സ്ബുക്ക് അക്കൗണ്ടില്‍ ലോഗിന്‍ ചെയ്തതിനു ശേഷം Facebook Account Settings പേജിലെ 'Account Securtiy' എന്നതിനു നേരെയുള്ള ' Change' എന്ന ലിങ്കില്‍ അമര്‍ത്തുക. അപ്പോള്‍ ലഭിക്കുന്ന 'When a new computer or mobile device logs into this account: Send me an email' എന്ന ഓപ്ഷന്‍ സെറ്റ് ചെയ്യുക. ഇതിലൂടെ നിങ്ങളുടെ ഫെയ്‌സ്ബുക്ക് അക്കൗണ്ട് ഏതൊരു കമ്പ്യൂട്ടറിലൂടേയോ മൊബൈല്‍ ഫോണിലൂടെയോ തുറന്നാല്‍ അതിനെക്കുറിച്ചുള്ള വിവരങ്ങള്‍ ഉടനടി നിങ്ങളുടെ ഇമെയില്‍ വിലാസത്തില്‍ ലഭ്യമാകും.

ഫെയ്‌സ്ബുക്ക് ചാറ്റ്

ഫയ്‌സ്ബുക്കില്‍ ലോഗിന്‍ ചെയ്യുമ്പോള്‍ത്തന്നെ ആരെങ്കിലുമൊക്കെ ചാടി വീഴാറില്ലേ? നിങ്ങള്‍ക്ക് നൂറുകണക്കിന് സുഹൃത്തുക്കള്‍ ഉണ്ടെങ്കില്‍ പ്രത്യേകിച്ചും. ഈ അവസരത്തില്‍ ചാറ്റ് ഓഫ്‌ലൈന്‍ ആകുവാനായി ചാറ്റ് ലിസ്റ്റിലെ 'Option' ല്‍ ക്ലിക്കു ചെയ്ത് 'go offline' എന്ന ലിങ്കില്‍ ക്ലിക്കു ചെയ്താല്‍ മറ്റുള്ളവര്‍ക്ക് നിങ്ങള്‍ ഓഫ്‌ലൈന്‍ ആയിരിക്കും. ഇത് മെമ്മറിയില്‍ സൂക്ഷിക്കപ്പെടുകയും മറ്റാത്തിടത്തൊളം കാലം എപ്പോഴും ഓഫ് ലൈന്‍ ആയി ഇരിക്കുകയും ചെയ്യും.

ഫെയ്‌സ്ബുക്ക് ചാറ്റില്‍ തെരഞ്ഞെടുത്ത സുഹൃത്തുക്കള്‍ക്ക് മുന്നില്‍ മാത്രമായി ഓണ്‍ലൈന്‍ ആകാന്‍ എങ്ങനെ കഴിയും
ഇതിനായി സുഹൃത്തുക്കളുടെ ലിസ്റ്റുകള്‍ ഉണ്ടാക്കണം. ഉദാഹരണമായി Best friends, Good friends, Colleagues, Family …തുടങ്ങിയവ. ഫെയ്‌സ്ബുക്കില്‍ എങ്ങിനെ ഫ്രണ്ട്‌സ് ലിസ്റ്റ്കുകള്‍ ഉണ്ടാക്കാം എന്നു നോക്കാം. നിങ്ങളുടെ ഫെയ്‌സ്ബുക്ക് അക്കൗണ്ടില്‍ ലോഗിന്‍ ചെയ്തതിനു ശേഷം ഈ ലിങ്കില്‍ ക്ലിക് ചെയ്യുക
(http://www.facebook.com/friends/edit/) അപ്പോള്‍ ലഭിക്കുന്ന പേജിന്റെ മുകളിലായി വലത്തേ അറ്റത്തുള്ള 'Create List' എന്ന ബട്ടനില്‍ അമര്‍ത്തിയാല്‍ പുതിയ ലിസ്റ്റ് നിര്‍മ്മിക്കുന്നതിനായുള്ള ഒരു പോപ് അപ് വിന്‍ഡോ ദൃശ്യമാകും. ഇത്തരത്തില്‍ സുഹൃത്തുക്കളെ ഇഷ്ടാനുസരണം ഗ്രൂപ്പുകളായി തിരിച്ച് ഒന്നിലധികം ലിസ്റ്റുകള്‍ നിര്‍മ്മിക്കാനാകും.

ലിസ്റ്റുകള്‍ നിര്‍മിച്ചു കഴിഞ്ഞാല്‍ നിങ്ങളുടെ ചാറ്റ് ബോക്‌സില്‍ ഈ ലിസ്റ്റുകള്‍ കാണാന്‍ കഴിയും. ഈ ലിസ്റ്റുകള്‍ക്കു നേരെയുള്ള ചിഹ്നത്തില്‍ അമര്‍ത്തി ഒന്നോ അതിലധികമോ ഗ്രൂപ്പുകളുടെ മുന്നില്‍ ഓണ്‍ ലൈനോ ഓഫ് ലൈനോ ആകാന്‍ കഴിയും (ചിത്രം ശ്രദ്ധിക്കുക).

ഫെയ്‌സ്ബുക്ക് അക്കൗണ്ട് നീക്കം ചെയ്യുന്നതെങ്ങിനെ

ഫെയ്‌സ്ബുക്ക് അക്കൗണ്ട് ഒരു പുലിവാലായെന്നു തോന്നുന്നുണ്ടൊ? മാത്രമല്ല വെറുതെ ഒരു നേരമ്പോക്കിനു തുറന്നു കുറച്ചുകാലം ഉപയോഗിച്ച് പിന്നീട് വെറുതെ ഇടുന്നത് ബുദ്ധിയല്ല. ഇത്തരത്തിലുള്ള ഉപയോഗിക്കാത്തെ ഫെയ്‌സ്ബുക്ക് അക്കൗണ്ടുകള്‍ നീക്കം ചെയ്യുന്നതായിരിക്കും അഭികാമ്യം. നിങ്ങള്‍ക്ക് ആവശ്യമില്ലെങ്കില്‍ ഫെയ്‌സ്ബുക്കിനോട് വളരെ എളുപ്പത്തില്‍ താത്കാലികമായോ സ്ഥിരമായോ വിട ചൊല്ലാം.

ഇതിനായി ഫേസ്ബുക്ക് അക്കൗണ്ട് സെറ്റിംഗ് (https://www.facebook.com/editaccount.php) പേജിലെ 'Deactivate Account' എന്ന മെനുവില്‍ ക്ലിക്ക് ചെയ്യുക. അപ്പോള്‍ ചുവടെ കൊടുത്തിരിക്കുന്ന രീതിയിലുള്ള ഒരു പേജ് ലഭിക്കും.

അക്കൌണ്ട് നീക്കം ചെയ്യുന്നതിനു മുന്‍പായി അവസാനമായി നിങ്ങളുടെ സുഹൃത്തുക്കള്‍ക്ക് വിടവാങ്ങല്‍ സന്ദേശം അയയ്ക്കുവാനുള്ള സൗകര്യവും ഈ പേജ് ഒരുക്കുന്നു.

താത്കാലികമായി നീക്കംചെയ്യാന്‍ 'This is temproray I'll be back' എന്ന ഓപ്ഷന്‍ തെരഞ്ഞെടുക്കുക. ഇതിലൂടെ നിങ്ങളുടെ ഫെയ്‌സ്ബുക്ക് അക്കൗണ്ട് താത്കാലികമായി നീക്കം ചെയ്യപ്പെടുകയും പിന്നീട് ആവശ്യമായി തോന്നുകയാണെങ്കില്‍ പഴയ ഇമെയില്‍ വിലാസവും പാസ്‌വേഡും ഉപയോഗിച്ച് വീണ്ടും ഉപയോഗിക്കാന്‍ കഴിയുകയും ചെയ്യും

ഇനി ഒരിക്കലും അക്കൗണ്ട് ഉപയോഗിക്കാന്‍ താത്പര്യമില്ലെങ്കില്‍ അതിനനുയോജ്യമായ ഒപ്ഷനുകള്‍ തെരഞ്ഞെടുക്കുക.

ഫേസ്ബുക്കില്‍ ലോഗിന്‍ ചെയ്തതിനു ശേഷം ഈ ലിങ്കില്‍ https://www.facebook.com/help/contact.php?show_form=delete_account ക്ലിക്ക് ചെയ്തും നിങ്ങളുടെ ഫെയ്‌സ്ബുക്ക് അക്കൗണ്ട് സ്ഥിരമായി നീക്കം ചെയ്യാവുന്നതാണ്.

ഈ അവസരത്തിലും ഉടന്‍ തന്നെ ഫെയ്‌സ്ബുക്ക് അക്കൗണ്ട് നീക്കം ചെയ്യപ്പെടുന്നില്ല. രണ്ടാഴ്ചക്കാലത്തേക്ക് പ്രസ്തുത അക്കൗണ്ട് താത്കാലികമായി നീക്കം ചെയ്യപ്പെടുന്നു. ഇതിനിടക്ക് ഒരിക്കലെങ്കിലും അക്കൗണ്ടിലേക്ക് പ്രവേശിച്ചാല്‍ അക്കൗണ്ട് നീക്കം ചെയ്യാനുള്ള അപേക്ഷ പരാജയപ്പെടുന്നു. മാത്രമല്ല നിങ്ങള്‍ ഫെയ്‌സ്ബുക്ക് അപ്ലിക്കേഷനുകള്‍ വഴി രജിസ്റ്റര്‍ ചെയ്തിട്ടുള്ള മറ്റു വെബ്‌സൈറ്റുകള്‍ ഉപയോഗിച്ചാലും ഇത് ബാധകമാണ്. അതിനാല്‍ അക്കൗണ്ട് പൂര്‍ണ്ണമായും നീക്കം ചെയ്യുന്നതിനു മുന്‍പായി പ്രസ്തുത അപ്ലിക്കേഷനുകള്‍ ആദ്യം നീക്കം ചെയ്യുക. കൂടാതെ നിങ്ങളുടേതായുള്ള ഫോട്ടോകള്‍, വീഡീയോകള്‍, പോസ്റ്റുകള്‍, അപ്‌ഡേറ്റുകള്‍ തുടങ്ങിയവ നീക്കം ചെയ്യുന്നതും നല്ലതാണ്.

ഫെയ്‌സ്ബുക്കില്‍ നിന്നും പുറത്തുവന്നതിനു ശേഷം ബ്രൗസറിലെ കുക്കികള്‍ നീക്കം ചെയ്യുകയും വേണം. രണ്ടാഴ്ചയ്ക്കു ശേഷം ഫെയ്‌സ്ബുക്ക് അക്കൗണ്ട് പുന:സ്ഥാപിക്കാന്‍ കഴിയാനാകാത്ത വിധം നീക്കം ചെയ്യപ്പെടുന്നു. പക്ഷേ ഓര്‍മ്മിക്കുക. നിങ്ങളുടെ അക്കൗണ്ടും മറ്റു വിവരങ്ങളും ഫെയ്‌സ്ബുക്ക് തങ്ങളുടെ സെര്‍വ്വറുകളില്‍ നിന്നും നീക്കുന്നില്ല. പക്ഷേ മറ്റു ഇന്റര്‍നെറ്റ് ഉപയോക്താക്കള്‍ക്ക് ലഭ്യമാക്കുന്നില്ല എന്നു മാത്രമേ ഉദ്ദേശിക്കുന്നുള്ളൂ. ഫെയ്‌സ്ബുക്കിന്റെ ഈ പോളിസി ചില വിവാദങ്ങളും ഉണ്ടാക്കാതില്ല.

ഫേസ്ബുക്ക് അക്കൌണ്ടും പ്രായപൂര്‍ത്തിയാകാത്ത ഉപയോക്താക്കളും

18 വയസ്സിനു താഴെയുള്ള ഫെയ്‌സ്ബുക്ക് ഉപയോക്താക്കളെ 'മൈനര്‍' എന്ന വിഭാഗത്തില്‍ ആണ് ഉള്‍പ്പെടുത്തിയിരിക്കുന്നത്. അതായത് 18 വയസ്സിനു താഴെയുള്ളവര്‍ പുതിയ ഫെയ്‌സ്ബുക്ക് അക്കൗണ്ട് തുറക്കുമ്പോള്‍ പ്രൊഫൈല്‍ ഫോട്ടോ, വയസ്സ്, ലിംഗം, നെറ്റ്‌വര്‍ക്ക് തുടങ്ങിയ അടിസ്ഥാന വിവരങ്ങള്‍ ഒഴികെയുള്ള മറ്റെല്ലാം സുഹൃത്തുക്കള്‍ക്കു മാത്രം ലഭ്യമാകുന്ന വിധത്തില്‍ ക്രമീകരിച്ചിരിക്കുന്നു. മാത്രമല്ല സേര്‍ച്ച് എഞ്ചിനുകളേയും തടഞ്ഞിരിക്കുന്നു.

18 വയസ്സു കഴിഞ്ഞ ഉടന്‍ തന്നെ ഓട്ടോമാറ്റിക്കായി ഈ നിയന്ത്രണങ്ങള്‍ മാറപ്പെടുന്നതിനാല്‍, ഈ അവസരത്തില്‍ സ്വകാര്യ ക്രമീകരണങ്ങള്‍ ആവശ്യമായ രീതിയില്‍ പുന:ക്രമീകരിക്കേണ്ടി വരും.

ഒരു രക്ഷകര്‍ത്താവെന്ന നിലയില്‍ നിലവിലുള്ള നിയമപ്രകാരം, നിങ്ങള്‍ക്ക് 13 വയസ്സിനു താഴെയുള്ള മകന്റെ/മകളുടെ ഫെയ്‌സ്ബുക്ക് അക്കൗണ്ട് വിവരങ്ങള്‍ ആവശ്യപ്പെടാന്‍ കഴിയും. ഇതിനായി ഈ ഫോറം പൂരിപ്പിക്കുക (http://www.facebook.com/help/contact.php?show_form=c_data_request) രക്ഷകര്‍ത്താവാണെന്നു തെളിയിക്കുന്നതിനാവശ്യമായ നിയമാനുസൃത രേഖകളുടെ പകര്‍പ്പുകളും കൂടെ സമര്‍പ്പിക്കേണ്ടതാണ്.

മരണശേഷം ഫെയ്‌സ്ബുക്ക് അക്കൗണ്ടിന് എന്തു സംഭവിക്കുന്നു

ഒരു ഫെയ്‌സ്ബുക്ക് ഉപഭോക്താവ് മരിച്ചു കഴിഞ്ഞാല്‍ ബന്ധുക്കളുടേയൊ സുഹൃത്തുക്കളുടെയോ അപേക്ഷപ്രകാരം അക്കൗണ്ട് ഫെയ്‌സ്ബുക്ക് മെമ്മറൈസ് (Memorize) ചെയ്യുന്നു. അതായത് സ്റ്റാറ്റസ് അപ്‌ഡേറ്റുകളും മറ്റു സ്വകാര്യ വിവരങ്ങളും നീക്കം ചെയ്യപ്പെടുന്നു. ആര്‍ക്കും തന്നെ പ്രസ്തുത അക്കൗണ്ട് ഉപയോഗിക്കാനാകില്ല. കൂടാതെ സൗഹൃദത്തിനായുള്ള അപേക്ഷകളും ആരില്‍ നിന്നും സ്വീകരിക്കുന്നതല്ല. എങ്കിലും അക്കൗണ്ട് ഉടമയുടെ അവസാന സ്വകാര്യ ക്രമീകരണങ്ങളനുസരിച്ച് സുഹൃത്തുക്കള്‍ക്കും മറ്റുള്ളവര്‍ക്കും ഫെയ്‌സ്ബുക്ക് ചുവരില്‍ അഭിപ്രായങ്ങള്‍ എഴുതുവാനും മറ്റും കഴിയും.

നിങ്ങളേക്കാള്‍ നിങ്ങളുടെ ശൃംഗല വളരുന്നതില്‍ താത്പര്യം ഫെയ്‌സ്ബുക്കിനാണ്

ഓര്‍ക്കുക ഫെയ്‌സ്ബുക്ക് ഇന്ന് ശതകോടികള്‍ വരുമാനമുള്ള ഒരു ആഗോള ബിസിനസ് സ്ഥാപനമാണ്. നിങ്ങളുടെ സൗഹൃദച്ചങ്ങലയില്‍ ആണ് ആ ബിസിനസിന്റെ നിലനില്‍പ്പ്. അതിനാല്‍ നിങ്ങളുടെ സൗഹൃദം വളരുന്നതില്‍ നിങ്ങളേക്കാള്‍ താത്പര്യം ഫെയ്‌സ്ബുക്കിന് തന്നെയാണ്. മാത്രമല്ല സുരക്ഷാ ക്രമീകരണങ്ങള്‍ വെറും സോഫ്ട്‌വേര്‍ കോഡുകള്‍ മാത്രമാണ്. ഏതു സമയവും വളരെ എളുപ്പത്തില്‍ മാറ്റിമറിക്കാന്‍ കഴിയുന്നവ. അതിനാല്‍ ആവശ്യമായ മുന്‍കരുതലുകള്‍ എപ്പോഴും അനിവാര്യമാണ്. നിങ്ങള്‍ നിങ്ങളുടെ സ്വകാര്യ നിമിഷങ്ങളുടെ ഫോട്ടോകള്‍ ഫെയ്‌സ്ബുക്കില്‍ സൂക്ഷിച്ചാല്‍ മാത്രമല്ലേ അത് ദുരുപയോഗം ചെയ്യാന്‍ സാദ്ധ്യതയുള്ളൂ. അതിനാല്‍ എന്തൊക്കെ ആരുമായൊക്കെ പങ്കുവയ്ക്കണം എന്ന വ്യക്തമായ ധാരണ ഉണ്ടാകേണ്ടത് വളരെ അത്യാവശ്യമാണ്.

ഫെയ്‌സ്ബുക്കിന്റെ പ്രൈവസി പോളിസി അമേരിക്കന്‍ ഭരണഘടനയേക്കാള്‍ വലുതാണ്. മാത്രമല്ല കാലോചിതമായി അവ പുതുക്കപ്പെടുകയും ചെയ്തുകൊണ്ടിരിക്കുന്നു. അതിനാല്‍ ഇടക്കിടക്ക് ഫെയ്‌സ്ബുക്ക് ഉപയോക്താക്കള്‍ തങ്ങളുടെ സ്വകാര്യതാ ക്രമീകരണങ്ങള്‍ പരിശോധിക്കേണ്ടത് വളരെ അത്യാവശ്യമാണ്.

-സുജിത് കുമാര്‍

ഇപ്പോള് നമ്മുടെ റിപ്പബ്ലിക്കിന് അനുയോജ്യമായ വിശേഷണം....

2011-01-26T08:51:00.000-08:00

റിപ്പബ്ലിക് ദിനത്തിലെ കാണാത്ത മുന്നറിയിപ്പ്

ഇപ്പോള് നമ്മുടെ റിപ്പബ്ലിക്കിന് അനുയോജ്യമായ വിശേഷണം അഴിമതി റിപ്പബ്ലിക്കാണെന്നു പറയേണ്ടിവരുന്നു. ഒരു ഡോളര് വിദേശ കടമായി വാങ്ങുമ്പോള് പത്തുഡോളര് അവിഹിത മാര്ഗത്തിലൂടെ പാശ്ചാത്യ രാജ്യങ്ങളിലേക്ക് ഒഴുകുന്നു എന്നാണ് അനുമാനം

നമ്മുടെ റിപ്പബ്ലിക് 61-ാം വര്ഷത്തിലേക്ക് കടന്നിരിക്കുന്നു. 1949 നവംബര് 26-ന് ഭരണഘടനാ അസംബ്ലി അംഗീകരിച്ച് ഇന്ത്യന് ജനതയ്ക്ക് നല്കിയതാണ് മഹത്തായ നമ്മുടെ ഭരണഘടന. സാമൂഹികവും സാമ്പത്തികവും രാഷ്ട്രീയവുമായ നീതി, ചിന്തിക്കാനും അഭിപ്രായ പ്രകടനത്തിനും വിശ്വാസത്തിനും ആരാധനയ്ക്കുമുള്ള സ്വാതന്ത്ര്യം, സ്ഥിതി സമത്വവും അവസര സമത്വവും, വ്യക്തിയുടെ അന്തസ്സുയര്ത്തിപ്പിടിക്കുമെന്നുള്ള ഉറപ്പ്. ഇതൊക്കെ ചേര്ന്ന പ്രതിജ്ഞയാണ് ഭരണഘടനാ രൂപമായി മാറിയത്. അതിന്റെ ലക്ഷ്യസാക്ഷാത്കാരമാണ് പരമാധികാര - മതനിരപേക്ഷ ജനാധിപത്യമെന്ന ലക്ഷ്യം. 1976-ലെ 42-ാം ഭരണഘടനാ ഭേദഗതിയോടെ ആമുഖത്തില് സോഷ്യലിസ്റ്റെന്ന ലക്ഷ്യം കൂടി ഉള്ച്ചേര്ത്തു. വരുമാനത്തിലും ജീവിതനിലവാരത്തിലുമുള്ള വിടവ് നികത്താനും ജനനംതൊട്ട് കുഴിമാടംവരെ പൗരന് സുരക്ഷിതത്വം നല്കാനുമുള്ള ബാധ്യതയും നമ്മുടെ റിപ്പബ്ലിക്കിനുവേണ്ടി ഭരണഘടന ഏറ്റെടുത്തു.

ജനങ്ങളുടെ ജീവിതവും ലക്ഷ്യങ്ങളും പ്രതീക്ഷകളുമായി ബന്ധമില്ലാതാകുന്നതോടെ ഒരു ഭരണഘടന പൊള്ളയായി മാറുമെന്ന് അതേ ഭരണഘടനാസഭയില് പ്രധാനമന്ത്രി ജവാഹര്ലാല് നെഹ്രു അന്നുതന്നെ പറഞ്ഞുവെച്ചിരുന്നു. മേല്പ്പറഞ്ഞ ലക്ഷ്യങ്ങളില്നിന്ന് അത് താഴോട്ടുപതിക്കുമ്പോള് ഒപ്പം ജനങ്ങളെയും താഴെവീഴ്ത്തുമെന്ന് അദ്ദേഹം നിരീക്ഷിച്ചു . അങ്ങനെ പരാജിതരും പരിക്ഷീണരും ലജ്ജിതരും അപമാനിതരുമായ 120 കോടി ജനങ്ങളാണ് ഇത്തവണത്തെ റിപ്പബ്ലിക്ദിനാഘോഷങ്ങള് വീക്ഷിക്കുന്നത്. ന്യൂഡല്ഹിയിലെ റായ്സിനാ കുന്നിനും ഇന്ത്യാഗേറ്റിനുമിടയ്ക്ക് പ്രോജ്ജ്വലമായി നടക്കുന്ന ഇന്ത്യയുടെ കരുത്തിന്റെയും പുരോഗതിയുടെയും കലാ, സാംസ്ക്കാരിക, ശാസ്ത്ര, സാങ്കേതിക, സൈനിക പ്രതിഭാശക്തി പ്രകടനങ്ങള് നിര്വികാരമായി വീക്ഷിക്കുന്നത്; വിശ്വാസവും ആദരവും ആവേശവും പ്രചോദനവും നല്കിയിരുന്ന ആദര്ശഗോപുരങ്ങളായിരുന്ന ദേശീയ നേതാക്കളുടെ ചരിത്ര വഴിയില് രാഷ്ട്രീയ സര്ക്കസ്സിലെ കോമാളികളുടെ പ്രകടനങ്ങള് നോക്കിക്കാണുന്നത്.

വിവര്ണവും വിലയിടിഞ്ഞതുമായിരിക്കുന്നു ഭരണഘടനാ സ്ഥാപനങ്ങള്. ചരിത്രത്തിലാദ്യമായി ഒരു ശീതകാലസമ്മേളനം മുഴുക്കെ പ്രവര്ത്തിക്കാനാവാതെ സ്തംഭിച്ചുകിടന്ന നിയമനിര്മാണ സഭ-2.76 ലക്ഷം കോടി രൂപയുടെ അഴിമതിയാരോപണങ്ങള് ഗതികിട്ടാത്ത പ്രേതത്തെപ്പോലെ ആ ചരിത്ര സൗധത്തില് ഇപ്പോഴും മാറ്റൊലിക്കൊള്ളുന്നുണ്ടാവും-, കടലുകള്ക്കക്കരെ കടത്തിക്കൊണ്ടുപോയ കള്ളപ്പണത്തിന്റെ കണക്കാവശ്യപ്പെട്ട് ക്ഷമകേടോടെ കാത്തിരിക്കുന്ന ഉന്നത നീതിപീഠം, അവിടെത്തന്നെ എട്ട് മുന് ചീഫ് ജസ്റ്റിസുമാര് അഴിമതിക്കാരാണെന്ന് ആരോപിച്ച് വിവരങ്ങള് മുദ്രവെച്ച കവറില് സമര്പ്പിച്ച് ജയിലില് പോകാന് തയ്യാറെന്ന വെല്ലുവിളിയോടെ കാത്തു നില്ക്കുന്ന സീനിയര് അഭിഭാഷകന്.

''കഴിഞ്ഞ രണ്ടുവര്ഷമായി ഈ കോടതിയില് (സുപ്രീംകോടതി) നടക്കുന്നതെന്താണെന്ന് എല്ലാവര്ക്കുമറിയാം. പക്ഷേ ആരും പറയാന് ധൈര്യപ്പെട്ടില്ല. സത്യം പറയുന്നതിനുവേണ്ടി ത്യാഗം സഹിക്കേണ്ടിവരുമെന്നാണെങ്കില് തടവറകളിലേക്കു പോകാന് ജനലക്ഷങ്ങള് തയ്യാറാകും''-മറ്റൊരു സീനിയര് അഭിഭാഷകന് കോടതിയലക്ഷ്യക്കേസില് നീതിപീഠത്തിനു മുമ്പില് പറയേണ്ടിവന്നു. ''അതുനടക്കട്ടെ'' എന്നായിരുന്നു കേസുകേട്ട രണ്ടു ജഡ്ജിമാരില് ഒരാളുടെ പ്രതികരണം. അഴിമതി നടത്തിയ ഒന്പതാമത്തെ ചീഫ് ജസ്റ്റിസിനെ മറ്റൊരു ഭരണഘടനാ സ്ഥാപനത്തില് പ്രതിഷ്ഠിച്ച പ്രധാനമന്ത്രിയുടെ മൗനം ചോദ്യംചെയ്ത് ധര്മരോഷം കൊള്ളുന്നു 95 കഴിഞ്ഞ മുന് സുപ്രീംകോടതി ജഡ്ജി. നീരാറാഡിയ ടേപ്പ് വിവാദത്തില് മുഖം നഷ്ടപ്പെട്ട കോര്പ്പറേറ്റ് മാധ്യമശിങ്കങ്ങള്. മന്ത്രിമാരെയും അവര്ക്കുവേണ്ട വകുപ്പുകളെയും നയങ്ങളെയും ഭരണഘടനാ വ്യവസ്ഥകള്ക്കു പുറത്ത് സൃഷ്ടിച്ചെടുക്കുന്ന പുതിയ ജനിതകപ്രയോക്താക്കളാണവര്.

ഇപ്പോള് നമ്മുടെ റിപ്പബ്ലിക്കിന് അനുയോജ്യമായ വിശേഷണം അഴിമതി റിപ്പബ്ലിക്കാണെന്നു പറയേണ്ടിവരുന്നു. ക്ഷമിക്കുക. 2008 ഡിസംബറില് പുറത്തുവിട്ട ഗ്ലോബല് ഫിനാന്ഷ്യല് ഇന്റഗ്രിറ്റി എന്ന സ്ഥാപനത്തിന്റെ കള്ളപ്പണം സംബന്ധിച്ച പഠനറിപ്പോര്ട്ട് നോക്കുക. ഇന്ത്യയില്നിന്ന് 2002 മുതല് പുറത്തേക്കു പോകുന്നത് പ്രതിവര്ഷം 1,36,466 കോടി രൂപയാണ്. അഞ്ചു വര്ഷം കൊണ്ട് കടത്തിക്കൊണ്ടുപോയത് 6,92,328 കോടി രൂപ. സ്വിസ് ബാങ്ക് അസോസിയേഷന്റെ 2006-ലെ വെളിപ്പെടുത്തലനുസരിച്ച് സ്വിസ് ബാങ്ക് നിക്ഷേപത്തില് ഒന്നാം സ്ഥാനം ഇന്ത്യക്കാര്ക്കാണ്. നമ്മുടെ റിസര്വ് ബാങ്ക് നവവത്സരപ്പുലരിയില് വെളിപ്പെടുത്തിയതനുസരിച്ച് ഇന്ത്യയുടെ വിദേശകടം 13,48,256.4 കോടി രൂപയാണ്. ഒരു ഡോളര്വിദേശകടമായി വാങ്ങുമ്പോള് പത്തു ഡോളര് അവിഹിത മാര്ഗങ്ങളിലൂടെ പാശ്ചാത്യരാജ്യങ്ങളിലേക്ക് ഒഴുകുന്നു എന്നാണ് ശാസ്ത്രീയമായ അനുമാനം.

ഇന്ത്യന് റിപ്പബ്ലിക്കിന്റെ സിരാകേന്ദ്രങ്ങള് നിലകൊള്ളുന്ന റായ്സിനാകുന്നിലേക്ക് തലയുയര്ത്തി നില്ക്കുന്ന ഇന്ത്യാഗേറ്റിന്റെ പ്രതലങ്ങളില് മാതൃരാജ്യത്തിന്റെ സുരക്ഷയ്ക്കുവേണ്ടി ജീവന് ബലിനല്കി പൊരുതിയ ധീര സൈനികരുടെ പേരുകളാണ്. അവരുടെ ത്യാഗത്തിന് വെളിച്ചമായി കെടാതെ നില്ക്കുന്ന അമര്ജ്യോതിക്ക് പ്രതിരോധമന്ത്രിയും സേനാതലവന്മാരും ഈ റിപ്പബ്ലിക് ദിനത്തിലും റീത്ത് സമര്പ്പിക്കും. ഗോവാ വിമോചനത്തിന് നേതൃത്വം നല്കിയ കെ.പി. കാന്ഡത്തിന്റെയും ബംഗ്ലാദേശ് വിമോചനത്തിന് പടനയിച്ച ഈസ്റ്റേണ് കമാന്ഡിന്റെ മേധാവിയായിരുന്ന ലഫ്. ജനറല് ജഗജിത്ത്സിങ് അറോറയുടെയും അതേ റാങ്കിലുളള മറ്റൊരു ലഫ്. ജനറലിനെ ഭൂമി തട്ടിപ്പുകേസില് ഇപ്പോള് സൈനിക കോടതി ശിക്ഷിച്ചിരിക്കുന്നു. കാര്ഗിലില് കൊല്ലപ്പെട്ട സൈനികരുടെ കുടുംബങ്ങളുടെ പേരില് നിര്മിച്ച ആദര്ശ് ഫ്ളാറ്റ് സമുച്ചയത്തില് ഇടം നേടിയത് മുന് നാവിക സേനാമേധാവി അഡ്മിറല് മാധവേന്ദ്രസിങ്ങും കരസേനാമേധാവികളായിരുന്ന ജനറല് വിജയും ജനറല് ദീപക് കപുറും. മാധ്യമവാര്ത്തകളെ തുടര്ന്ന് ഇവര് പിന്നീട് പിന്മാറി. മനസ്സാക്ഷിക്കുത്തില്ലാതെ ഇന്ത്യാഗേറ്റിലെ അമര്ജ്യോതിയുടെ പരിശുദ്ധിയുടെ പരിസരത്ത് സേനയുടെ ഉത്തരവാദപ്പെട്ടവര് ഇത്തവണ നില്ക്കുന്നതെങ്ങനെ?

അധികാരത്തിന്റെ ക്ലാവ് നിരന്തര വിമര്ശത്തിലൂടെയും ജാഗ്രതയിലൂടെയും തുടച്ചുമിനുക്കുന്ന പ്രതിപക്ഷത്തിന്റെ സത്യസന്ധമായ പ്രവര്ത്തനമാണ് ജനാധിപത്യത്തിന്റെ മൂല്യവും മാറ്റും നിലനിര്ത്തുന്നത്. ഇപ്പോഴത്തേത്, സ്വന്തം മുഖ്യമന്ത്രി ഭൂമി തട്ടിപ്പുകേസില് പ്രതിയായ ഒരു പ്രതിപക്ഷം. സി.എ.ജി. റിപ്പോര്ട്ടിലൂടെ പ്രതിക്കൂട്ടിലെത്തിയ പാര്ട്ടി സെക്രട്ടറി സുപ്രീം കോടതിയില് നേരിട്ട് ഹര്ജി നല്കി കേസന്വേഷണം സ്തംഭിപ്പിച്ചതിനെ ന്യായീകരിക്കുന്ന പ്രതിപക്ഷം. അവരുടെ ധാര്മിക പോര്വിളികള് എങ്ങനെ കാറ്റുപിടിക്കാന്.!

2009 'ആം ആദ്മി'യില് നിന്ന് പറിച്ചെടുത്തത് ദാലും റൊട്ടിയുമായിരുന്നു. ഭക്ഷ്യവില കുതിച്ചുകയറിയതോടെ 2010 അവസാനിച്ചത് സവാളയും പച്ചക്കറികളും കണ്ണീരുചീന്തിച്ചുകൊണ്ടാണ്' . പട്ടിണിക്കാരുടെ ചേരികളില് നിന്നും ഉള്നാടുകളില്നിന്നും വന്ന റിപ്പോര്ട്ടല്ല ഇത്. 'ഹിന്ദുവി'നെപ്പോലുള്ള ഒരു പത്രത്തിന്റെ ഡല്ഹി ലേഖകന് ഈ പുതുവത്സരത്തില് രേഖപ്പെടുത്തിയ വസ്തുതയാണ്.

ഭക്ഷ്യസുരക്ഷയെപ്പറ്റിയും വിലക്കയറ്റം തടയുന്നതിനെക്കുറിച്ചും ഗിരിപ്രഭാഷണങ്ങള് ദിഗന്തങ്ങള് ഭേദിക്കുമ്പോള് വിലക്കയറ്റത്തിന്റെ കാട്ടുതീയില് എരിഞ്ഞൊടുങ്ങാന് പോകുകയാണ് ഇന്ത്യയിലെ ജനങ്ങള്. വളര്ച്ചനിരക്കിന്റെയും മൂലധനനിക്ഷേപത്തിന്റെയും മേനി പറഞ്ഞുനടക്കുകയായിരുന്നു ഭരണാധികാരികള്. ഭരണഘടന സാമ്പത്തികവും സാമൂഹികവുമായ തുല്യത ഉറപ്പുനല്കിയിട്ടും ഇവിടെ ശത കോടീശ്വരന്മാരും വന് കോര്പ്പറേറ്റുകളും ഒരുപിടി ധനികരും കഴിഞ്ഞ ഒരു ദശകത്തിനകത്ത് ഒരു വശത്ത് കേന്ദ്രീകരിച്ചു. ലാഭവിഹിതം കൂടി. കൂലിവിഹിതം കുറഞ്ഞു. വിലപേശല് ശക്തി ഇടിഞ്ഞു. തൊഴിലില്ലായ്മ പെരുകി. ബഹുഭൂരിപക്ഷം ഈ ദുരിതത്തില് മറ്റൊരു തലത്തിലേക്ക് പ്രാന്തവത്കരിക്കപ്പെട്ടു. ഒരു കിലോ ഉള്ളിക്ക് നാലു രൂപയായപ്പോള്, നാലു രൂപയായത് തിരഞ്ഞെടുപ്പിലെ കേന്ദ്ര മുദ്രാവാക്യമാക്കിമാറ്റി ജനങ്ങളുടെ കണ്ണീര് വോട്ടാക്കി ഒരു കാലത്ത് അധികാരത്തില് വന്ന പാര്ട്ടി. എഴുപതും എണ്പതും രൂപവരെ ഉള്ളിവില ഉയര്ന്നിട്ടും അതിന്റെ നേതാക്കള് ഇപ്പോള് ജനങ്ങളുടെ സങ്കടക്കടലിനു മുകളില് വിനോദയാത്ര നടത്തുന്നു.

ഈ അവസ്ഥ ഇന്ത്യയുടേതുമാത്രമല്ല, ആഗോളീകരണ നയങ്ങള് സൃഷ്ടിച്ച ആഗോളമുഖത്തിന്റെ ചിത്രമാണ്. അതിന്റെ അസ്വസ്ഥതയും പൊട്ടിത്തെറിയുമാണ് ഇപ്പോള് ലോകത്തിന്റെ വിവിധ ഭാഗങ്ങളില്നിന്നു കേള്ക്കുന്നത്. യുവാക്കളുടെ തൊഴിലില്ലായ്മ 20.3ശതമാനത്തിലേക്ക് കുതിച്ചുയര്ന്ന ബ്രിട്ടന്, സ്വയം വിളിച്ചുപറയുന്നത് ചെലവുചുരുക്കല് നടപടികള് ഒരു തലമുറയെയാകെ നഷ്ടപ്പെട്ടവരാക്കി എന്നാണ്. ഈ തൊഴിലില്ലായ്മാപ്രശ്നം ഒരു ടൈം ബോംബാണെന്ന് മുന് ബ്രിട്ടീഷ് പ്രധാനമന്ത്രി ഗോര്ഡന് ബ്രൗണ് മുന്നറിയിപ്പു നല്കുന്നത് ലോകരാഷ്ട്രത്തലവന്മാര്ക്കാകെയാണ്. ബ്രിട്ടന്റെ പ്രതിസന്ധിയുടെ കാറ്റാണ് യൂറോപ്യന് നാടുകളിലും ആഞ്ഞടിക്കുന്നത്.

ഈ തീപ്പൊരികള് എവിടേക്ക് നയിക്കുമെന്ന് ആഫ്രിക്കയുടെ വടക്കേ അറ്റത്ത് അള്ജീരിയയ്ക്കും ലിബിയയ്ക്കും അടുത്തായി സ്ഥിതിചെയ്യുന്ന രാജ്യമായ ടുണീഷ്യ തെളിയിച്ചു കഴിഞ്ഞു. ഇന്ത്യയ്ക്കു പിറകെ 54 വര്ഷത്തെ ചരിത്രമുണ്ട് ടുണീഷ്യന് റിപ്പബ്ലിക്കിന്. തന്റെ 23 വര്ഷത്തെ സ്വേച്ഛാധിപത്യഭരണം അവസാനിപ്പിച്ച്, പ്രസിഡന്റ് ബെന് അലിക്ക് കഴിഞ്ഞ ദിവസം മധ്യധരണ്യാഴിക്കു മുകളിലൂടെ അര്ധരാത്രി വിമാനത്തില് പറന്നു രക്ഷപ്പെടേണ്ടിവന്നു. ഫ്രാന്സില് അഭയം കിട്ടാതെ സൗദിയിലെ ജിദ്ദയില് ജീവനും ഭാര്യയും ഒന്നര ടണ് ആഭരണവുമായി അഭയം തേടി. വ്യാപകമായ സ്വകാര്യ വത്കരണവും പൊതുമേഖലയുടെ കഴുത്തറുക്കലും ആകാശം മുട്ടെയുളള വിലക്കയറ്റവും പെരുകിയ വിദേശകടവും വര്ധിച്ച തൊഴിലില്ലായ്മയുമാണ് ടുണീഷ്യയെ ദുരന്തഭൂമിയാക്കിമാറ്റിയത്. ഭരണവര്ഗവുമായി കൈകോര്ത്തുവളര്ന്ന ഒരു ന്യൂനപക്ഷത്തിന്റെ അഴിമതിയുടെയും ആഡംബരത്തിന്റെയും ലോകവും ദാരിദ്ര്യത്തിലേക്കും പട്ടിണിയിലേക്കും അനുദിനം പാര്ശ്വവത്കരിക്കപ്പെടുന്ന ഭൂരിപക്ഷവും തമ്മിലുളള വിടവും പൊട്ടിത്തെറിയിലേക്കു നയിച്ചു.

ആയത്തുള്ള ഖൊമേനിമാര്ക്കുവേണ്ടി കാത്തുനില്ക്കാതെ തൊഴിലാളികളും വിദ്യാര്ഥികളും അധ്യാപകരും പത്രപ്രവര്ത്തകരും അണിനിരന്നാണ് ജനപോരാട്ടം നയിച്ചത്. ടുണീഷ്യന് കാറ്റ് ഈജിപ്ത്, അള്ജീരിയ, ലിബിയ തുടങ്ങിയ അറബി നാടുകളില് തീപ്പൊരികള് വീഴ്ത്തിയിരിക്കുന്നു. ഈ ലോകക്കാഴ്ചകള് കാണാതെ അധികാരത്തിന്റെ ശീതളച്ഛായയില് അഴിമതികളുടെ മോഹമറകളുടെ നിഗൂഢതയില് ഇനിയും ഏറെ മുന്നോട്ടു പോകാമെന്ന് ഭരണഘടനാ സ്ഥാപനങ്ങളുടെ തലപ്പത്ത് ഇരിക്കുന്നവര് ധൈര്യപ്പെടേണ്ട. ഇന്ത്യയിലടിക്കുന്ന കാറ്റിലും തീപ്പൊരികള് പാറുന്നുണ്ട്. ഈ റിപ്പബ്ലിക് ദിനത്തിലും അതിന്റെ മുന്നറിയിപ്പുണ്ട്; വിശക്കുന്നവന്റെ മുന്നറിയിപ്പ്. അത് എല്ലാ രാഷ്ട്രീയപാര്ട്ടിനേതാക്കളെയും ഉന്നംവെച്ചുള്ളതാണ്. മഹാത്മാഗാന്ധിയുടെ പേരിലുള്ള തൊഴിലുറപ്പുപദ്ധതിയിലെ കൂലി 100 രൂപയില്നിന്ന് ഉയര്ത്താന് മടിക്കുന്നവര്ക്ക് അതിന്റെ ഇരമ്പം കേള്ക്കാനാ

വില്ല.

അപ്പുക്കുട്ടന്‍ വള്ളിക്കുന്ന്‌

Why is this man still in prison?

2010-12-16T16:33:00.000-08:00

Is the incarceration of Abdul Nasar Madani a devious project of the Karnataka Police? asks SHAHINA KK

WHEN I met him, he looked very tired. The skin under his eyes had turned black,” says PM Subair Paduppu, the Kasargod district president of the People’s Democratic Party (PDP). “I asked him about it. Madani told me that they never put out the light in his room. Day and night, cameras and a bright light are on because he is monitored 24x7. No privacy even in the toilet.”

PDP Chairman Abdul Nasar Madani is no stranger to jails — he was incarcerated as an undertrial in the 1998 Coimbatore blast case for 10 years before being exonerated and set free on 1 August 2007. Three months ago, Madani was again arrested as an accused in the infamous 2008 Bengaluru blast case.

His bail application has been dismissed by a fast-track sessions court on 13 September citing the “nature and gravity of the offence as the primary consideration”. Madani has been charged by the Karnataka Special Investigation Team (SIT) for conspiracy in the Bengaluru blasts along with other accused including Tadiyantavida Naseer, the suspected Lashkar-e-Toiba operative.

According to the police, the conspiracy was hatched at Lakkeri estate in Kodagu, Karnataka, soon after Madani’s release from Coimbatore jail. He was listed as the 31st accused in an additional chargesheet after confessions by Naseer, linking him to the Bengaluru blasts.

The missing links in the Karnataka Police story prompted TEHELKA to investigate the veracity of the charge that Madani had attended a meeting in Kodagu along with Naseer to hatch the conspiracy. On 25 July 2008, eight low-intensity explosions had rocked Bengaluru, killing a woman and injuring 15 others. According to the police, the conspiracy was hatched at two meetings two years ago — one at Madani’s rented house in Kochi and the other at Lakkeri estate.

An exposé by TEHELKA (28 August) had revealed that the testimony of one of the witnesses in the case was fabricated by the investigating agency. Jose Verghese, the owner of Madani’s rented house in Kochi, had filed a private complaint against Karnataka Police at the principal sessions court, Ernakulam, alleging that the testimony was fabricated.

Then Madani’s brother Jamal Mohammed also filed a complaint against the SIT in the court of the judicial magistrate, Sasthamkotta, Kollam district, saying he never testified. Mohammed, who was the custodian of the religious educational institution run by Madani in Anwarsseri, Kerala, is quoted in the chargesheet as saying that he had witnessed two of the blast accused, Ayub and slain Rahim, being given shelter in Anwarsseri after the blast on Madani’s instructions.

Madani’s bail application was dismissed by the Bengaluru court citing prima facie evidence of a meeting with Naseer at Lakkeri. The testimonies of two witnesses, G Prabhakar and KB Rafeeq, were quoted in the judgement dismissing the bail plea. In the additional chargesheet submitted on 10 June, three witnesses, KK Yoganand, Prabhakar and Rafeeq, had testified the same.

Our journey to Kodagu revealed that Yoganand, a BJP worker, does not even know that he is a witness in the Madani case. He claimed he is a witness in the Naseer case. His testimony in the chargesheet reads, “I have seen strangers visit the estate. Among them was a man wearing a cap. I had seen him only on television. I realised that the man was Madani.”

NONE OF the villagers of Kumbur, Hosathotta and Igoor, the places around Lakkeri estate, could corroborate the stories of conspiracy meetings and training camps. Even local BJP and RSS workers said they had not seen Madani in the area. Igoor panchayat vice-president Vijayan says he doubts Madani visited the place at all. “There is a rumour, that’s all. I have not seen him,” he says.

The testimony of Rafeeq, another witness in the case, is even more flimsy. He had worked in Lakkeri estate as a labourer for a while. In 2008, he was arrested by the SIT and was kept in custody for 15 days. “I was subjected to brutal torture,” he says. “They even gave me electric shocks. I was forced to give testimony against Madani. They threatened to book me in terrorism cases and to put me behind bars forever along with Naseer if I didn’t sign the witness statement. I had no option, I did it. Since then I have been burning with guilt. I know that an innocent man is in prison because of me.”

Madani may or may not be innocent, but why is he being denied bail, even as police witnesses are repudiating their testimony one by one? He has already spent 10 years in jail as an undertrial.

THE POLICE ASKED IF I WAS A TERRORIST’

ON THE morning of 16 November, I reached Igoor in Karnataka’s Hassan district, along with two translators and met KK Yoganand, one of the witnesses in the 2008 Bengaluru blasts case and a few BJP workers, including the vice-president of the panchayat. They all disclosed that, contrary to the police chargesheet, they had not seen Abdul Nasar Madani in the area.

While on our way from Hosathotta to a secret location where we had planned to meet Rafeeq, another witness, we were stopped by the police. The Circle Inspector of Hosathotta police station, despite being told that we were from the media, warned us that we are not allowed “to do such things here”.

A police vehicle tailed us for a while en route to Madikeri to ensure that we had left. After an hour, we changed vehicles and kept our appointment with Rafeeq.

On our way back, at 9.30 pm, I received a call from the Circle Inspector. The question was simple: “Are you a terrorist?” I did not know whether to laugh or cry. He then explained that the villagers were scared and suspected that we were terrorists. He wanted to confirm my identity by talking to my editor.

The next day, three Kannada newspapers — Sakthi, Prajavani and Kannada Prabha— carried a story about a “suspicious” visit by a “group of Muslims” to the place. The newspapers said that police are not sure about the identity of the woman, though she had showed a TEHELKA identity card!

I received another call from the same officer a couple of days later. This time, he was convinced of my credentials but wanted to know the details of the persons who had accompanied me.

Now I know how a terrorist is ‘made’. If this is how police build a case against a ‘terrorist’, easily raising a false alarm, then one has to worry about how the dominant discourse of terrorism works against a country and its people.

TEHELKA

ഐഡിയോളജി,ദേശീയത!

2010-11-20T08:57:00.000-08:00

സാധാരണ ഗതിയിൽ നിങ്ങൾ ഒരാളെ കൊല്ലുകയാണെങ്കിൽ നിങ്ങളെ കൊലയാളിയെന്നും ഭ്രാന്തനെന്നും പറഞ്ഞ് സമൂഹം കഴുവിലേറ്റും.ഐഡിയോളജിയുടേയൊ ദേശീയതയുടേയൊ പെരിലാണ്‌ കൊലയെങ്കിൽ നിങ്ങൾ ആദരിക്കപ്പെടും!കലിംഗ രാജ്യത്തിലെ മുഴുവൻ ആളുകളേയും കൊലപ്പെടുത്തിയ അശോകൻ മഹാനായ അശോകചക്രവർത്തിയായത് അങ്ങനെയാണ്‌.ഇറാക്കിൽ ലക്ഷങ്ങളെ ഹിംസിച്ച ബുഷും,അടിയന്തരാവസ്ഥയിൽ ഇൻഡ്യൻ യവ്വനങ്ങളെ ചവുട്ടിയരച്ച ഇന്ദിരാജിയും,ഗുജറാത്തിൽ ഒരു പ്രത്യേക മതവിഭാഗത്തിൽ പെട്ടവരെ കൂട്ടക്കുരുതി നടത്തിയ മോഡിയും ആരാധ്യരായതിന്റെ കാരണവും മറ്റൊന്നുമല്ല.

വെളിച്ചം കാണാതെ 2200ലേറെ രാഷ്ട്രീയത്തടവുകാര്‍

2010-11-15T09:10:00.000-08:00

സൂകിയുടെ മോചനത്തില്‍ ബര്‍മന്‍ജനത ആഹ്ളാദിക്കുമ്പോഴും രാജ്യത്ത് 2200ല്‍പ്പരം രാഷ്ട്രീയത്തടവുകാര്‍ ഇപ്പോഴും നീതി നിഷേധിക്കപ്പെട്ട് തടങ്കലില്‍ കഴിയുന്നു. ഇവരില്‍ 68 വര്‍ഷംവരെ തടവിന് ശിക്ഷിക്കപ്പെട്ടവരുണ്ട്. രാജ്യത്തെ 43 ജയിലിലായാണ് ഇവരെ പാര്‍പ്പിച്ചിരിക്കുന്നത്. വിദ്യാര്‍ഥിനേതാക്കളും ബുദ്ധസന്ന്യാസിമാരും മനുഷ്യാവകാശപ്രവര്‍ത്തകരും തടവുകാരില്‍ ഉള്‍പ്പെടുന്നു. രാജ്യത്ത് 1988ല്‍ അലയടിച്ച വിദ്യാര്‍ഥിപ്രക്ഷോഭത്തിന്റെ നേതാക്കളായിരുന്ന ക്യാവ് മിന്‍യു (കോ ജിമ്മി), നിലര്‍ തീന്‍ എന്നിവര്‍ തടവറയില്‍ കഴിയുന്ന ദമ്പതികളാണ്. 65 വര്‍ഷത്തെ തടവിനാണ് ഇവരെ ശിക്ഷിച്ചിട്ടുള്ളത്. കോ ജിമ്മി 16 വര്‍ഷമായും നിലര്‍ തീന്‍ എട്ടുവര്‍ഷമായും ജയിലിലാണ്. സൂകിയുടെ പാര്‍ടിയായ നാഷണല്‍ ലീഗ് ഡെമോക്രസിയുടെ പ്രമുഖ നേതാക്കള്‍ ഉള്‍പ്പടെ 413 പ്രവര്‍ത്തകര്‍ വര്‍ഷങ്ങളായി ജയിലിലാണ്. രാജ്യത്ത് 2007ല്‍ ഉയര്‍ന്ന പ്രക്ഷോഭത്തില്‍ പങ്കെടുത്ത ബുദ്ധസന്ന്യാസിമാരെയും തടവിലാക്കി. അക്കൊല്ലം ആഗസ്തില്‍ അലയടിച്ച പ്രക്ഷോഭത്തിന് ബുദ്ധസന്ന്യാസിമാരുടെ സംഘടനയാണ് നേതൃത്വം നല്‍കിയത്. നവംബര്‍ നാലിന് പ്രക്ഷോഭം അടിച്ചമര്‍ത്തിയശേഷം നേതാക്കളെ തെരഞ്ഞുപിടിച്ച് തടവറയില്‍ തള്ളുകയായിരുന്നു. സന്ന്യാസിമാരുടെ നേതാവ് യു ഗംഭീരയെ 68 വര്‍ഷത്തെ തടവിനാണ് ശിക്ഷിച്ചിട്ടുള്ളത്. രാജ്യത്തെ പ്രമുഖ നടനായിരുന്ന സര്‍ഗനാറിനെ സര്‍ക്കാരിനെ വിമര്‍ശിച്ചതിന് 2006ല്‍ അഭിനയം വിലക്കി. അദ്ദേഹം വീറോടെ സൈനികഭരണത്തിനെതിരെ നിലകൊണ്ടു. ഇതേത്തുടര്‍ന്ന് 2008ല്‍ 20 സഹപ്രവര്‍ത്തകര്‍ക്കൊപ്പം സര്‍ഗനാറിനെ അറസ്റ്റുചെയ്തു. 59 വര്‍ഷത്തെ തടവിന് ശിക്ഷിച്ചു. പിന്നീട് കാലാവധി 35 വര്‍ഷമായി കുറച്ചു. നിരവധി മാധ്യമപ്രവര്‍ത്തകരും തടവറകളിലുണ്ട്.

*
കടപ്പാട്: ദേശാഭിമാനി

വീഡിയൊ

2010-11-12T15:56:00.000-08:00

രാഷ്ട്രീയക്കാരന്റെ തൊഴിലെന്താണ്‌?

2010-11-11T08:43:00.000-08:00

വിയറ്റ്‌നാമിന്റെ പ്രസിഡന്റായിരിക്കെ ഹോച്ചിമിന്‍ ഇന്ത്യയില്‍ സന്ദര്‍ശനത്തിനെത്തി. കമ്യൂണിസ്‌റ്റ് പാര്‍ട്ടി നേതാക്കളടക്കം എല്ലാ പാര്‍ട്ടി നേതാക്കളുടെയും പ്രതിനിധിസംഘങ്ങള്‍ ഡല്‍ഹിയില്‍ അദ്ദേഹത്തെ കാണാന്‍ ചെന്നു.

അവരോട്‌ ഹോച്ചിമിന്‍ ചോദിച്ചു.

''നിങ്ങളുടെ തൊഴിലെന്താണ്‌?''

''രാഷ്‌ട്രീയം?''

നേതാക്കള്‍ മറുപടി പറഞ്ഞു.

''മുഖ്യമായും നിങ്ങള്‍ എന്തിലാണു വ്യാപൃതരായിരിക്കുന്നത്‌?''

ഹോച്ചിമിന്‍ വീണ്ടും ചോദിച്ചു.

''രാഷ്‌ട്രീയപ്രവര്‍ത്തനത്തില്‍.''

നേതാക്കളുടെ ഈ മറുപടി കേട്ടപ്പോള്‍ വിയറ്റ്‌നാം നേതാവ്‌ വീണ്ടും ചോദിച്ചു.

''അല്ല, ഞാന്‍ ചോദിക്കുന്നതു നിങ്ങളുടെ ഉപജീവനമാര്‍ഗം എന്താണെന്നാണ്‌?''

ആ ചോദ്യത്തിനു മുമ്പില്‍ ലജ്‌ജയോടെ തലതാഴ്‌ത്താനേ അവര്‍ക്കു കഴിഞ്ഞുള്ളൂ.

അപ്പോള്‍ ഹോച്ചിമിന്‍ പറഞ്ഞു.

''മുഖ്യമായും ഞാനൊരു കൃഷിക്കാരനാണ്‌. അതിരാവിലെ എണീറ്റു ഞാന്‍ കൃഷിപ്പാടത്തു പോകുന്നു. ഏതാനും മണിക്കൂര്‍ എന്റെ കൃഷിയിടത്തില്‍ പണിയെടുത്ത ശേഷമാണു ഞാന്‍ പ്രസിഡന്റിന്റെ കര്‍ത്തവ്യങ്ങള്‍ നിര്‍വഹിക്കാന്‍ ദിവസവും ഓഫീസിലേക്കു പോകുന്നത്‌.''

അങ്ങനെയുള്ള രാഷ്‌ട്രീയക്കാരുടെ കാലം ഇന്ത്യയിലും വരുമോ? ടാറ്റാ റിസര്‍ച്ച്‌ ഇന്‍സ്‌റ്റിറ്റ്യൂട്ട്‌ വര്‍ഷങ്ങള്‍ക്കുമുമ്പു നടത്തിയ പഠനത്തില്‍ വെളിപ്പെടുത്തിയതു രാഷ്‌ട്രീയം ഉപജീവനമാര്‍ഗമാക്കിയ ആറുലക്ഷം പേര്‍ നമ്മുടെ രാജ്യത്തുണ്ടെന്നാണ്‌.

2010-10-24T10:32:00.000-07:00

കവി,കുരീപ്പുഴ ശ്രീകുമാരിന്റെ നർമബോധമുള്ള ആറ്‌ കവിതകൾ.

-കഴുകന്മാര്‍

അവര്‍ വരും
ജാതിമതങ്ങളുപേക്ഷിച്ചു
മനുഷ്യനായവന്‍
മരിക്കുമ്പോള്‍
അവര്‍ വരും .

പൂവും ജലവും
കോടിയുമായി
അന്ധതയുടെ
കൊക്ക് പിളര്‍ത്തി
ദുരാചാരത്ത്തിന്റെ
നഖങ്ങള്‍ നീട്ടി
ചിറകു വിരിച്ചു
അവര്‍ വരും.
ശവംതീനികള്‍

ജ്യോത്സ്യന്‍

ജ്യോത്സ്യന്റെ ഭാര്യയെ
കാണ്മാനില്ല.
ചന്ദ്രന്‍ അപഹരിച്ചോ?
രാഹുവോ കേതുവോ
തെക്കോട്ട്‌ നടത്തിച്ചോ?
ചൊവ്വ പിടിച്ചോ?
ശനി മറച്ചോ?

അയാള്‍
കാവടി നിരത്തിയതെയില്ല.
നേരെ നടന്നു
പോലിസ് സ്റ്റേഷനിലേക്ക്

-കാളി

കാളിയമ്പലത്തിലെ
കാണിക്കകളുടെ
കണക്കെടുത്തപ്പോള്‍
അമ്പലക്കമ്മിറ്റി
അമ്പരന്നു.

ഒരു പൊതി.
അതില്‍
ബ്ലൌസും ബ്രായും

സുവിശേഷം

ഹല്ലേലുയ്യ സ്തോത്രം '

കണ്ണുള്ളവര്‍ കാണ്മിന്‍
കാതുള്ളവര്‍ കേള്‍പ്പിന്‍
അതിശയമേ അതിശയമേ
ഇതാ
കുരുടന്‍ സംസാരിക്കുന്നു
ചെകിടന്‍ കാണുന്നു.

ഹല്ലേലുയ്യ സ്തോത്രം

-പൊങ്കാല

അംബികാനയര്‍
അമ്പതു കലത്തില്‍
പൊങ്കാലയിട്ടു.

അമ്മിണിയക്കച്ച്ചി
ഒറ്റക്കലത്തിലും.

അംബികാനായരുടെ അടുക്കള
പഴയത് പോലെ സുഭിക്ഷം.

ദോഷം പറയരുതല്ലോ
അമ്മദൈവതതിന്‍്റ
അനുഗ്രഹത്താല്‍
അമ്മിണിയക്കച്ച്ചിയുടെ
കുടിലടുപ്പും
പഴയതുപോലെതന്നെ.
പുകഞ്ഞിട്ടേയില്ല.

-രാഹുകാലം

ഒന്നര മണിക്കൂര്‍
അയാള്‍ പിടിച്ചുനിന്നു .
രാഹുകാലത്തില്‍
മൂത്രമൊഴിക്കുന്നത് എങ്ങനെ?
കുറെക്കാലമായപ്പോള്‍
ഡോക്ടറെ കാണേണ്ടി വന്നു.
അന്ന് തുടങ്ങി
ഗുളികകാലം

രാഷ്ടീയ അജണ്ട

2010-10-24T09:05:00.000-07:00

മലങ്കര ഒ‍ാർത്തഡോക്സ് സഭയുടെ തൃശൂർ ഭദ്രാസനൻ യുഹാനോൻ മോർ മിലിത്തിയോസ് മെത്രാപോലീത്ത പറയുന്നത് ശ്രദ്ധി ച്ചോ?അതിങ്ങനെയാണ്‌:“ഞങ്ങളിൽ ചിലർക്ക്(പുരോഹിതർ) ഒരു ഭീമമായ തെറ്റിദ്ധാരണയുണ്ട്.ഞങ്ങൾ പള്ളിയിൽ പറയുന്നതെല്ലാം വിശ്വാസികൾ അപ്പാടെ
വിഴുങ്ങുമെന്നാണത്.ഞയറാഴ്ചകളിൽ പള്ളികളെല്ലാം ഹൗസ് ഫുൾ ആകുമ്പോൾ ആധാരണ ഒന്നുകൂടി
ശക്തിപ്പെടും.അവിടെ പുരോഹിതർ എന്തുപറഞ്ഞാലും ആരും ഒന്നും തിരിച്ചു പറയില്ല.ഇവിടെ
എന്താണ്‌ യഥാർഥത്തിൽ സംഭവിക്കുന്നത്?ആരും ഒന്നും വിഴുങ്ങുന്നില്ല.പള്ളിയിൽ
ക്രമസമാധാന പ്രശ്നം ഉണ്ടാകരുതെന്ന് കരുതി അവർ സമാധാനപരമായി തിരിച്ചുപോകുന്നു.
എന്നാൽ അവരുടെ ഉള്ളറിയാതെ പള്ളികളിൽ ഇടയലേഖനങ്ങൾ
വായിച്ചുകൊണ്ടേയിരിക്കുന്നു.മെത്രാന്മാരുടെ വിശ്വാസമാണ്‌ വിശ്വാസികൾക്കെന്ന്
വരുത്തിത്തീർക്കുന്നതിനു പിന്നിൽ വലിയൊരു രാഷ്ടീയ അജണ്ടയുണ്ട്‌.”
ഈ പ്രസ്താവനയെ ഇതര സഭാനേതാക്കൾ എങ്ങിനെ നോക്കിക്കാണുമെന്ന് പറയാൻ പറ്റില്ല.

ENTE CHONNA MANNINTE PATTU SELF SUNG MALAYALAM POEM BY KARIVELLUR MURALI

2010-10-15T03:05:00.000-07:00

യദ്യൂരപ്പയും ഈശ്വരനും!

2010-10-11T18:54:00.000-07:00

വിമതശല്ല്യം ഒഴിവാക്കാനായി കർണാടക മുഖ്യമന്ത്രി യദ്യൂരപ്പ ഓടിയെത്തിയത്‌,കണ്ണൂർജില്ലയിലെ തളിപ്പറമ്പിലുള്ള രാജരാജേശ്വരി ക്ഷേത്രത്തിലാണ്‌.കർണാടകത്തിൽ അപ്പന്മാർ ഇല്ലാത്തതുകൊണ്ടല്ല.തളിപ്പറമ്പത്തപ്പനാണ്‌ ഇഷ്ടദേവൻ.ശത്രുസംഹാരത്തിൽ കേമൻ.കഴിഞ്ഞതവണ ഒരാനയെ നടയിരുത്തി.ഇത്തവണയും ഏതാണ്ടൊക്കെ കൊടുത്തു.ദർശനാന്തരം പത്രക്കാരോട്പറഞ്ഞു:ഉറപ്പ്,നിയമസഭയിൽ വിശ്വാസവോട്ട് നേടും.നാട്ടിൽ തിരിച്ചെത്തിയപ്പോഴേക്കും വിമതന്മാരൊക്കെ യ്ദ്യൂരപ്പയുടെ കാല്ക്കീഴിലെതിയിരിക്കുന്നു.ഇതുസമ്പന്ധിച്ച് മാത്ര്ഭൂമിയിൽ വന്നവാർത്ത“ഇഷ്ടദേവനെ വന്ദിക്കാൻ ക്ഷേത്രത്തിലെത്തിയ യദ്യൂരപ്പയുടെ പ്രാർഥനകളും ഇതോടെ ഫലം കണ്ടു”വെന്നാണ്‌! ഈവാർത്ത വായനക്കാരിൽ ഉണ്ടാക്കുന്ന അനുഭവമെന്താണ്‌ എന്നതാണ്‌ ഈകുറിപ്പിന്റെ അടിസ്ഥാനം. അടിമുടി അഴിമതിയിൽ കുളിച്ച്നില്ക്കുന്ന യദ്യൂരപ്പസർക്കാരിനെ ദൈവം തുണച്ചുവെന്നാണോ കരുതേണ്ടത്?അത്രക്ക് മോശക്കാരനാണോ ദൈവം?അഭിപ്രായങ്ങൾ ക്ഷണിക്കുന്നു.....

മറഞ്ഞുപോയ അത്ഭുത ജീവികള്‍

2010-10-11T08:02:00.000-07:00

എന്നന്നേക്കുമായി വംശമറ്റുപോയ ഒട്ടേറെ ജീവികളുണ്ട് ചരിത്രത്തില്‍. ജുറാസിക് യുഗത്തില്‍ ജീവിച്ചിരുന്ന ചില അത്ഭുതജീവികളെ നമ്മളിന്ന് ചലച്ചിത്രങ്ങളില്‍ പുനരാവിഷ്‌ക്കരിക്കുന്നു. ചരിത്രാതീതകാലത്ത് സംഭവിച്ച അത്തരം നഷ്ടങ്ങള്‍ക്കൊപ്പം, ഡോഡൊ, സുവര്‍ണ തവള തുടങ്ങി ആധുനികമനുഷ്യന്റെ കണ്‍മുന്നില്‍ നിന്ന് അപ്രത്യക്ഷമായ ജീവികളുമുണ്ട്. അവയെയൊന്നും ആര്‍ക്കുമിനി കാണാനാവില്ലെന്നത് എത്ര സങ്കടകരമാണ്. ജീവലോകം നേരിടുന്ന ഭീഷണിക്കെതിരെയുള്ള ശക്തമായ മുന്നറിയിപ്പുകളാണ് അന്യംനിന്ന ഓരോ ജീവിയും. ആ മുന്നറിയിപ്പുകളില്‍ നിന്ന് മനുഷ്യന്‍ എന്തെങ്കിലും പഠിക്കുമോ എന്നതാണ് പ്രശ്‌നം. വംശനാശം സംഭവിച്ച ചില ജീവികളെ ഇവിടെ പരിചയപ്പെടുക.

1. ടൈനോസറസ് റെക്‌സ് (Tyrannosaurus Rex): ആറര കോടി വര്‍ഷം മുമ്പ്, ജുറാസിക് യുഗത്തിന്റെ അവസാനം ഈ ജീവി ലോകത്തുനിന്ന് അപ്രത്യക്ഷമായി. കരയില്‍ ജീവിച്ചിരുന്ന മാംസഭുക്കുകളില്‍ എക്കാലത്തേയും ഏറ്റവും വലിയ ജീവികളിലൊന്നാണ് ടി. റെക്‌സ്-43.3 അടി നീളം, 16.6 അടി ഉയരം, ഏതാണ്ട് ഏഴ് ടണ്‍ ഭാരം! ക്രിറ്റേഷ്യസ്-ടെര്‍ഷ്യറി കാലത്തെ കൂട്ടവംശനാശം വരെ ഇവ നിലനിന്നു. ഏതാണ്ട് 30 ടി.റെക്‌സ് ഫോസിലുകള്‍ ലോകത്തിന്റെ വിവിധ ഭാഗങ്ങളില്‍ നിന്ന് കണ്ടെത്തിയിട്ടുണ്ട്. ചിലവ പൂര്‍ണരൂപത്തിലുള്ളതാണ്.

2. ക്വാഗ്ഗ (Quagga): ആഫ്രിക്കയുടെ ചരിത്രത്തില്‍, വംശനാശം സംഭവിച്ച ഏറ്റവും പ്രശസ്തമായ ജീവി. പകുതി വരയന്‍ കുതിരയും പകുതി കുതിരയും എന്ന് പറയാവുന്ന ബാഹ്യരൂപമായിരുന്നു ക്വാഗ്ഗയുടേത്. 1883-ഓടെ അന്യംനിന്നു. ആഫ്രിക്കയുടെ തെക്കന്‍ മേഖലയില്‍ ഒരു കാലത്ത് സുലഭമായിരുന്ന ജീവിയാണിത്. മനുഷ്യന്‍ വേട്ടയാടി കൊല്ലുകയായിരുന്നു. മാംസത്തിനും മറ്റാവശ്യങ്ങള്‍ക്കുമായി വ്യാപകമായി കൊന്നൊടുക്കി. 1870-കളോടെ വേട്ട പൂര്‍ത്തിയായി. കൂട്ടില്‍ അവശേഷിച്ച അവസാനത്തെ ക്വാഗ്ഗ, 1883 ആഗസ്ത് 12-ന് ചത്തതോടെ ആ വര്‍ഗത്തിന്റെ തിരോധാനം പൂര്‍ത്തിയായി.

3. തൈലാസിന്‍ (Thylacine): 'ടാസ്മാനിയന്‍ കടുവ' എന്നും അറിയപ്പെട്ടിരുന്ന ഈ ജീവിവര്‍ഗം 1936-ഓടെ അവസാനിച്ചു. ഓസ്‌ട്രേലിയയിലും ന്യൂ ഗിനിയിലും കാണപ്പെട്ടിരുന്ന ജീവിയാണിത്. യൂറോപ്യന്‍ ജനത കുടിയേറുന്നതിനും ആയിരക്കണക്കിന് വര്‍ഷം മുമ്പ് തന്നെ ഈ ജീവിവര്‍ഗം, ഓസ്‌ട്രേലിയന്‍ വന്‍കരയില്‍ നിന്ന് അപ്രത്യക്ഷമായി. രാജ്യത്തിന്റെ ഭാഗമായ ടാസ്മാനിയ ദ്വീപില്‍ മാത്രമാണ് ഇവ അവശേഷിച്ചത്. വ്യാപകമായ വേട്ടയുടെ ഫലമായി ഈ ജീവിവര്‍ഗം അസ്തമിക്കുകയായിരുന്നു. അതോടോപ്പം ഇവയുടെ പാര്‍പ്പിട മേഖലകള്‍ മനുഷ്യന്‍ കൈയടക്കിയതും, നായകളുടെ വരവും, രോഗങ്ങളുമെല്ലാം ടാസ്മാനിയന്‍ കടുവയുടെ അന്ത്യത്തിന് ആക്കംകൂട്ടി.

4. സ്‌റ്റെല്ലാര്‍സ് കടല്‍പ്പശു (Steller's Sea Cow): ബെറിങ് കടലില്‍ ഏഷ്യാറ്റിക് തീരപ്രദേശത്ത് കഴിഞ്ഞിരുന്ന ഈ ജീവിയെ ആദ്യമായി കണ്ടെത്തുന്നത് പ്രകൃതിശാസ്ത്രജ്ഞനായ ജോര്‍ജ് സ്‌റ്റെല്ലാര്‍ ആണ്; 1741-ല്‍. ഈ കടല്‍പ്പശു 25.9 അടി നീളം വരെ വളരുന്നവയായിരുന്നു, മൂന്ന് ടണ്‍ വരെ ഭാരവും ഉണ്ടാകുമായിരുന്നു. വലിയ സീലിനെ അനുസ്മരിപ്പിക്കുന്ന ആകൃതിയായിരുന്നു ഇവയുടേത്. പ്രാചീനകാലത്ത് വടക്കന്‍ പെസഫിക് തീരപ്രദേശത്താകെ ഇവ കാണപ്പെട്ടിരുന്നുവെന്ന് ഫോസില്‍ തെളിവുകള്‍ പറയുന്നു. എന്നാല്‍, ഇവയെ തിരിച്ചറിയുന്ന കാലത്ത് ചെറിയൊരു പ്രദേശത്തായി ഇവ ചുരുങ്ങിയിരുന്നു. 1768-ഓടെ ഈ ജീവിവര്‍ഗം അന്യംനിന്നു. ഇവയുടെ പാര്‍പ്പിട മേഖലയിലേക്കുള്ള മനുഷ്യന്റെ കടന്നുവരവാണ്, നാശത്തിന് വഴിവെച്ചതെന്നാണ് നിഗമനം.

5. ഐറിഷ് മാന്‍ (Irish Deer): ഭൂമുഖത്ത് ജീവിച്ചിരുന്നവയില്‍ ഏറ്റവും വലിയ മാന്‍. 'ഭീമന്‍ മാന്‍' (Giant Deer) എന്നും ഇവയ്ക്ക് പേരുണ്ട്. 7700 വര്‍ഷം മുമ്പ് വംശനാശം നേരിട്ടു. 'ലേറ്റ് പ്ലീസ്റ്റോസീന്‍' കാലത്തിനും 'ഹോളോസീന്‍' യുഗത്തിനും ഇടയ്ക്കാണ് ഇവ നിലനിന്നത്. അറിയപ്പെടുന്നതില്‍ ഏറ്റവും പ്രായം കുറഞ്ഞ ഫോസില്‍ 5700 ബി.സി.യിലേതാണെന്ന് (7700 വര്‍ഷം മുമ്പത്തേത്) കാര്‍ബണ്‍ ഡേറ്റിങില്‍ തെളിഞ്ഞിട്ടുണ്ട്. വലിപ്പമായിരുന്നു ഇവയുടെ പ്രത്യേകത. ഏഴടി ഉയരവും, 12 അടി നീളവും 90 പൗണ്ട് ഭാരവും. പ്രാചീന മനുഷ്യന്‍ വേട്ടയാടി നശിപ്പിച്ചതാണ് ഇവയെ എന്നൊരു വാദമുണ്ടെങ്കിലും, വലിപ്പക്കൂടുതല്‍ തന്നെ ഈ വര്‍ഗത്തിന്റെ നാശത്തിന് നിമിത്തമായിരിക്കാം എന്നാണ് കരുതുന്നത്.

6. കാസ്പിയന്‍ കടുവ(Caspian Tiger): കടുവകളുടെ ഉപവര്‍ഗമായ ഇവയ്ക്ക് പേര്‍ഷ്യന്‍ കടുവ എന്നും പേരുണ്ട്. ലോകത്തുള്ള കടുവയിനങ്ങളില്‍ മൂന്നാമത്തെ വലിയ കടുവകളായിരുന്നു ഇവ. മധ്യ-പശ്്ചിമ ഏഷ്യന്‍ രാജ്യങ്ങളില്‍ കാണപ്പെട്ടിരുന്ന ഈ ജീവിവര്‍ഗം 1970-ഓടെ അന്യംനിന്നു. കാസ്പിയന്‍ കടുവകളില്‍ ആണുങ്ങളായിരുന്നു വലുത് - 169 മുതല്‍ 240 കിലോഗ്രാം വരെ ഭാരം. പെണ്‍കടുവകള്‍ ചെറുതായിരുന്നു - ഭാരം 85 മുതല്‍ 135 കിലോഗ്രാം വരെ മാത്രം.

7. ഔറോക്‌സ് (Aurochs): വംശനാശം സംഭവിച്ച ഏറ്റവും പ്രശസ്തമായ യൂറോപ്യന്‍ മൃഗമാണിത്. വളരെ വലിപ്പം കൂടിയ വളര്‍ത്തുമൃഗമായിരുന്നു അത്. 20 ലക്ഷം വര്‍ഷം മുമ്പ് ഇന്ത്യയില്‍ ആവിര്‍ഭവിച്ച ഈ ജീവിവര്‍ഗം, പശ്ചിമേഷ്യ വഴി പടിഞ്ഞാറോട്ട് കുടിയേറുകയും, രണ്ടര ലക്ഷം വര്‍ഷം മുമ്പ് യൂറോപ്പിലെത്തുകയും ചെയ്തു എന്നാണ് നിഗമനം. പതിമൂന്നാം നൂറ്റാണ്ടോടെ ഔറോക്‌സിന്റെ സാന്നിധ്യം പോളണ്ട്, ലിത്വാനിയ, മോള്‍ഡാവിയ, ട്രാന്‍സില്‍വാനിയ, കിഴക്കന്‍ പ്രൂഷ്യ എന്നിവിടങ്ങളില്‍ മാത്രമായി പരിമിതപ്പെട്ടു. വേട്ടയാണ് ഇവയെ നശിപ്പിച്ചത്. 1564 ആയപ്പോഴേക്കും 38 മൃഗങ്ങള്‍ മാത്രമായി ഇവ ചുരുങ്ങി. അറിയപ്പെടുന്ന അവസാനത്തെ ഔറോക്‌സിന് പോളണ്ടില്‍ 1627-ല്‍ അന്ത്യമായി. അതോടെ ആ വര്‍ഗം കുറ്റിയറ്റു.

8. ഭീമന്‍ ഓക്ക് (Great Auk): പെന്‍ഗ്വിനുകളെ അനുസ്മരിപ്പിക്കുന്ന ഈ പക്ഷികള്‍ക്ക് പറക്കാന്‍ കഴിവില്ലായിരുന്നു. ഓക്ക് വര്‍ഗത്തില്‍ ഏറ്റവും വലിപ്പമുള്ള ഇവ 1844-ഓടെ അന്യംനിന്നു. 75 സെന്റീമീറ്ററോളം ഉയരമുള്ള ഈ വര്‍ഗത്തിന് അഞ്ച് കിലോഗ്രാം ഭാരമുണ്ടായിരുന്നു. വെളുപ്പും കറുപ്പും നിറമുള്ളതായിരുന്നു ഇവ. കിഴക്കന്‍ കാനഡ ദ്വീപുകളിലും, ഗ്രീന്‍ലന്‍ഡ്, ഐസ്‌ലന്‍ഡ്, നോര്‍വെ, അയര്‍ലന്‍ഡ്, ബ്രിട്ടന്‍ തുടങ്ങിയ പ്രദേശങ്ങളില്‍ ഒരു കാലത്ത് സുലഭമായിരുന്നു ഭീമന്‍ ഓക്ക്. മാംസത്തിനായി ഇവയെ വന്‍തോതില്‍ വേട്ടയാടിയാതാണ് വംശനാശത്തിന് ഇടയാക്കിയത്.

9. ഗുഹാസിംഹം (Cave Lion): പ്രാചീനകാലത്തെ ഗുഹാചിത്രങ്ങളില്‍ ഈ സിംഹത്തെ കാണാം. ഭൂമുഖത്ത് ജീവിച്ചിരുന്നവയില്‍ ഏറ്റവും വലിയ സിംഹവര്‍ഗമായിരുന്നു ഇവയെന്ന് ഫോസിലുകള്‍ തെളിയിക്കുന്നു. 2000 വര്‍ഷം മുമ്പ് ഇവ അന്യംനിന്നു എന്നാണ് കരുതുന്നത്. ആധുനിക കാലത്തെ സിംഹങ്ങളെ അപേക്ഷിച്ച് പത്തു ശതമാനം വരെ വലിപ്പക്കൂടുതലുണ്ടായിരുന്നു ഗുഹാസിംഹങ്ങള്‍ക്ക് എന്ന് ഫോസിലുകള്‍ തെളിയിക്കുന്നു. ഹിമയുഗത്തിന്റെ ഫലമായി പതിനായിരം വര്‍ഷം മുമ്പാകണം ഈ വര്‍ഗത്തിന് വന്‍തോതില്‍ നാശം നേരിട്ടത്. എന്നാല്‍, 2000 വര്‍ഷം മുമ്പുവരെ ബാള്‍ക്കന്‍ മേഖലയില്‍ ഇവ നിലനിന്നതിന് തെളിവുണ്ട്.

10. ഡോഡൊ (Dodo): ജീവലോകം നേരിടുന്ന വംശനാശ ഭീഷണിയുടെ പ്രതീകമായി മാറിയ പക്ഷിയാണിത്. മനുഷ്യന്റെ ചെയ്തി മൂലം പൂര്‍ണമായും വംശമറ്റ ജീവി. പ്രാവുകളുമായി ബന്ധമുള്ള, പറക്കാന്‍ കഴിവില്ലാത്ത പക്ഷിയായിരുന്നു ഡോഡൊ. മൗറീഷ്യസാണ് ഇവയുടെ നാട്. തറയില്‍ കൂടുകൂട്ടി മുട്ടയിടുന്ന ഇവയ്ക്ക് സമാന്യം നല്ല വലിപ്പമുണ്ടായിരുന്നു. 40 ഇഞ്ച് പൊക്കത്തില്‍ വളരുന്ന ഇവയെ ഇറച്ചിക്കായി മനുഷ്യന്‍ കൊന്നൊടുക്കുകയാണുണ്ടായത്. ഈ ജീവിയെ ആദ്യമായി കണ്ടെത്തി ഒരു നൂറ്റാണ്ട് തികയും മുമ്പ് ഇവയുടെ കഥ കഴിഞ്ഞു. പതിനേഴാം നൂറ്റാണ്ടിന്റെ രണ്ടാംപകുതിയോടെ ഡോഡൊ ചരിത്രമായി.

11. പാസഞ്ചര്‍ പ്രാവ് (Passenger Pigeon): വടക്കേയമേരിക്കന്‍ ഭൂഖണ്ഡത്തില്‍ റോക്കി പര്‍വതനിരയ്ക്ക് കിഴക്കുള്ള പ്രദേശത്ത് ഒരു കാലത്ത് കോടിക്കണക്കിന് പാസഞ്ചര്‍ പ്രാവുകള്‍ ജീവിച്ചിരുന്നു. മുമ്പ് വടക്കേയമേരിക്കയിലെ പക്ഷികളില്‍ 40 ശതമാനത്തോളം പാസഞ്ചര്‍ പ്രാവുകളായിരുന്നു. 19-ാം നൂറ്റാണ്ടില്‍ ഇവയുടെ സംഖ്യ ഏതാണ്ട് 500 കോടി വരുമായിരുന്നു എന്നാണ് കണക്ക്. കൂട്ടമായി പറക്കുമ്പോള്‍ മണിക്കൂറുകളോളം ഇവ ആകാശം മറയ്ക്കുമായിരുന്നു. മനുഷ്യന്റെ ആര്‍ത്തിയാണ് പാസഞ്ചര്‍ പ്രാവുകളെ ഇല്ലാതാക്കിയത്. ദിവസവും ആയിരങ്ങളെ വീതം കൊന്നൊടുക്കി. ഇവയുടെ പ്രജനനകേന്ദ്രങ്ങളില്‍ വരെ വേട്ട നീണ്ടു. പക്ഷികള്‍ എവിടെയുണ്ടെന്ന വിവരം വേട്ടക്കാര്‍ക്ക് എത്തിക്കാന്‍ ടെലഗ്രാഫ് സങ്കേതം വരെ ഉപയോഗിക്കപ്പെട്ടു. വേട്ടയാടിയ ആയിരക്കണക്കിന് പ്രാവുകള്‍ കമ്പോളത്തിലെത്തി. അറിയപ്പെടുന്ന അവസാനത്തെ പാസഞ്ചര്‍ പ്രാവിന്റെ പേര് മാര്‍ത്ത എന്നായിരുന്നു. 1914 സപ്തംബര്‍ ഒന്ന് പകല്‍ ഒരു മണിക്ക് സിന്‍സിനാറ്റി മൃഗശാലയില്‍ ആ ജീവി അന്ത്യശ്വാസം വലിച്ചു.

12. ബ്രിട്ടീഷ് ചെന്നായ (British Wolf): ഒരു കാലത്ത് ബ്രിട്ടനിലാകെ കാണപ്പെട്ടിരുന്ന ജീവിയാണിത്. രണ്ടായിരം വര്‍ഷം മുമ്പ് അവയുടെ സംഖ്യ പതിനായിരം വരുമായിരുന്നു എന്ന് കണക്കാക്കുന്നു. മനപ്പൂര്‍വം ബ്രിട്ടന്‍ ഈ ജീവിവര്‍ഗത്തെ നശിപ്പിക്കുകയായിരുന്നു. രാജ്യത്തെ മുഴുവന്‍ ചെന്നായകളെയും കൊന്നൊടുക്കാന്‍ 1281-ല്‍ എഡ്വേര്‍ഡ് രാജാവ് ഉത്തരവിട്ടു. ആ ക്യാമ്പയിന്‍ വിജയമായിരുന്നു. പതിനാറാം നൂറ്റാണ്ടോടെ ബ്രിട്ടീഷ് ചെന്നായയുടെ അവസാന അംഗവും നശിച്ചു. ചെന്നായകളെ തങ്ങളുടെ മണ്ണില്‍ നിന്ന് പൂര്‍മായി ഉന്‍മൂലനം ചെയ്ത രാജ്യമെന്ന ദുഷ്‌പേര് ബ്രിട്ടനുള്ളതാണ്.

13. സുവര്‍ണ തവള (Golden Toad): ആഗോളതാപനത്തിന്റെ ആദ്യഇരയെന്ന് കണക്കാക്കപ്പെടുന്ന ജീവിയാണ് സുവര്‍ണ തവള. കോസ്റ്റാറിക്കയിലെ കോടവനങ്ങളുടെ ഭാഗമായ ചെറിയൊരു പ്രദേശത്ത് മാത്രം കാണപ്പെട്ടിരുന്ന ഈ മനോഹര ജീവിയെ 1966-ലാണ് ആദ്യമായി കണ്ടെത്തിയത്. ഒരുകാലത്ത് മുപ്പതിനായിരത്തോളം സുവര്‍ണ തവളകള്‍ ആ കാട്ടില്‍ ഉണ്ടായിരുന്നതായി കണക്കാക്കുന്നു. ആഗോളതാപനത്തിന്റെ ഫലമായി അവയുടെ വാസഗേഹമായ കാട്ടിലെ ഈര്‍പ്പം കുറഞ്ഞതാണ് ആ ജീവിയെ നാശത്തിലേക്ക് തള്ളിവിട്ടത്. 1987-88 ലെ എല്‍നിനോ പ്രതിഭാസം അവയുടെ നാശത്തിന് ആക്കംകൂട്ടി. അവസാനമായി ഒരു സുവര്‍ണ തവളയെ മനുഷ്യന്‍ കണ്ടതായി രേഖപ്പെടുത്തിയിട്ടുള്ളത് 1989 മെയ് 15-നാണ്.(കടപ്പാട്: ICUN; UNEP; World Watch Institute).

ന്യൂമാന്‍ എന്ന പേരിനും വേണ്ടേ അര്‍ഹത?

2010-10-07T07:10:00.000-07:00

തൊടുപുഴ ന്യൂമാൻസ് കോളേജിലെ അധ്യാപകൻ ടി.ജെ ജോസഫ് ചോദ്യപേപ്പർവഴി മതനിന്ദ നടത്തിയെന്നാരോപിച്ച് ദൈവനാമത്തിൽ കത്തോലിക്കൻ പള്ളിപ്രമാണിമാരും ഇസ്ലാംതീവ്രവാദികളും ക്രൂരമായ രണ്ട്തരം ശിക്ഷാവിധികളാണ്‌ നടപ്പിലാക്കിയത്.എന്നാൽ,ഇതിനെതിരെ ഇടതുപക്ഷ-മതേതര സമൂഹത്തിന്റെ ഭാഗത്തുനിന്ന് കൂട്ടായ പ്രതികരണമൊന്നും ഉണ്ടായിട്ടില്ല.ദൗർഭാഗ്യകരമാണത്.ഒറ്റപ്പെട്ടനിലയിൽ ചില വ്യക്തികൾ ശക്തമായഭാഷയിൽ അപലപിച്ചിട്ടുണ്ട്.അതിലൊന്നാണ്‌ ഇന്ന് മാത്രുഭൂമിയിൽ വന്ന ജസ്റ്റീസ് കെ.ടി
തോമസ്സിന്റെ ലേഖനം.ചുവടെ ചേർക്കുന്നു:

തൊടുപുഴ ന്യൂമാന്‍സ് കോളേജിലെ പ്രൊഫസര്‍ ടി.ജെ. ജോസഫ് ചോദ്യപ്പേപ്പര്‍ തയ്യാറാക്കിയതുവഴി മതനിന്ദ നടത്തിയെന്ന ആരോപണത്തിന്റെ പേരില്‍ അതിക്രൂരമായ രണ്ട് ശിക്ഷകളാണ് അദ്ദേഹത്തിന് നല്‍കപ്പെട്ടിരിക്കുന്നത്.

ഇസ്‌ലാം മതത്തിന്റെ മഹത്ത്വം മനസ്സിലാക്കാത്ത ഏതോ തീവ്രവാദികള്‍ ചോദ്യപ്പേപ്പര്‍ തയ്യാറാക്കിയ അദ്ദേഹത്തിന്റെ കൈ വെട്ടിക്കളഞ്ഞു. ക്രൈസ്തവമതത്തിന്റെ സാരാംശം ഉള്‍ക്കൊള്ളാന്‍ കഴിഞ്ഞിട്ടില്ലാത്ത മതനേതാക്കള്‍ അടങ്ങിയ കോളേജ് മാനേജ്‌മെന്റ് അദ്ദേഹത്തിന്റെ ഏക ഉപജീവനമാര്‍ഗവും ഇല്ലാതാക്കി.

രണ്ടാമത്തെ ശിക്ഷയാണ് ആദ്യം കിട്ടിയിരുന്നതെങ്കില്‍പ്പോലും അത് അക്രൈസ്തവവും അധാര്‍മികവും ആണെന്ന് ഞാന്‍ പറയുമായിരുന്നു. അദ്ദേഹത്തിന്റെ കൈ വെട്ടിമാറ്റിയതിനെപ്പറ്റി ഞാന്‍ ഒന്നും പറയേണ്ട കാര്യമില്ല. സാംസ്‌കാരിക സമൂഹം മുഴുവന്‍ ഒന്നടങ്കം അതിനെതിരായി ശബ്ദമുയര്‍ത്തി. അത് ആര് ചെയ്തുവെന്നതും ചെയ്തവര്‍ക്ക് എന്തുശിക്ഷ നല്‍കണമെന്നുള്ളതും നീതിന്യായകോടതിയുടെ ചുമതലയിലുള്ള കാര്യമായതിനാല്‍ അതേപ്പറ്റി കൂടുതല്‍ പരാമര്‍ശം നടത്തുന്നില്ല.

പ്രൊഫ. ജോസഫ് മതസ്പര്‍ധ വര്‍ധിപ്പിക്കുന്നതിനിടയാക്കിയെന്നും ആദ്യം അദ്ദേഹത്തിന് നല്‍കപ്പെട്ട ശിക്ഷകൊണ്ട് രണ്ടാമത്തെ ശിക്ഷയില്‍നിന്നും അദ്ദേഹം കുറ്റവിമുക്തനാകുന്നില്ലെന്നുമാണ് പുറത്താക്കിയതിന് കോളേജ് മാനേജ്‌മെന്റിന്റെ ന്യായീകരണം.

മിതമായ ഭാഷയില്‍ പറയട്ടെ; ഈ രണ്ട് ന്യായീകരണങ്ങളും അര്‍ഥശൂന്യവും കഴമ്പില്ലാത്തതുമാണ്.

പ്രൊഫസര്‍ തയ്യാറാക്കിയ ചോദ്യപ്പേപ്പറിലെ പ്രസക്തഭാഗംമൂലം വിശുദ്ധ പ്രവാചകനോ തങ്ങളുടെ മതത്തിനോ യാതൊരുതരത്തിലും അപകീര്‍ത്തിയുണ്ടായിട്ടില്ലെന്ന യാഥാര്‍ഥ്യം ഇസ്‌ലാം മതത്തിലെ വിദ്യാസമ്പന്നരും നല്ലവരുമായ ഞാനറിയുന്ന പലരും പറഞ്ഞിട്ടുണ്ട്.

ചോദ്യക്കടലാസിലെ പ്രസ്തുത ഭാഗംകൊണ്ടുമാത്രം അപകീര്‍ത്തിപ്പെടുന്നതല്ല ഇസ്‌ലാം മതമെന്ന് അവരും സമൂഹവും വിശ്വസിക്കുന്നു. എങ്കിലും ഏതാനും തീവ്രവാദികള്‍ക്ക് ചോദ്യപ്പേപ്പറിലെ ആ വിവരണം എതിര്‍പ്പുണ്ടാക്കിയിട്ടുണ്ടെന്ന കാര്യത്തില്‍ തര്‍ക്കമില്ല. അതുകൊണ്ടാണല്ലോ അവര്‍ താലിബാന്‍ മോഡല്‍ ശിക്ഷ നല്‍കിയത്.

കൈ വെട്ടിമാറ്റപ്പെട്ടുകിടന്ന അവസ്ഥയിലായിരുന്നെങ്കിലും സംസാരിക്കാവുന്ന മാനസികനില വീണ്ടെടുത്തപ്പോള്‍ അദ്ദേഹം ഇങ്ങനെ പറഞ്ഞതായി ഞാന്‍ വായിച്ചു.

''ഞാനെഴുതിയ ചോദ്യംമൂലം ഇത്രയും പ്രയാസങ്ങള്‍ ഉണ്ടാകാനിടയാകുമായിരുന്നെന്ന് മനസ്സിലാക്കാന്‍ സാധിക്കാതെവന്ന കുറ്റത്തിന്റെ ശിക്ഷയായി ഞാനിതിനെ കാണുന്നു.''

ഞാന്‍ പ്രൊഫ. ജോസഫിനെയോ അദ്ദേഹത്തിന്റെ കുടുംബാംഗങ്ങളെയോ കണ്ടിട്ടില്ല. അവരുമായി ഫോണില്‍പോലും സംസാരിച്ചിട്ടില്ല.

എങ്കിലും ഏതുനിലയില്‍ ചിന്തിച്ചിട്ടും സമകാലീന രാഷ്ട്രീയ മതമൗലികതയുടെ പശ്ചാത്തലത്തില്‍ നോക്കുമ്പോള്‍ പ്രൊഫ. ജോസഫിന്റെ പ്രവൃത്തിയെ faux pas (ഫൗപാ) അഥവാ 'ഒരു മണ്ടത്തരം' എന്നതിനേക്കാള്‍ കൂടുതലായി കാണുന്നവര്‍ മതങ്ങളിലെ ആത്മീയതയൊ സാരാംശങ്ങളൊ ഉള്‍ക്കൊള്ളാത്ത മൗലികവാദികളായ മതഭ്രാന്തന്‍മാരാണ്.

എന്നാല്‍ അദ്ദേഹത്തിന്റെ പ്രവൃത്തി അക്ഷന്തവ്യമായ, ഒട്ടും ദയയര്‍ഹിക്കാത്ത സര്‍വീസ് നിയമത്തിലെ ഏറ്റവും പരമമായ ശിക്ഷയ്ക്കുമാത്രം അര്‍ഹമായ കുറ്റമായികണ്ടവര്‍ അദ്ദേഹത്തിനേല്പിച്ച വേദനയേക്കാള്‍ കഠിനമായി എനിക്കു തോന്നുന്നത് സമൂഹത്തിന്റെ മനഃസാക്ഷിക്ക് അതേല്പിച്ച ആഘാതമാണ്.

പരിഹാരമായി മാനേജ്‌മെന്റ് പറഞ്ഞ കാര്യങ്ങള്‍ അപഹാസ്യമായി എനിക്ക് തോന്നുന്നു.

ഒന്ന്, അദ്ദേഹത്തിന് കോടതിയില്‍ പോയി കുറ്റവിമുക്തി നേടാമെന്നാണ്. രണ്ട്, കോടതി ഉത്തരവിട്ടാല്‍ അദ്ദേഹത്തെ തിരിച്ചെടുക്കാമെന്നും.

കോടതി ഉത്തരവിട്ടാലും ഞങ്ങള്‍ അദ്ദേഹത്തിന് പുനഃപ്രവേശനം കൊടുക്കില്ലെന്ന് മാനേജ്‌മെന്റ് പറഞ്ഞില്ലെന്നുള്ളതാണ് ഇതില്‍ രസകരമായി എനിക്ക് തോന്നുന്നത്.

കോടതിയില്‍ നിവൃത്തിനേടാമെന്ന് പറഞ്ഞവര്‍ കോടതിയില്‍ സമര്‍പ്പിക്കേണ്ട ഹര്‍ജികളിലൊന്നില്‍പ്പോലും ഒപ്പിടാന്‍ അദ്ദേഹത്തിന്റെ കൈയ്ക്ക് സ്വാധീനമില്ലെന്ന അവസ്ഥ എന്തുകൊണ്ട് ഓര്‍ക്കുന്നില്ല?

ആസ്പത്രിക്കിടക്കയില്‍ കഴിയുന്ന അദ്ദേഹം കോടതിയില്‍ പോകാനുള്ള ചെലവ് സമ്പാദിക്കാനുള്ള അവസ്ഥയിലല്ലെന്ന് അവര്‍ എന്തുകൊണ്ട് ഓര്‍ക്കുന്നില്ല?

നല്ലവരായ സമരിയാക്കാര്‍ ആരെങ്കിലും അദ്ദേഹത്തെ സഹായിക്കുമെന്ന് ബൈബിള്‍ വായിച്ചിട്ടുള്ള അവര്‍ കരുതിക്കാണും. പക്ഷേ, ഒരു കാര്യം കോളേജ് മാനേജ്‌മെന്റ് മറന്നതായി തോന്നുന്നു. കോളേജിന്റെ പേര് 'ന്യൂമാന്‍സ് കോളേജ്' എന്നാണ്. ഭക്തികീര്‍ത്തനങ്ങളില്‍ പ്രധാനമായ, മഹാത്മജിപോലും പാടിയിട്ടുള്ള "Lead kindly light... (കനിവിന്റെ ദീപമേ ഞങ്ങളെ നടത്തുക.....) എന്നു തുടങ്ങുന്ന ഗാനത്തിന്റെ രചയിതാവാണ് കര്‍ദിനാള്‍ ന്യൂമാന്‍. കനിവ് (kindly) എന്ന വാക്കിന്റെ സ്രഷ്ടാവായ ന്യൂമാന്റെ പേര് തുടര്‍ന്നും പേറിക്കൊണ്ടിരിക്കാനുള്ള ധാര്‍മികമായ അര്‍ഹത ഈ കോളേജിനുണ്ടോയെന്ന് മാനേജ്‌മെന്റ് പുനഃപരിശോധന നടത്തുന്നതു കൊള്ളാം.(apk)

ഒരു കേസിന്റെ കോടതിവിധി

2010-10-04T08:29:00.000-07:00

ആറ്‌ പതിറ്റാണ്ട്‌ പഴക്കം വരുന്ന ഒരു കേസിന്റെ കോടതിവിധി പ്രസ്താവത്തിന്റെ മുന്നോടിയായി ഒരു രാജ്യത്തെ ജനതയെ മുഴുവൻ ഭയത്തിന്റെ മുൾമുനയിൽ നിർത്തുകയായിരുന്നു ഇവിടുത്തെ ഭരണകൂടവും രാഷ്ട്രീയക്കാരും മാധ്യമങ്ങളും ഒക്കെ.കോടതി വിധി രാജ്യത്തെ പ്രളയത്തിലേക്ക്‌ തള്ളിവിടാൻ പോകുന്നു എന്ന മട്ടിലായിരുന്നു ഇവരുടെ പെരുമാറ്റം.വിധി വന്നപ്പൊഴോ?ഒരില പോലും പൊഴിഞ്ഞില്ല.ഒരു കോണിൽനിന്ന്‌ പോലും അസഹിഷ്ണുത തലപൊക്കിയില്ല.കോടതിയുടേത്‌ ഒരു നിയമപരമായ വിധിയല്ല.രണ്ടുപേർ തമ്മിലുള്ള സ്വത്ത്‌ തർക്കത്തിൽ അംശം അധികാരി നടത്താറുള്ള പതിവ് ഒത്തുതീർപ്പ്‌ വ്യവസ്തയുടെ സ്വഭാവമെ അതിനുണ്ടായിരുന്നുള്ളു.അതിൽ തങ്ങൾക്കെന്ത്‌ കാര്യം എന്നതായിരുന്നു ജനങ്ങളുടെ നിലപാട്‌.മാത്രമല്ല,92ന്‌ ശേഷമുള്ള ആശാസ്യകരമല്ലാത്ത സംഭവങ്ങൾ അവരുടെ മതേതര നിലപാട്തറയെ ഒരുപാട് ബലപ്പെടുത്തിയിരിക്കുന്നു.അയോധ്യാകേസിനെ രണ്ട് മതങ്ങൾ എന്നതിലുപരി രണ്ട് കക്ഷികൾ തമ്മിലുള്ള സ്വത്ത് തർക്കമായി കാണാനാണ്‌ ഭൂരിപക്ഷവും ആഗ്രഹിക്കുന്നത്.ഒരു ജനതയുടെ മസ്തിഷ്ക്കത്തെ ഷണ്ഡീകരിക്കുന്ന ജോലിയാണ്‌ മതങ്ങൾ നടത്തുന്നത്.ചിന്താശേഷി നഷ്ടപ്പെട്ട ജനതയെ പറ്റിക്കാനും സ്വന്തംകീശവീർപ്പിക്കാനും മതപ്രമാണികൾക്ക് പെട്ടന്ന് സാധിക്കുന്നു.ഭരണകൂടവും ഒരു പരിധിവരെ കോടതികളും അതിന്‌ സഹായിക്കുന്നു.ജനം തിരിച്ചറിവിന്റെ പാതയിലാണെന്ന് പുതിയ കോടതിവിധി സാക്ഷ്യപ്പെടുത്തുന്നു.

ചേകന്നൂര്‍ മൗലവി

2010-10-04T02:41:00.001-07:00

ചേകന്നൂര്‍ മൗലവി വധം

.പുരോഗമനവാദിയും മതപ്രഭാഷകനുമായ ചേകന്നൂര്‍ മൗലവിയെ കൊലപ്പെടുത്തിയ മലപ്പുറം സ്വദേശി വി.വി. ഹംസയ്ക്ക് ഇരട്ട ജീവപര്യന്തം തടവുശിക്ഷ വിധിച്ചു.

ശത്രുതയ്ക്ക് കാരണം ചേകന്നൂരിന്റെ പരിഷ്‌കരണവാദം

ഇസ്‌ലാം മതമണ്ഡലത്തില്‍ വിവാദക്കൊടുങ്കാറ്റുയര്‍ത്തിയ പുസ്തകങ്ങളും പ്രസംഗങ്ങളുമായിരുന്നു ചേകന്നൂര്‍ മൗലവിക്ക് എതിരാളികളെ സൃഷ്ടിച്ചുകൊടുത്തത്.സമുദായത്തിന്റെ പല നിലപാടുകളിലും സംശയാലുവും വിമര്‍ശകനുമായിരുന്നു

പല ഇസ്‌ലാമിക കോളേജുകളിലും അധ്യാപകനായെങ്കിലും ആശയപരമായ ഭിന്നാഭിപ്രായങ്ങള്‍മൂലം അവിടങ്ങളില്‍നിന്നൊക്കെ വിട്ടുപോകേണ്ടിവന്നിരുന്നു.

'നിരീക്ഷണം' എന്ന പേരില്‍ ഒരു മാസിക തുടങ്ങി.

അതിലൂടെ ആശയപ്രചാരണം തുടര്‍ന്നു.

ഖുര്‍ആനെ മാത്രമേ ജീവിതത്തിന് ആധാരമാക്കാവൂ എന്നതായിരുന്നു മൗലവിയുടെ ശക്തമായ നിലപാട്. ഹദീസുകള്‍ പലതും മതത്തിന്റെ അന്തസ്സ് കെടുത്തുന്ന വ്യാഖ്യാനങ്ങളാണെന്ന് അദ്ദേഹം സമര്‍ഥിച്ചു. 'ഖുര്‍ആന്‍ സുന്നത്ത് സൊസൈറ്റി' എന്ന സംഘടന രൂപവത്കരിച്ച് ഇസ്‌ലാമിലെ 'ഖുര്‍ആന്‍ വിരുദ്ധകാര്യ'ങ്ങള്‍ക്കെതിരെ മൗലവി തുറന്നടിച്ചു. ഒരു ഡസനിലേറെ പുസ്തകങ്ങള്‍ ചേകന്നൂര്‍ എഴുതിയിട്ടുണ്ട്. മതത്തിലെ പൊള്ളത്തരങ്ങള്‍ തുറന്നുകാട്ടാന്‍ പുസ്തകങ്ങളിലൂടെ നടത്തിയ ശ്രമം യാഥാസ്ഥിതിക മതവക്താക്കളെ പ്രകോപിപ്പിക്കുംവിധമായിരുന്നു. 'നമസ്‌കാരം എങ്ങനെ, എപ്പോള്‍, എത്ര', 'നമസ്‌കാരം മൂന്ന് മാത്രം', 'ഖുര്‍ആനിലെ നമസ്‌കാരരൂപം' തുടങ്ങിയ പുസ്തകങ്ങളിലൂടെ വന്‍ വിവാദമാണുണ്ടായത്. അഞ്ചുനേരം നിസ്‌കാരം നിര്‍ബന്ധമല്ലെന്ന് മൗലവി വാദിച്ചു.

സക്കാത്തിനെ സംബന്ധിച്ചും മൗലവിയുടെ നിലപാടുകള്‍ വ്യത്യസ്തമായിരുന്നു. മുതലിന്റെ രണ്ടുശതമാനം മാത്രം വര്‍ഷത്തില്‍ സക്കാത്തായി നല്‍കിയാല്‍ മതിയെന്ന് മുസ്‌ലിം പണ്ഡിതര്‍ വാദിച്ചപ്പോള്‍ 10 ശതമാനം നല്‍കല്‍ നിര്‍ബന്ധമാണെന്ന് മൗലവി സമര്‍ഥിച്ചു. പിന്തുടര്‍ച്ചാ നിയമത്തില്‍ നിലവിലുള്ള വ്യവസ്ഥകള്‍ ഇസ്‌ലാംവിരുദ്ധമാണെന്ന് 'പിന്തുടര്‍ച്ചാ നിയമം' എന്ന പുസ്തകത്തിലൂടെ മൗലവി വ്യാഖ്യാനിച്ചു.

എണ്‍പതുകളില്‍ ശരീഅത്ത് വിവാദം ഉണ്ടായപ്പോള്‍ മൗലവി എടുത്ത വിശാലമായ കാഴ്ചപ്പാട് മതയാഥാസ്ഥിതികരുടെ നിലപാടിന് വിരുദ്ധമായിരുന്നു. 'ഇസ്‌ലാമിക ശരീഅത്തും സുപ്രീംകോടതി വിധിയും' എന്ന പുസ്തകം അദ്ദേഹം ഇതിനായി എഴുതി.

'സര്‍വമത സത്യവാദം ഖുര്‍ആനില്‍' എന്ന അദ്ദേഹത്തിന്റെ ഒടുവിലത്തെ കൃതിയാണ് ചേകന്നൂരിന്റെ തിരോധാനത്തിന് കാരണമായതെന്ന് പറയപ്പെടുന്നു. മാര്‍ച്ച്മാസം പുസ്തകം പുറത്തുവന്നു, ജൂലായില്‍ മൗലവി മറയുകയുംചെയ്തു.

35 പേജുകള്‍ മാത്രമുള്ള 'സര്‍വമത സത്യവാദം ഖുര്‍ആനില്‍' യാഥാസ്ഥിതികരെ വളരെ ചൊടിപ്പിച്ച പുസ്തകമായിരുന്നു. ഏകദൈവ വിശ്വാസം മാത്രമാണ് ശരിയെന്ന വാദത്തെയും ഇന്ത്യയിലെ മത-ദൈവരൂപങ്ങളിലെ ബഹുസ്വരതയെയും ചേകന്നൂര്‍ ഇതില്‍ അംഗീകരിക്കുന്നുണ്ട്. മറ്റുമതങ്ങള്‍ അസാധുവാക്കാനാണ് ഖുര്‍ആന്‍ വന്നത് എന്ന വാദം ഖുര്‍ആന്‍ വിരുദ്ധമാണ്. എല്ലാ ദൈവിക മതങ്ങളും സത്യം, എല്ലാ മതക്കാര്‍ക്കും മോക്ഷമുണ്ടെന്ന് വിശുദ്ധ ഖുര്‍ആന്‍, ദൈവിക മതങ്ങളെല്ലാം ഖുര്‍ആന്റെ ഭാഷയില്‍ ഇസ്‌ലാംതന്നെ, ഇതര മതക്കാരുടെ ദേവാലയങ്ങള്‍ നശിപ്പിക്കാന്‍ പാടില്ല, ഹിന്ദുവിനെ മുസ്‌ലിം കൊന്നാല്‍ ആ മുസ്‌ലിമിനെയും കൊല്ലണമെന്ന് വിശുദ്ധ ഖുര്‍ആന്‍, ഒരു സമുദായത്തിന്റെ മതാചാരം മറ്റുള്ളവര്‍ക്ക് ശല്യമാകരുത് എന്നീ അധ്യായങ്ങളാണീ പുസ്തകത്തിലുള്ളത്. ഖുര്‍ആന്‍ ഉപയോഗിച്ചുതന്നെ നിലവിലുള്ള ഇസ്‌ലാം നിലപാടുകളെ ഖണ്ഡിക്കാനാണ് മൗലവി ശ്രമിച്ചത്. ഇതോടെ ഇസ്‌ലാംമതത്തിലെ ഉത്പതിഷ്ണു, പുരോഗമനവാദിയായ മതപണ്ഡിതന്‍ എന്നീ തലത്തിലേക്ക് ചേകന്നൂര്‍ മൗലവി വിശേഷിപ്പിക്കപ്പെട്ടു.

കടപ്പാട്:മാത്ര്ഭൂമിയോട്

ഈശ്വരന് കഷ്ടകാലം

2010-10-03T02:54:00.000-07:00

സുകുമാര്‍ അഴീക്കോട്

ഈശ്വരന് കഷ്ടകാലം എന്ന് പറയാമോ? കഷ്ടവും നഷ്ടവുമൊക്കെ മനുഷ്യന്് വേണ്ടി സൃഷ്ടിക്കപ്പെട്ടവയാണല്ലോ. ദൈവവും അതിനൊക്കെ വിധേയനാണെന്നു വന്നാല്‍ ആ ദൈവം ദൈവമാണെന്ന് വിശ്വസിക്കാന്‍ പറ്റുമോ?
എന്റെ ചോദ്യവും അതുതന്നെയാണ്. ഇപ്പോഴത്തെ ദൈവഭക്തന്മാരുടെ പ്രകടനങ്ങള്‍ നിരീക്ഷിച്ചാല്‍ അവരുടെ ദൈവം ശ്രേഷ്ഠങ്ങളായ മതഗ്രന്ഥങ്ങളില്‍ ഋഷിമാരും പ്രവാചകന്മാരും നിര്‍വചിച്ചുകാണുന്നതല്ലെന്ന് വരും. ദൈവം മനുഷ്യസഹജമായ എല്ലാ വികാരങ്ങളോടൊപ്പം മനുഷ്യനേക്കാള്‍ നിഗ്രഹാനുഗ്രഹ ശക്തി കൂടുതല്‍ ഉള്ളതുമായ ഒരു അമാനുഷ ശക്തിയാണെന്നാണല്ലോ തോന്നുക.
ടി വി ചാനലുകളിലൂടെ പ്രതിദിനം പ്രക്ഷേപണം ചെയ്യപ്പെടുന്ന നാടകം, സിനിമ മുതലായ ദൃശ്യാവിഷ്‌കാരങ്ങളില്‍ സ്ഥിരമായി പ്രത്യക്ഷപ്പെടുന്ന കഥാപാത്രങ്ങളാണ് വിവിധ മതവിശ്വാസികളുടെ ആരാധനാമൂര്‍ത്തികളായ പലപല ദൈവങ്ങളും ദൈവതുല്യരായ വ്യക്തികളും. ഒരു യുവതിക്ക് ഇഷ്ടകാമുകനെ ലഭിക്കാന്‍ പ്രയാസം നേരിടുമ്പോള്‍ അവള്‍ ഉടനെ വീട്ടില്‍ത്തന്നെ പൂജാമുറിയില്‍ പ്രതിഷ്ഠിച്ചിരിക്കുന്ന ദേവതകളെയോ, വെളിയിലുള്ള ക്ഷേത്രങ്ങളിലും അമ്പലങ്ങളിലും പള്ളികളിലും ഉള്ള ദൈവങ്ങളെയോ പുണ്യവാളരെയോ തൊഴുത് പ്രാര്‍ഥിക്കുന്നു. ഉടനടി അല്ലെങ്കില്‍ വളരെ വൈകാതെ പെണ്‍കുട്ടിയുടെ ആഗ്രഹം സഫലമാകുന്നു. ഭക്തരുടെ മുന്നില്‍ ദൈവബിംബങ്ങളില്‍ നിന്നോ ദേവതാരൂപങ്ങളില്‍ നിന്നോ വെളിച്ചമോ ശക്തിവിശേഷങ്ങളോ പൊട്ടിപ്പുറപ്പെടുന്നത് ചിത്രീകരിക്കപ്പെട്ടു കാണുന്നു.
അരങ്ങില്‍ നടമാടുന്ന ഈ ഈശ്വരവിലാസങ്ങള്‍ നമ്മുടെ ജനങ്ങളുടെ ജീവിതത്തില്‍ പതിവായി നടക്കുന്ന ആരാധനാരീതി തന്നെയായിരിക്കണമല്ലോ. നാം ഹൃദയഭേദകമായി ഒന്ന് കേണു പ്രാര്‍ഥിച്ചാല്‍ തത്‌സമയം അഭീഷ്ടം സാധിച്ചുകൊടുക്കുന്ന ശക്തിയാണ് ഇവരുടെ ദൈവം. ടി വി പരിപാടികളില്‍ കണ്ടുവരുന്ന ഈശ്വര ഭക്തിയ്ക്കപ്പുറത്ത് ഒരു ദൈവവിശ്വാസി ഇന്ന് നടക്കില്ല.
പടത്തില്‍ കാണുന്നത്ര എളുപ്പത്തില്‍ യഥാര്‍ഥ ജീവിതത്തില്‍ അഭീഷ്ടം സാധിക്കുമോ? സംശയമാണ്. നമ്മുടെ നാട്ടില്‍ അമ്പലങ്ങളിലും പള്ളികളിലും പോകുന്നവരുടെ എണ്ണം കൂടിവരികയാണ്. എങ്ങനെയെങ്കിലും ഉദ്ദേശം നിറവേറണം എന്ന മോഹമുള്ളവര്‍ അവസാന കയ്യായി ദൈവത്തെ പിടികൂടിയിരിക്കുകയാണെന്ന് തോന്നുന്നു.
കരഞ്ഞു പ്രാര്‍ഥിച്ചാല്‍ കാര്യം എളുപ്പത്തില്‍ നടക്കുമെങ്കില്‍ പിന്നെയെന്തിനാണ് മനുഷ്യന്‍ പ്രവര്‍ത്തിക്കണമെന്നും പ്രയത്‌നിക്കണമെന്നും മതഗ്രന്ഥങ്ങളില്‍തന്നെ എഴുതിവെച്ചിരിക്കുന്നത്? മനുഷ്യന്റെ വികാരപ്രകടനത്തിന് വഴങ്ങുകയാണോ ഈശ്വരന്റെ സ്വഭാവം? കള്ളന്മാരും പ്രാര്‍ഥിക്കുന്നു. അവര്‍ക്കും ദൈവം കൂട്ടുനില്‍ക്കുമോ?
ഗുരുവായൂരപ്പന്‍, ശബരിമല അയ്യപ്പന്‍, വേളാങ്കണ്ണി മാതാവ് എന്നിവരുടെ സവിധത്തിലാണ് ഭക്തജനങ്ങളുടെ വലിയ തിരക്ക്. ഗുരുവായൂരില്‍ തുലാഭാരം കഴിക്കുന്ന ഒരേര്‍പ്പാടുണ്ട്. ദൈവത്തെ എളുപ്പത്തില്‍ പാട്ടിലാക്കാന്‍ പൊന്നും പണവും പഴവും വെണ്ണയും എന്തും തുലാഭാരത്തിന് ഉപയോഗിക്കാം. ക്ഷേത്രം തന്ത്രി എന്തും സ്വീകരിക്കും. സ്വര്‍ണവും ധനവും മറ്റും ഉപയോഗിക്കുന്നത്, വിലകൂടിയ വസ്തുവാണെങ്കില്‍ ദൈവം കൂടുതല്‍ വേഗത്തില്‍ പ്രസാദിക്കും എന്ന് തെളിയിക്കുന്നു. സാധാരണ മനുഷ്യരെപോലെ വിലപിടിച്ചത് ലഭിക്കുമ്പോള്‍ എളുപ്പത്തില്‍ സന്തുഷ്ടനാകുന്നു ദൈവം എന്നാണ് ഈ നാടകത്തിന്റെ അര്‍ഥം. നമ്മുടെ നാട്ടില്‍ അഴിമതി നടത്തുന്ന ഉദ്യോഗസ്ഥന്മാരും രാഷ്ട്രീയ നേതാക്കളും എല്ലാം ഈ ദൈവത്തെപ്പോലെ പൊന്നിനെ കൂടുതല്‍ ഇഷ്ടപ്പെടുന്നു. ഈ അഴിമതിക്കാരും ദൈവവും തമ്മില്‍ എന്താണ് വ്യത്യാസം?
മനുഷ്യന്‍ ലാഭനഷ്ടങ്ങളില്‍ വികാരം കൊള്ളുന്നവനാണെങ്കില്‍ ദൈവം അവയില്‍ അവികാരിയാണെന്ന് മതാചാര്യന്മാര്‍ ഘോഷിക്കുന്നു. പക്ഷേ ദേവാലയങ്ങള്‍ തരുന്ന ചിത്രം കൂടുതല്‍ വിലയുള്ളതിന്റെ മുമ്പില്‍ ദൈവം കൂടുതല്‍ വേഗത്തില്‍ വീഴുന്നതിന്റേതാണ്.
തിരഞ്ഞെടുപ്പിന് ഗുരുവായൂരപ്പനെ കണ്ട് വന്ദിച്ച് വിജയം പ്രാര്‍ഥിക്കുന്ന നേതാക്കള്‍ ഉണ്ട്. ഇവര്‍ എത്രയോ തവണ തോറ്റിട്ടുണ്ട്. അതിരിക്കട്ടെ, എതിര്‍സ്ഥാനാര്‍ഥിയും അതേ ക്ഷേത്രത്തില്‍ അതേ പൂജ നടത്തി അതേ മട്ടില്‍ പ്രാര്‍ഥിച്ചാല്‍ ദൈവം ആരെ ജയിപ്പിക്കും? ആരായാലും ഒരാള്‍, ദൈവം കനിഞ്ഞാലും ഇല്ലെങ്കിലും ജയിക്കണമല്ലോ? ദൈവത്തിന്റെ ഇടപെടല്‍ അനാവശ്യമാണ് ഒരാള്‍ ജയിച്ചു കയറാന്‍. രണ്ടുപേരെയും ജയിപ്പിക്കാനും തോല്‍പിക്കാനും ദൈവത്തിന് സാധ്യമല്ല.
ലൗകികമായ അത്യാഗ്രഹങ്ങള്‍ നേടാന്‍ ഉദ്യോഗസ്ഥരെയും രാഷ്ട്രീയപ്രവര്‍ത്തകരെയും കോഴകൊടുത്ത് സ്വാധീനിക്കുന്ന അതേ അടവാണ് ഭക്തന്മാര്‍ ദൈവത്തിന്റെ നേരെയും കാട്ടുന്നത്. കോഴപ്പണത്തിന് വഴങ്ങി അവിഹിതമായ ആനുകൂല്യം നേടിക്കൊടുക്കുന്ന ജനപ്രതിനിധി അഴിമതി ചെയ്യുന്നു. പിടിക്കപ്പെട്ടാല്‍ ജയില്‍ശിക്ഷ അനുഭവിക്കണം.
ഇത്ര അധമമായ കുറ്റം ചെയ്യുന്ന ശക്തിയാണ് ദൈവം എന്ന് ഭക്തന്മാര്‍ വരുത്തിത്തീര്‍ക്കുന്നത് ദൈവത്തിന്റെ കഷ്ടകാലമാണെന്ന് നിങ്ങള്‍ക്ക് തോന്നുന്നില്ലേ? സാധാരണമട്ടിലുള്ള അഴിമതി തെറ്റും കുറ്റവും അധര്‍മകര്‍മവുമാണ്. പക്ഷേ ദൈവത്തിന്റെ പേരില്‍ അഴിമതി നടത്തുന്നതില്‍ തെറ്റും കുറ്റവും കൊള്ളരുതായ്മയും നാം ആരോപിക്കുന്നില്ല. വമ്പന്‍ തുലാഭാരവും പൂജയും ഹോമവും മറ്റും നടത്തി ദേവാനുകൂല്യം നേടാന്‍ ശ്രമിക്കുന്നവര്‍ രാഷ്ട്രീയ നേതാക്കളോ സിനിമാതാരങ്ങളോ അതുപോലെ പ്രശസ്തരോ ആണെങ്കില്‍ പത്രങ്ങള്‍ ആ വാര്‍ത്തകള്‍ക്ക് വമ്പന്‍ പ്രാധാന്യം കൊടുത്തുകാണുന്നു. രണ്ടിടത്തും അഴിമതി അഴിമതിയാണ്. പക്ഷെ മനുഷ്യന്റെ അഴിമതി ചീത്തയും ദൈവത്തിന്റെ സമാനമായ അഴിമതി നല്ലതും ആകുന്നു.
ഇതിനിടെ കേരളത്തിലെ പ്രസിദ്ധനായ ഒരു വ്യക്തി ഒരു യോഗത്തില്‍ പോയി അമ്മമാരെ സംരക്ഷിക്കേണ്ട ചുമതലയെക്കുറിച്ച് അതിമഹനീയങ്ങളായ കുറെ ആശയങ്ങള്‍, കിളി പറയുംപോലെ പറഞ്ഞു തീര്‍ന്ന ഉടനെ പോയത് ഗുരുവായൂരമ്പലത്തിലേയ്ക്കാണ്. അവിടെ വെണ്ണയും കദളിപ്പഴവും ഉപയോഗിച്ച് രണ്ടുതുലാഭാരങ്ങള്‍ വഴിക്കുവഴി നടത്തി. ഒന്നുപോരെന്ന് തോന്നിയതുകൊണ്ടാവാം രണ്ടെണ്ണം നടത്തിയത്. രണ്ടു മതിയെന്ന് അദ്ദേഹത്തിന് വിശ്വാസമുള്ളതുകൊണ്ടാവാം മൂന്നെണ്ണം നടത്താതിരുന്നത്. ക്ഷേത്രത്തിന് വലിയ നഷ്ടമായി മൂന്നെണ്ണം നടത്താതിരുന്നത്. രണ്ടിനും കൂടെതന്നെ പത്തുപതിനെണ്ണായിരം രൂപയായി. കൃഷ്ണന്‍ തീര്‍ച്ചയായും ഇത്ര വലിയ ദ്രവ്യത്തിന്റെ മുമ്പില്‍ അടിപതറി ഭക്തന് എന്തുവേണമെങ്കിലും ചെയ്തുകൊടുക്കുന്ന പാകത്തിലായിക്കാണണം.
ദൈവത്തെ നാം ദ്രവ്യമോഹിയും വിലപിടിച്ച സാധനങ്ങളില്‍ അത്യാര്‍ത്തി പൂണ്ടവനും തന്നെ സമ്പത്തുകൊണ്ട് സ്വാധീനിക്കുന്നവര്‍ക്ക് എന്ത് അവിഹിതവും ചെയ്തുകൊടുക്കുന്നവനും (ചെയ്താലും ഇല്ലെങ്കിലും ആ ചീത്തപ്പേര്‍ ഉണ്ടായിക്കഴിഞ്ഞിരിക്കുന്നു) എല്ലാം ആക്കി ശരിപ്പെടുത്തിക്കൊണ്ടിരിക്കുകയാണ്. ഗ്രീക്ക് ചിന്തകര്‍ പണ്ടു പറഞ്ഞതുപോലെ, ദൈവത്തെ നാം നമ്മുടെ രൂപത്തില്‍ ഉണ്ടാക്കുന്നു. ഇന്ന് നാം അഴിമതിയില്‍ വളരെ മുന്‍പന്തിയില്‍ എത്തിയ നാടാണ്. നമ്മുടെ ദൈവത്തെയും അഴിമതിക്കയത്തില്‍ മുക്കിയിരിക്കുന്നു.
ദൈവം അനിര്‍വചനീയനും മനുഷ്യന്റെ ഗുണദോഷങ്ങള്‍ക്കപ്പുറത്തുള്ള സത്യവും സമസ്തകാരുണ്യത്തിന്റെ ഇരിപ്പിടവും ആണെന്ന് യഥാര്‍ഥ മതങ്ങള്‍ നമ്മെ പഠിപ്പിക്കുമ്പോള്‍, നാം ദൈവത്തെ നമുക്ക് മേന്‍മ വരുത്തുവാന്‍ സഹായിക്കുന്ന ഏജന്റാക്കി നിര്‍ത്തിയിരിക്കുകയാണ്. മനുഷ്യരെ വീഴ്ത്താന്‍ പറ്റിയ എല്ലാ പ്രലോഭനങ്ങളും ദൈവത്തിന്റെ നേരെയും നാം പ്രയോഗിക്കുന്നു.
ഇതിനപ്പുറത്ത് എന്തു കഷ്ടകാലമാണ് ദൈവത്തിന് വന്നുകൂടേണ്ടത്?
ഇങ്ങനെ ദൈവത്തെ ചെയ്യുന്നവര്‍ ഇന്നത്തെ മതനേതാക്കളുടെ ദൃഷ്ടിയില്‍ ഈശ്വരവിശ്വാസികളും പാവപ്പെട്ടവരെ സ്‌നേഹിക്കണം എന്നു പറയുന്നവര്‍ ദേവാലയോപജീവികളല്ലെങ്കില്‍ അവിശ്വാസികളാണെന്നും കുറ്റപ്പെടുത്തി, ദൈവനിന്ദകര്‍ക്ക് സ്വാഗതം പറയുന്നു.
ടിന്റുമോന്റെ ഒരു നേരമ്പോക്ക് ഇവിടെ ഓര്‍ക്കാവുന്നതാണ്. ഒരു സൈക്കിള്‍ വേണമെന്ന് ടിന്റു യേശുദേവനോട് പലതവണ പ്രാര്‍ഥിച്ചു പറഞ്ഞു. സൈക്കിള്‍ ലഭിച്ചില്ല. നിരാശനായ ചെറുക്കന്‍ ഒടുവില്‍ മേരിമാതാവിന്റെ രൂപം കൈക്കലാക്കിയിട്ട് യേശുദേവനോട് പറഞ്ഞു; 'യേശൂ, സൈക്കിള്‍ വാങ്ങി തന്നേയ്ക്കൂ, താങ്കളുടെ അമ്മ എന്റെ പിടിയിലാണ് ഇപ്പോള്‍'.
നമ്മുടെ കാര്യം നോക്കുന്ന ജോലിക്കാരനാണ് ദൈവമെങ്കില്‍, കാര്യം നടക്കാതെ വന്നാല്‍ ഇതുപോലെ പല പ്രതികരണങ്ങളും ദൈവം നേരിടേണ്ടി വരും.
ദൈവത്തോട് സഹതപിക്കുക

janayugam

പ്രണയിക്കാന്‍ ഒരു ദിനം

2010-03-19T03:10:00.001-07:00

പ്രണയിക്കാന്‍ ഒരു ദിനം ആവശ്യമുണ്ടോ? പ്രണയിക്കുന്നവര്‍ എന്നും, അല്ല ഓരോ നിമിഷവും പ്രണയിച്ചുകൊണ്ടിരിക്കുകയല്ലേ? എന്നൊക്കെ പറയാമെങ്കിലും പ്രണയത്തിനുമാകാം ഒരു ദിനം, തിരക്കുകള്‍ക്കിടയില്‍ വെറുതെ പ്രണയത്തെക്കുറിച്ച് ഓര്‍ക്കാന്‍ മാത്രമായി ഒരു ദിനം.

ക്ലോഡിയസ് ചക്രവര്‍ത്തിയുടെ പള്ളിവാള്‍ പോലും നിഷ്പ്രഭമായിപ്പോയത്രയും പ്രണയം ഉള്ളിലൊതുക്കിയ വാലന്റൈന്‍ പാതിരി സമ്മാനിച്ചതാണ് പ്രണയദിനം. പ്രണയിച്ച് മതി വരാത്തവര്‍ക്കായി, പ്രണയം യാഥാര്‍ത്ഥ്യമാക്കാന്‍ കഴിയാത്തവര്‍ക്കായി എങ്ങനെ മനസ്സില്‍ പ്രണയത്തിന്റെ ഒരു പൊടിയെങ്കിലും സൂക്ഷിയ്ക്കുന്നവര്‍ക്കായിമാത്രമുള്ളതാണ് പ്രണയദിനം.

സ്‌നേഹവിശുദ്ധനായ പാതിരി വാലന്റൈന്‍ പ്രണയിക്കുന്നവരുടെ സാഫല്യത്തിനായി സ്വന്തം ജീവന്‍ ബലികൊടുത്ത ദിവസമാണ് നമ്മള്‍ വാലന്റൈന്‍സ് ദിനമായി ആഘോഷിക്കുന്നത്. പ്രണയത്തിനെതിരെ തിരിഞ്ഞ ചക്രവര്‍ത്തി ക്ലോഡിയസിന്റെ സര്‍വ്വാധിപത്യത്തിലായിരുന്നു റോം അന്ന്.

യുദ്ധവിജയം മാത്രം ലക്ഷ്യം വച്ച ക്ലോഡിയസിന്റെ ഹൃദയം കഠിനമായിരുന്നു. ആണും പെണ്ണും കാണുകയും പ്രണയിക്കുകയും ചെയ്താല്‍ യുദ്ധവീര്യം കെട്ടുപോകുമെന്ന് വിശ്വസിച്ച പാമരന്‍. അങ്ങനെ അദ്ദേഹം റോമില്‍ വിവാഹങ്ങള്‍ക്ക് കര്‍ശനമായ വിലക്കേര്‍പ്പെടുത്തി. വിവാഹം ചെയ്യുന്നവരുടെ കഴുത്തറക്കാന്‍ ഉത്തരവിട്ടു.

യുവാക്കളെല്ലാം പട്ടാളത്തില്‍ ചേരണമെന്നും ഉത്തരവിട്ടു. ഇങ്ങനെ ഉള്ളസ്‌നേഹവും പ്രണയവുമെല്ലാം ഉള്ളില്‍ അടക്കിവച്ച് റോമിലെ യുവത്വം വീര്‍പ്പുമുട്ടി. അവര്‍ക്ക് സാന്ത്വനമായി വന്നയാളാണ് വാലന്റൈന്‍. എല്ലാ വിലക്കുകളെയും മറന്ന് പ്രണയിക്കുന്നവര്‍ക്ക് താലികെട്ടാന്‍ അദ്ദേഹം പള്ളിമേടയില്‍ ഇടമൊരുക്കി.

തീര്‍ത്തും രഹസ്യമായി ഇതു നടന്നുപോന്നു. ഇങ്ങനെ ഒരു ദിവസം ഫാദര്‍ വാലന്റൈന്‍ വിവാഹിതരെ ആശീര്‍വദിക്കുന്നത് ക്ലോഡിയസിന്റെ സൈന്യം കണ്ടുപിടിച്ചു. ഫാദറിനെ സൈന്യം തടവിലാക്കി. കഴുത്തറുത്ത് കൊല്ലാനായിരുന്നു ക്ലോഡിയസ് ഉത്തരവിട്ടത്.

തടവിലാക്കപ്പെട്ട അന്നുമുതല്‍ തങ്ങളുടെ പ്രിയ വാലന്റൈന് വേണ്ടി റോം നഗരത്തിലെ യാവാക്കളെല്ലാം സ്‌നേഹവാക്കുകളുമായി ജയില്‍ അദ്ദേഹത്തെ കാണാനെത്തുക പതിവായി. ജയിലിലെ സൂപ്രണ്ടിന്റെ മകളും ഒരു ദിനം വാലന്റൈനെ കാണാനെത്തി.

പുരോഹിതനുമായി അവള്‍ സംസാരിക്കുകയും പിന്നീട് അദ്ദേഹത്തിനു വേണ്ടി അവള്‍ രഹസ്യമായി വിവാഹങ്ങള്‍ നടത്തിക്കൊടുക്കുകയും ചെയ്തു. ഒടുവില്‍ വധിശിക്ഷയുടെ ദിവസം, അതൊരു ഫെബ്രുവരി 14 ആയിരുന്നു, ആ പെണ്‍കുട്ടിയ്ക്കുവേണ്ടി വാലന്റൈന്‍ ഇങ്ങനെ എഴുതിവച്ചു “ലവ് ഫ്രം യുവര്‍ വാലന്റൈന്”‍. ഇതാണ് പിന്നീട് ലോകം ഏറ്റുപാടിയത്.

സൗമ്യയുടെ 'കുഞ്ഞി'ക്കവിത നാലാംക്ലാസിലെ പാഠം

2010-02-27T07:28:00.000-08:00

ഏഴാംക്ലാസില്‍ പഠിക്കുമ്പോള്‍ സ്‌കൂള്‍ മാസികയില്‍ താനെഴുതിയ കുഞ്ഞിക്കവിത കേരളമെമ്പാടുമുള്ള നാലാംക്ലാസിലെ കുട്ടികള്‍ പഠിക്കുക, ഒരുപക്ഷേ... കുഞ്ഞു കവയിത്രിക്ക് കിട്ടാവുന്ന ഏറ്റവും വലിയ പുരസ്‌കാരമായിരിക്കുമത്. കോഴിക്കോട് മീഞ്ചന്ത ഗവ. ആര്‍ട്‌സ് ആന്‍ഡ് സയന്‍സ് കോളേജിലെ രണ്ടാംവര്‍ഷ മലയാളം ബിരുദ വിദ്യാര്‍ഥിനി എം.പി.സൗമ്യയാണീ കവയിത്രി.
ഏഴാംക്ലാസില്‍ പഠിക്കുമ്പോഴാണ് സൗമ്യയുടെ മുത്തച്ഛന്‍ മരിക്കുന്നത്. ആ മരണം പൂമുഖത്തെ ചാരുകസേരയിലുണ്ടാക്കിയ ശൂന്യതയെക്കുറിച്ച് സൗമ്യ ഒരു കുഞ്ഞിക്കവിതയെഴുതി 'ശൂന്യത'. മണ്ണഴി എ.യു.പി സ്‌കൂളില്‍നിന്ന് മുടങ്ങാതെ പുറത്തിറങ്ങുന്ന 'മുകുളം' എന്ന മാസികയില്‍ ആ കവിതയ്ക്ക് മഷി പുരണ്ടു. വര്‍ഷം ഏഴു കഴിഞ്ഞു. 'മുകുള'ത്തിന് ഏഴു വാര്‍ഷികപ്പതിപ്പുകള്‍കൂടി പിറന്നു.

കവിത താഴെ കൊടുക്കുന്നു:

മുറ്റത്ത് പൂക്കളമില്ല
ചുറ്റും പാറിക്കളിക്കാൻ
പൂമ്പാറ്റകളും കുസ്ര്തി
കുരുന്നുകളുമില്ല
അതിഥികൾ വന്നില്ല
ഹർഷാരവങ്ങളും പൂവി
ളികളും മുഴങ്ങിയില്ല
നിലത്ത് നിരത്തിയിട്ട ഇല
ഊണിന്‌ ശർക്കരയുപ്പേരിയും
പായസവുമടക്കം വിഭവങ്ങൾ കുറവ്
ശൂന്യമായ അന്തരീക്ഷം
എല്ലാം സഹിക്കാം,പക്ഷെ......
ഒ‍ാണക്കോടിയുമുടുത്ത്

കൊച്ചുമക്കളേയും അടുത്തിരുത്തി
പൂമുഖത്ത് മാവേലിയെ വരവേല്ക്കാനിരിക്കും
മുത്തശ്ശന്റെ ചാരുകസേരയിലെ ശൂന്യത
എങ്ങനെ സഹിക്കും?

പത്മനാഭന്‍ പിണറായിയെ പിന്തുണയ്ക്കുന്നത് അടികൊള്ളാതിരിക്കാന്‍ -പുനത്തില്‍ കുഞ്ഞബ്ദുള്ള

2010-02-25T01:23:00.000-08:00

കടുത്ത ഹിന്ദുത്വ വാദിയും ആന്റി കമ്യൂണിസ്റ്റുമായ ടി.പത്മനാഭന്‍ പിണറായി വിജയനെ പിന്തുണച്ച് സംസാരിക്കുന്നത് കണ്ണൂരില്‍നിന്ന് അടി കിട്ടാതെ രക്ഷപ്പെടുന്നതിന് വേണ്ടിയാണെന്ന് പുനത്തില്‍ കുഞ്ഞബ്ദുള്ള അഭിപ്രായപ്പെട്ടു.
കണ്ണമംഗലം കഴകം പെരുങ്കളിയാട്ടത്തിന്റെ ഭാഗമായുള്ള കല-സാംസ്‌കാരിക പരിപാടികളുടെ ഉദ്ഘാടന സമ്മേളനത്തില്‍ അധ്യക്ഷപ്രസംഗം നടത്തുകയായിരുന്നു കുഞ്ഞബ്ദുള്ള. പണവും പദവിയുമുള്ളവരോട് സുകുമാര്‍ അഴീക്കോടിന് ഈര്‍ഷ്യയാണെന്ന് പറഞ്ഞ ടി.പത്മനാഭന് മറുപടി പറയുകയായിരുന്നു കുഞ്ഞബ്ദുള്ള.
സുകുമാര്‍ അഴീക്കോട് സിനിമ കാണേണ്ടത് നടന്മാരെ ബോധ്യപ്പെടുത്തിയല്ല. അദ്ദേഹത്തിന്റെ അറിവ് ആരെയും അമ്പരിപ്പിക്കുന്നതാണ്. അടിസ്ഥാനപരമായി അഭിപ്രായം പറയാനുള്ള ആര്‍ജവത്തെ കോലം കത്തിച്ചല്ല പ്രതികരിക്കേണ്ടത്. ലോകോത്തര ക്ലാസിക് സിനിമകള്‍ കണ്ട് നിര്‍വൃതിയടയുമ്പോള്‍ ലഗോണ്‍ കോഴിയെപ്പോലുള്ള മമ്മൂട്ടിയും മോഹന്‍ലാലും അഭിനയിക്കുന്ന ഇന്നത്തെ മലയാളസിനിമ എന്ന പേക്കൂത്ത് കാണേണ്ട കാര്യമില്ല. മലയാളസിനിമിയുടെ മൂല്യം ഇന്ന് ചെലവഴിക്കുന്ന കോടികളുടെ കണക്കുവച്ചാണ്.
തിലകന്‍ ഒരു മഹാനടനാണ്. ലോകസിനിമയില്‍ തന്നെ താന്‍ ആരാധിക്കുന്ന മൂന്നാമനാണ് തിലകന്‍ -കുഞ്ഞബ്ദുള്ള പറഞ്ഞു.

മോഹന്‍ലാലിന് യൗവനം അസ്തമിക്കുന്നതിലുള്ള വെപ്രാളം-അഴീക്കോട്

2010-02-25T01:12:00.000-08:00

അസ്തമിച്ചുകൊണ്ടിരിക്കുന്ന യൗവനത്തെ പിടിച്ചുനിര്‍ത്താനുള്ള വെപ്രാളം കൊണ്ടാണ് നടന്‍ മോഹന്‍ലാല്‍ നിസാര വസ്തുതകള്‍ ആവര്‍ത്തിച്ചു പറയുന്നതെന്ന് ഡോ.സുകുമാര്‍ അഴീക്കോട്. അഴീക്കോടിന് 'മതിഭ്രമ'മാണെന്ന മോഹന്‍ലാലിന്റെ പ്രസ്താവനയെക്കുറിച്ച് പയ്യന്നൂരില്‍ മാധ്യമപ്രവര്‍ത്തകരോട് പ്രതികരിക്കുകയായിരുന്നു അദ്ദേഹം. തനിക്ക് മതിഭ്രമമാണെന്ന് പറയുന്ന മോഹന്‍ലാലിന് രാജ്യത്തിന്റെ സംസ്‌കാരം അറിയില്ല. സിനിമാലോകത്തെ രാജകുമാരനാണെന്ന ധാരണയാണ് മോഹന്‍ലാലിനെ നയിക്കുന്നത്. വിഗ്ഗുവെച്ച തലമുടി അഴിച്ചാല്‍ മോഹന്‍ലാലിന്റെ സൗന്ദര്യം മാലോകര്‍ക്ക് മനസ്സിലാകും.

പുസ്തകമെഴുതിയാല്‍ പോര മനസില്‍ നന്മയുണ്ടാകണമെന്ന് പറയുന്ന ലാലിനോട് എനിക്കും ഇക്കാര്യം തന്നെയാണ് പറയാനുള്ളത്. കഥാപാത്രത്തില്‍ മാത്രം നന്മയുണ്ടായാല്‍ പോര. ഹൃദയത്തിലും അതിന്റെ ഒരംശമെങ്കിലും വേണം. പഴശ്ശി രാജാവായി അഭിനയിച്ച മമ്മൂട്ടി വീട്ടിലെത്തിയാല്‍ പഴം രാജാവായിമാറും. മോഹന്‍ലാലിന്റെ സിനിമകള്‍ ലാല്‍ അഭിനയം നിര്‍ത്തുന്നതോടെ അസ്തമിക്കും. എന്റെ 40 പുസ്തകങ്ങള്‍ എന്റെ പ്രാണന്റെ പ്രതിഫലനമാണ്. ഞാനില്ലാതെ

ഒരു വ്യക്തിക്ക് ആസ്വാദകസമൂഹം ഉണ്ടാകുന്നത് അയാള്‍ക്ക് കലയില്‍ വ്യക്തിപരമായ രാഷ്ട്രീയം ഉണ്ടാകുന്നതിന് വേണ്ടിയാണ്. ഫാന്‍സ് അസോസിയേഷനുകള്‍ ഒരുതരം മാഫിയ സംഘങ്ങളാണെന്നും മോഹന്‍ലാല്‍ ഫാന്‍സ് അസോസിയേഷനെക്കുറിച്ച് ചോദിച്ചപ്പോള്‍ അഴീക്കോട് പറഞ്ഞു. ഒരുസംഘടനയുണ്ടാക്കിയാല്‍ അതിലെ അംഗങ്ങള്‍ക്കെല്ലാം തുല്യ സംരക്ഷണം ഉണ്ടാകണം. അത് ഒന്നുരണ്ട് പേരുടെ സിംഹാസനം നിലനിര്‍ത്താനുള്ള സൂത്രം ആകരു എത്രയോ കാലം അത് നിലനില്‍ക്കും.

നന്ദി

2010-01-28T08:14:00.000-08:00

ഇടതുപക്ഷ വ്യതിയാനത്തെ കുറിച്ചുള്ള ശക്തമായ സൂചന സച്ചിദാനന്ദന്റെ ഈ കവിതയിൽ കാണാം.

"അവർ വന്നു

ചുവന്ന കെ‍ാടിയും ഉറച്ച കാൽ വെപ്പുകളുമായി,

ഞങ്ങളുടെ സ്വന്തം സഖാക്കളായി,

അവർ ഞങ്ങൾക്ക്‌ തന്നു;

ഭൂമി, ജലം, ആകാശം, അഭിമാനം.

അവർ വീണ്ടും വന്നു

കറുത്ത തോക്കും ഉറയ്ക്കാത്ത ചുവടുകളുമായി,

ഞങ്ങളുടെ സ്വന്തം ശത്രുക്കളായി,

അവർ ഞങ്ങളിൽ നിന്നു തട്ടിപ്പറിച്ചു,

ഭൂമി, ജലം, ആകാശം, അഭിമാനം.

കെ‍ാടികൾക്ക്‌ ഇങ്ങനെയും ചുവക്കാം

അരിവാളും സ്വസ്തികയായി മാറാം

ചുറ്റികയിൽ അഞ്ചാണികളുടെ പാടുണ്ടാകാം

നക്ഷത്രം മറ്റു കെ‍ാടികളിൽ നിന്നും വരാം

ലെനിൻ, ലെനിൻ എന്നത്‌ സലീം, സലീം എന്നു മാറാം

(മാത്രുഭൂമി ആഴ്ചപ്പതിപ്പിനോട്‌ കടപ്പാട്‌)

എന്താണ്‌ ഒരു ഭീകരവാദ ആക്രമണം?

2009-12-19T07:39:00.001-08:00

എന്താണ്‌ ഒരു ഭീകരവാദ ആക്രമണം? തെളിയിക്കപ്പെട്ട ഒരു ഭീകരവാദി ഒരു ആക്രമണം നടത്തിയാല്‍ അത്‌ ഭീകരവാദാക്രമണമെന്നു വിശേഷിപ്പിക്കാമോ? പാണന്‍ പാടുന്ന പാട്ടിനെ പാണപ്പാട്ടെന്നും പുള്ളുവന്‍ പാടിയാല്‍ പുള്ളുവപ്പാട്ടെന്നും പറയപ്പെടുന്നതുപോലെ ഒരു യുക്‌തി അതിനുണ്ട്‌. അതല്ലെങ്കില്‍ ഏതെങ്കിലും ഒരു പ്രവൃത്തി തന്നെ അതിന്റെ സ്വഭാവംകൊണ്ട്‌ ഭീകരവാദപ്രവൃത്തിയായി മാറിത്തീരാറുണ്ടോ? ഇത്തരം സംശയങ്ങള്‍ ഉയര്‍ന്നുവരുന്നതിന്‌ ഒരു കാരണമുണ്ട്‌. ഇപ്പോള്‍ മലയാള പത്രങ്ങളെല്ലാം മത്സരിച്ചുകൊണ്ടാടുന്നത്‌ തടിയന്റവിട നസീര്‍ എന്ന ഭീകരനെക്കുറിച്ചുള്ള വാര്‍ത്തകളാണ്‌. വാര്‍ത്തകളിലൂടെയുള്ള വിശദാംശങ്ങളല്ലാതെ ഈ കൊടിയ ഭീകരന്റെ മുഖം എങ്ങനെയിരിക്കുമെന്നു മാലോകര്‍ക്കറിയില്ല. അതിനാല്‍ മാധ്യമലോകത്ത്‌ ഈ ഭീകരന്‍ മുഖമില്ലാത്ത ഒരു ശരീരം മാത്രമാണ്‌. മുഖത്തിന്റെ സ്‌ഥാനത്ത്‌ മുഖംമൂടിയായിരിക്കുന്നതിനാല്‍ ആ മുഖം നമുക്കെങ്ങനെയും സങ്കല്‍പ്പിക്കാം. കേരളത്തില്‍ അറസ്‌റ്റിലാക്കപ്പെട്ട 'ഭീകരവാദി'കളെ മുഖം മറച്ചല്ല പോലീസുകാര്‍ അവതരിപ്പിച്ചുകൊണ്ടിരുന്നത്‌. എന്നാല്‍ ദില്ലിയിലും ഗുജറാത്തിലും മഹാരാഷ്‌ട്രയിലുമെല്ലാം ഭീകരവാദികള്‍ക്ക്‌ ഒരു യൂണിഫോം പോലെ മുഖംമൂടി നല്‍കിയിട്ടുണ്ട്‌. അതിനാല്‍ കേരളത്തിലെത്തുമ്പോഴെങ്കിലും ഇവരെയെല്ലാം കാണാനെങ്ങനെയിരിക്കും എന്ന പ്രതീക്ഷ നമുക്കുണ്ടായിരുന്നു. എന്നാല്‍ നസീറിന്റെ കാര്യത്തില്‍ അതുണ്ടായില്ല. എന്താണ്‌ ഭീകരവാദ പ്രവര്‍ത്തനം എന്നായിരുന്നല്ലോ ചര്‍ച്ചാപ്രമേയം. ഭരണഘടനാനുസൃതമായി രൂപംകൊണ്ടിട്ടുള്ള ഒരു സര്‍ക്കാരിനെ അതിന്റെ നിയമങ്ങള്‍ക്ക്‌ വിരുദ്ധമായി അട്ടിമറിക്കാന്‍ നടത്തുന്ന ശ്രമത്തെയാണ്‌ ഭീകരവാദം എന്നു പറയുന്നത്‌. ലക്കും ലഗാനുമില്ലാത്ത കൊലപാതകമടക്കമുള്ള ഭീകരത അതിലന്തര്‍ലീനമായിരിക്കും. എന്നാല്‍ നസീറിന്റെ കാര്യത്തില്‍ ബംഗളുരു സ്‌ഫോടനപരമ്പരയോടെ വാര്‍ത്തകളുടെ കൂട്ടത്തില്‍ കളമശേരി ബസ്‌ കത്തിക്കല്‍ എന്ന പ്രവൃത്തിയും തീവ്രവാദമായി ചിത്രീകരിച്ചിട്ടുണ്ട്‌. ഇന്ത്യയില്‍ സംഭവിച്ച വലിയ തീവ്രവാദ പ്രവര്‍ത്തനങ്ങളിലൊന്ന്‌ 26/11 ല്‍ നടന്ന മുംബൈ തീവ്രവാദാക്രമണമായിരുന്നു. അതില്‍ പിടിക്കപ്പെട്ട ഏക പ്രതി അജ്‌മല്‍ കസബ്‌ പറയുന്നത്‌ പരമാവധി ആളുകളെ കൊന്നുതള്ളാനുള്ള നിര്‍ദേശമായിരുന്നു തങ്ങള്‍ക്ക്‌ ലഭിച്ചിരുന്നതെന്നതാണ്‌. പ്രതിദിനം 20 ലക്ഷത്തിലധികം ആളുകള്‍ വരികയും പോകുകയും ചെയ്യുന്ന സി.എസ്‌.ടി. ടെര്‍മിനല്‍ സ്‌റ്റേഷനില്‍ത്തന്നെ 52 പേരെയാണ്‌ ആക്രമണകാരികള്‍ കൊന്നൊടുക്കിയത്‌. പൊടുന്നനെയുണ്ടായ ആക്രമണത്തില്‍ അന്ധാളിച്ചുപോയ ആര്‍.പി.എഫുകാര്‍ തിരിച്ചു വെടിവയ്‌പ് ആരംഭിച്ചതോടെ ഭീകരവാദികള്‍ അവിടംവിട്ട്‌ കാമാ ആശുപത്രിയിലേക്ക്‌ പോയി. ഈ ആക്രമണത്തില്‍ 166 പേരാണ്‌ കൊല്ലപ്പെട്ടത്‌. ദില്ലിയിലെ സ്‌ഫോടനപരമ്പരയിലും ധാരാളമാളുകള്‍ വധിക്കപ്പെടുകയുണ്ടായി. പരമാവധി ആളുകളെ കൊന്നുകൊണ്ടുതന്നെയാണ്‌ ഭീകരവാദികള്‍ ആക്രമണം സംഘടിപ്പിക്കുന്നത്‌. ബംഗളുരു സ്‌ഫോടന കേസ്‌, മുംബൈ ആക്രമണം തുടങ്ങിയവയ്‌ക്കു തുല്യമായി കളമശേരി ബസ്‌ കത്തിക്കല്‍ കേസ്‌ അവതരിപ്പിക്കുന്നത്‌ നമ്മുടെ പത്രങ്ങള്‍ ഒരു ശീലമാക്കിയിട്ടുണ്ട്‌. അതുവഴി ബംഗളുരുവിലോ മുംബൈയിലോ നടന്നതുപോലെയുള്ള വലിയൊരാക്രമണമാണ്‌ ബസ്‌ കത്തിക്കല്‍ എന്ന പ്രതീതി ജനിക്കുന്നുമുണ്ട്‌. എന്നാല്‍ യാഥാര്‍ഥ്യം എന്താണ്‌? എറണാകുളം സ്‌റ്റാന്‍ഡില്‍നിന്നും തിരിച്ച തമിഴ്‌നാട്‌ ബസാണ്‌ കളമശേരിയില്‍ തടഞ്ഞിട്ടത്‌. ആ ബസില്‍ സഞ്ചാരികളുടെ ഭാഗം അഭിനയിച്ചിരുന്നവരാണ്‌ ഭീഷണിപ്പെടുത്തി ബസ്‌ നിര്‍ത്തിച്ചത്‌. എന്നിട്ട്‌ ബസിലെ മുഴുവന്‍ ആളുകളേയും പുറത്തിറക്കിയശേഷമാണ്‌ തീ വച്ചത്‌. ഈ ആക്രമണത്തില്‍ ഒരാള്‍പോലും കൊല്ലപ്പെടരുതെന്ന്‌ ആക്രമണകാരികള്‍ക്ക്‌ നിര്‍ബന്ധമുണ്ടായിരുന്നു എന്നു വ്യക്‌തം. പരമാവധി ആളുകളെ കൊല്ലുക എന്നതാണു ഭീകരവാദാക്രമണത്തിന്റെ മുഖമുദ്രയെങ്കില്‍ ഇവിടെയാകട്ടെ ഒരാളെപ്പോലും കൊല്ലരുതെന്നാണ്‌ അക്രമികള്‍ തീരുമാനിച്ചത്‌. എന്നിട്ടും പത്രലോകം ഇതിനെ തീവ്രവാദാക്രമണമായി വിശേഷിപ്പിക്കുന്നു. ഇനി തീവ്രവാദികളാണോ ഇത്‌ ചെയ്‌തതെന്നും ആലോചിക്കാവുന്നതാണ്‌. അബ്‌ദുള്‍ നാസര്‍ മഅ്‌ദനിക്ക്‌ തമിഴ്‌നാട്‌ ജയിലില്‍ ഒരു വിചാരണത്തടവുകാരനു ലഭിക്കേണ്ട ജനാധിപത്യാവകാശങ്ങള്‍ ലഭിച്ചുവോ എന്നു നോക്കാം. അദ്ദേഹത്തിന്‌ അതു ലഭിച്ചില്ല എന്ന കാര്യത്തില്‍ തര്‍ക്കം വേണ്ട. ഒരു വിചാരണത്തടവുകാരന്‌ ലഭിക്കേണ്ട എല്ലാ സൗകര്യങ്ങളും അദ്ദേഹത്തിന്‌ നല്‍കണമെന്ന്‌ ഭരണ-പ്രതിപക്ഷ അംഗങ്ങള്‍ ഒന്നിച്ചുനിന്നുകൊണ്ടാണ്‌ കേരള നിയമസഭ പ്രമേയം പാസാക്കിയത്‌. അപ്പോള്‍ അദ്ദേഹത്തിന്‌ അതു ലഭിച്ചിരുന്നില്ലെന്നു സ്‌പഷ്‌ടം. കോയമ്പത്തൂര്‍ സ്‌ഫോടനവുമായി മഅ്‌ദനിയെ ബന്ധപ്പെടുത്താനുള്ള പ്രസക്‌തമായ ഏതെങ്കിലും തെളിവ്‌ പോലീസിനില്ലായിരുന്നുവെന്നും കോടതി കണ്ടെത്തിയിട്ടുണ്ട്‌. ചുരുക്കത്തില്‍ മഅ്‌ദനിയെ ഒന്‍പതുവര്‍ഷം തമിഴ്‌നാട്‌ ജയിലിലിട്ട്‌ പീഡിപ്പിച്ചതിനു മതിയായ കാരണമില്ലായിരുന്നു എന്നു സ്‌പഷ്‌ടം. ബാബറി പള്ളി പൊളിച്ചതിനുശേഷം അതേ സംബന്ധിച്ച്‌ തീപ്പൊരി പ്രസംഗം നടത്തി തീവ്രവാദ സാഹചര്യം മഅ്‌ദനിയുണ്ടാക്കുന്നു എന്ന ആക്ഷേപം അന്നുണ്ടായിരുന്നു. അക്കാലത്ത്‌ മഅ്‌ദനിയുമായി രഹസ്യമായ തെരഞ്ഞെടുപ്പു ധാരണകള്‍ യു.ഡി.എഫ്‌ ഉണ്ടാക്കിയിരുന്നതിനാല്‍ എല്‍.ഡി.എഫാണ്‌ ഈ ആക്ഷേപമുന്നയിച്ചിരുന്നത്‌. എന്നാല്‍ ഇന്ന്‌ ലിബറാന്‍ കമ്മിഷന്റെ റിപ്പോര്‍ട്ട്‌ പുറത്തുവന്നുകഴിഞ്ഞു. യു.പിയിലെ പോലീസുകാര്‍ കര്‍സേവകരെക്കാള്‍ കഷ്‌ടമായ നിലയിലാണ്‌ അന്നു പ്രവര്‍ത്തിച്ചിരുന്നതെന്ന്‌ ജസ്‌റ്റിസ്‌ ലിബറാന്‍ കണ്ടെത്തിയിട്ടുണ്ട്‌. മാത്രമല്ല രാഷ്‌ട്രീയ എതിരാളികള്‍പോലും ആക്ഷേപിക്കാത്ത വാജ്‌പേയി പോലും ഇക്കാര്യത്തില്‍ തെറ്റുകാരനാണെന്നാണ്‌ ലിബറാന്‍ കണ്ടെത്തുന്നത്‌. 17 വര്‍ഷങ്ങള്‍ക്കുശേഷം ജസ്‌റ്റിസ്‌ ലിബറാന്‍ പറഞ്ഞ കാര്യങ്ങള്‍ അന്നുതന്നെ പൊതുവേദികളില്‍ പ്രസംഗിച്ചു എന്ന തെറ്റുമാത്രമാണ്‌ മഅ്‌ദനി ചെയ്‌തത്‌. ബാബറി പള്ളിയുടെ മിനാരങ്ങള്‍ തകര്‍ക്കുമ്പോള്‍ യഥാര്‍ഥത്തില്‍ തകര്‍ന്നുവീണത്‌ ഇന്ത്യന്‍ മതേതരത്വംതന്നെയായിരുന്നു എന്ന്‌ ഇന്നു ഭൂരിപക്ഷം പേരും സമ്മതിക്കും. ആ തകര്‍ച്ചയില്‍ ഇന്ത്യന്‍ ഭരണക്രമത്തില്‍ വിശ്വാസമര്‍പ്പിച്ചിരുന്ന മുസ്ലിം മതന്യൂനപക്ഷാംഗങ്ങള്‍ ഭയവിഹ്വലരായി മാറിയെന്ന കാര്യത്തിനും ആര്‍ക്കും തര്‍ക്കമില്ല. ഭൂരിപക്ഷ സമുദായം എല്ലാ നിയമവും കാറ്റില്‍പ്പറത്തി ന്യൂനപക്ഷത്തെ ആക്രമിച്ചാല്‍ അതില്‍ അവര്‍ പകയ്‌ക്കുകയും അരക്ഷിതത്വം അനുഭവിക്കുകയും ചെയ്യുമെന്നു തീര്‍ച്ചയാണ്‌. അത്തരമൊരു സാഹചര്യത്തിലാണ്‌ ഇല്ലാത്തത്‌ എന്നു പില്‍ക്കാലത്തു തെളിഞ്ഞ ഒരു ഗൂഢാലോചനയുടെ പേരില്‍ ഇപ്പോള്‍ ലിബറാന്‍ കണ്ടെത്തിയ കാര്യങ്ങള്‍ അന്നു പൊതുവേദിയില്‍ വിളിച്ചുപറഞ്ഞ മഅ്‌ദനിയെ അറസ്‌റ്റുചെയ്‌തത്‌. അതുകൊണ്ടും അരിശം തീരാതെ മഅ്‌ദനിക്ക്‌ ചികിത്സാ സൗകര്യംപോലും നിഷേധിക്കുകയും ചെയ്‌തു. ഈ സാഹചര്യത്തിലാണ്‌ പി.ഡി.പി പ്രവര്‍ത്തകര്‍ കളമശേരിയില്‍വച്ച്‌ തമിഴ്‌നാട്‌ ബസ്‌ കത്തിച്ചത്‌. തമിഴ്‌നാട്‌ സര്‍ക്കാരിന്റെ ജനാധിപത്യവിരുദ്ധ സമീപനത്തോടുള്ള പ്രതിഷേധമായിരുന്നു ആ കത്തിക്കല്‍. കാവേരി നദീജല തര്‍ക്കം വന്നപ്പോള്‍ തമിഴ്‌നാട്ടിലും കര്‍ണാടകത്തിലും ഇത്തരം ധാരാളം സംഭവങ്ങള്‍ നടക്കുകയുണ്ടായിട്ടുണ്ട്‌. മുല്ലപ്പെരിയാര്‍ തര്‍ക്കത്തില്‍ തമിഴനാട്ടിലെ രാഷ്‌ട്രീയ പാര്‍ട്ടികള്‍ കേരളത്തിലേക്കു വരുന്ന വാഹനങ്ങള്‍ തടഞ്ഞിട്ടു പ്രതിഷേധിച്ചിട്ടുണ്ട്‌. ഈ സംഭവങ്ങളൊന്നും ഭീകരവാദ പ്രവൃത്തിയുടെ പട്ടികയില്‍ വരാത്തപ്പോള്‍ കളമശേരി ബസ്‌ കത്തിക്കല്‍മാത്രം എന്തുകൊണ്ട്‌ ആ പട്ടികയില്‍വരുന്നു? അതാണ്‌ നാം അന്വേഷിക്കേണ്ടത്‌. നസീര്‍ എന്ന ആളെ അറസ്‌റ്റുചെയ്‌തത്‌ ബംഗ്ലാദേശില്‍നിന്നാണ്‌. അവിടെ അദ്ദേഹം പോയത്‌ ഇന്ത്യയില്‍ ഭീകരവാദാക്രമണങ്ങള്‍ സംഘടിപ്പിക്കാനുള്ള തയാറെടുപ്പിന്റെ ഭാഗമായാണെന്നു പോലീസ്‌ പറയുന്നു. ഇപ്പോള്‍ പത്രങ്ങളില്‍വരുന്ന വാര്‍ത്തകള്‍ പോലെയാണെങ്കില്‍ ബംഗളുരിലെ സ്‌ഫോടന പരമ്പര ആസൂത്രണം ചെയ്‌തത്‌ നസീര്‍ ആയിരുന്നു. അതുകൊണ്ട്‌ ഭീകരവാദ ആക്രമണത്തിന്റെ സൂത്രധാരന്‍ എന്ന നിലയ്‌ക്കാണ്‌ പോലീസ്‌ നസീറിനെ കാണുന്നത്‌. കൂടാതെ ലഷ്‌കറെ തോയ്‌ബയുടെ ദക്ഷിണ മേഖലാ കമാന്‍ഡറാണത്രേ നസീര്‍. കളമശേരിയില്‍ ബസ്‌ കത്തിച്ചവരില്‍ നസീറും ഉള്‍പ്പെട്ടിട്ടുണ്ടെന്നതിനാലാണ്‌ ആ ആക്രമണത്തെ ഒരു ഭീകരവാദാക്രമണമായി ചിത്രീകരിക്കേണ്ടിവരുന്നതെന്ന്‌ വാദിക്കുന്നവരുണ്ട്‌. എന്നാല്‍ ബസ്‌ കത്തിക്കുന്ന സമയത്ത്‌ ഈ നസീര്‍ തന്നെ ഇന്നു നാമറിയുന്നതുപോലെ ഒരു ഭീകരവാദ സംഘത്തിലംഗമായിരുന്നോ എന്ന കാര്യമാണ്‌ പരിശോധിക്കേണ്ടത്‌. ഇപ്പോള്‍ പോലീസിനു ലഭിച്ചിട്ടുള്ള വിവരങ്ങളുടെ അടിസ്‌ഥാനത്തില്‍ ലഷ്‌കറിന്റെ നേതാവായ ഇമാം ആലീമായി അടുപ്പം സ്‌ഥാപിച്ചതിനു ശേഷമാണ്‌ നസീര്‍ ഭീകരവാദി ആയതെന്നു പറയുന്നു. അതിനുമുന്‍പ്‌ മഅ്‌ദനിയെ ജയിലിലടച്ചുകഴിഞ്ഞിരുന്നു. അതിനാല്‍ ഇപ്പോള്‍ ലഭിക്കാവുന്ന യുക്‌തിയുടെ അടിസ്‌ഥാനത്തിലാണെങ്കില്‍ ബസ്‌ കത്തിക്കല്‍ നടക്കുമ്പോള്‍ നസീര്‍ ഒരു ലഷ്‌കര്‍ ഭീകരപ്രവര്‍ത്തകനല്ല. അതുകൊണ്ടുതന്നെ ഈ ബസ്‌ കത്തിക്കല്‍ ഒരു ഭീകരപ്രവൃത്തിയായി വ്യാഖ്യാനിക്കുന്നതിനും അടിസ്‌ഥാനമില്ല. പി.ഡി.പി എന്ന പാര്‍ട്ടി ഭരണഘടനയ്‌ക്ക് അനുസൃതമായി തെരഞ്ഞെടുപ്പ്‌ പ്രക്രിയയില്‍ പങ്കെടുത്തുകൊണ്ട്‌ പ്രവര്‍ത്തിക്കുന്ന ഒരു പ്രസ്‌ഥാനമാണ്‌. അതുകൊണ്ട്‌ ആ പ്രസ്‌ഥാനത്തിന്റെ ആഭിമുഖ്യത്തില്‍ നടന്ന അതിരുവിട്ട ഒരു നടപടിയായിവേണം ബസ്‌ കത്തിക്കലിനെ കാണേണ്ടത്‌. അങ്ങനെവരുമ്പോള്‍ കേരളത്തിലെ വലുതും ചെറുതുമായ എല്ലാ പാര്‍ട്ടികളും ബസിനുനേരേ ആക്രമണം അഴിച്ചുവിട്ടിട്ടുണ്ട്‌. കേന്ദ്ര-സംസ്‌ഥാനതലങ്ങളില്‍ മന്ത്രിമാരായിരിക്കുന്ന ആളുകളടക്കം പലരും ഇത്തരം കേസുകളില്‍ പ്രതികളുമായിരുന്നവരാണ്‌. അത്രമാത്രം ലളിതമായ ഒരു കാര്യത്തെയാണ്‌ തെറ്റായ രീതിയില്‍ അവതരിപ്പിക്കുന്നതുകൊണ്ട്‌ വലിയ ഭീകരവാദാക്രമണമായി മാധ്യമലോകം ചിത്രീകരിക്കുന്നത്‌. ബസ്‌ കത്തിക്കല്‍ നടന്നപ്പോള്‍ ഇവിടെ അധികാരത്തിലിരുന്നത്‌ യു.ഡി.എഫായിരുന്നു. അവരും അത്ര ഗൗരവതരമായി ആ സംഭവത്തെ കണ്ടില്ല. അതിനാല്‍ അന്ന്‌ ഒന്നാം പ്രതിസ്‌ഥാനത്തു വന്നത്‌ ഈ കേസില്‍ ഒരു ബന്ധവുമില്ലാത്ത മറ്റൊരാളായിരുന്നു. പില്‍ക്കാലത്ത്‌ കോടതിയുടെ ആഭിമുഖ്യത്തില്‍ അന്വേഷണം ആരംഭിക്കുകയും നസീറിന്റെ പുതിയ വിവരങ്ങള്‍ ഗ്രഹിക്കുകയും ചെയ്‌തശേഷമാണ്‌ പോലീസിന്‌ ഇക്കാര്യത്തില്‍ ജാഗ്രതയുണ്ടായത്‌. എന്നിട്ടും നസീറിനെ അന്നുതന്നെ അറസ്‌റ്റുചെയ്‌തിരുന്നുവെങ്കില്‍ ബംഗളുരു സ്‌ഫോടനമടക്കമുള്ള മറ്റൊരു സംഭവവും നടക്കുമായിരുന്നില്ല എന്നാണ്‌ യു.ഡി.എഫ്‌ കണ്‍വീനര്‍ വാദിച്ചത്‌. ഇക്കഴിഞ്ഞ അഞ്ചു വര്‍ഷങ്ങള്‍ക്കുള്ളില്‍ എണ്‍പതോളം ഭീകരാക്രമണങ്ങള്‍ ഇന്ത്യയില്‍ നടന്നു. നമ്മുടെ സംസ്‌ഥാനത്ത്‌ അത്തരമൊരാക്രമണം ഇതുവരെ നടന്നിട്ടില്ല എന്നത്‌ ആശ്വാസകരമാണ്‌. ഈ 80 ആക്രമണത്തിലും ആളുകള്‍ പിടിക്കപ്പെടുന്നുണ്ട്‌. എന്നിട്ടും ആക്രമണങ്ങള്‍ ആവര്‍ത്തിക്കുന്നെങ്കില്‍ ഒരേ ആളുകളല്ല തുടര്‍ന്നും ഇതിലിടപെടുന്നതെന്ന്‌ വ്യക്‌തമാകുന്നുണ്ടല്ലോ. അത്രയെങ്കിലും ആലോചിക്കാനുള്ള വിവേകം യു.ഡി.എഫ്‌ കണ്‍വീനര്‍ക്കില്ലാതെപോയി. ഭീകരവാദാക്രമണത്തിന്റെ കാര്യങ്ങള്‍ അവതരിപ്പിക്കുന്ന രംഗത്തെല്ലാം നമ്മുടെ രാഷ്‌ട്രീയ നേതാക്കള്‍ക്കും പത്രക്കാര്‍ക്കും ഇത്തരം യുക്‌തിരാഹിത്വം സംഭവിക്കുന്നുണ്ട്‌. ഐ.ജി: ടോമിന്‍ തച്ചങ്കരി നസീറിനെ ചോദ്യംചെയ്യാന്‍ ബംഗളുരിലേക്ക്‌ പോയപ്പോള്‍ അത്‌ മഅ്‌ദനിയെ രക്ഷിക്കാന്‍ കോടിയേരി ബാലകൃഷ്‌ണന്റെ നിയോഗമായി കണ്ട പത്രക്കാരും രാഷ്‌ട്രീയക്കാരുമുണ്ട്‌. ഭീകരവാദികളെ ചോദ്യം ചെയ്യുന്നതിന്റെ പ്രാഥമിക നടപടികളെക്കുറിച്ചുപോലും ഒരു പിടിപാടുമില്ലാത്തതുകൊണ്ടാണ്‌ മുഖ്യധാരാ പത്രങ്ങള്‍ ഒന്നാംപേരില്‍ ഈ വിഡ്‌ഢിത്തം എഴുന്നള്ളിച്ചത്‌. വിവിധ ഏജന്‍സികള്‍ ഒന്നിച്ചിരുന്നാണ്‌ ചോദ്യം ചെയ്യുന്നതെന്നും അതിന്റെ വിശദാംശങ്ങള്‍ വീഡിയോയില്‍ പകര്‍ത്തുന്നുണ്ടെന്നും എഴുതി നല്‍കാത്ത ഒരു ചോദ്യവും ചോദിക്കാനാവില്ലെന്ന പ്രാഥമിക ധാരണപോലും രാഷ്‌ട്രീയത്തിമിരം ബാധിച്ച പത്രങ്ങള്‍ക്കില്ലാതെപോയി. അന്നു സ്‌ഥലത്തില്ലാതിരുന്ന ഡി.ഐ.ജി: വിനോദ്‌ കുമാറാണ്‌ പോകേണ്ടതെന്നും ഐ.ജി തച്ചങ്കരി പോകരുതെന്നും അവര്‍ എല്ലാം പറയുകയുണ്ടായി. വളരെ പണ്ട്‌ നാട്ടിന്‍പുറങ്ങളില്‍ എസ്‌.ഐ.യെക്കാള്‍ കേമനാണ്‌ 'ഹെഡ്‌അങ്ങത്ത' എന്ന വിശ്വാസം നിലനിന്നിരുന്നു. നമ്മുടെ ഇന്നത്തെ പത്രക്കാര്‍ക്ക്‌ ഐ.ജി.യെക്കാള്‍ കൂടിയ ആളാണ്‌ ഡി.ഐ.ജി! ഭീകരവാദം വളരെ വികാരപരമായ ഒരു പ്രമേയമാണ്‌. ഒരു പ്രത്യേക മതന്യൂനപക്ഷത്തിനെതിരേ തിരിയുമെന്നതിനാല്‍ അത്‌ വളരെ ശ്രദ്ധയോടെ കൈകാര്യം ചെയ്യേണ്ട ഒരു പ്രമേയവുമാണ്‌. യഥാര്‍ഥത്തില്‍ നിരപരാധിയായ ഒരാള്‍ ഇതിലൊക്കെപ്പെട്ടുപോയാല്‍ എന്താണ്‌ സംഭവിക്കുകയെന്നത്‌ മഅ്‌ദനിയുടെ ഒന്‍പതു വര്‍ഷത്തെ ജയില്‍ ജീവിതം നമ്മെ പഠിപ്പിക്കണം. മുന്‍ അനുഭവങ്ങള്‍ എല്ലാവര്‍ക്കും പാഠങ്ങളാകണം. താത്‌കാലിക വിജയങ്ങള്‍ ലക്ഷ്യംവയ്‌ക്കുന്ന പ്രമേയമായി തീവ്രവാദം മാറരുത്‌. ദൗര്‍ഭാഗ്യകരമെന്നു പറയട്ടെ, ഇവിടെ അതാണു നടക്കുന്നത്‌

അന്തിയ്ക്ക് വിരിയുന്ന ബുദ്ധി ജീവികള്

2009-12-03T06:20:00.000-08:00

ഇതെന്താണ് ഈ അന്തിയ്ക്ക് വിരിയുന്ന പുതിയ ജീവി?അങ്ങനെയും ഒരു തരം ജീവികള്‍ ഇപ്പോള്‍ ഇറങ്ങിയിട്ടുണ്ട്. വേണമെങ്കില്‍ നിങ്ങള്‍ക്കും ഈ ജീവി വര്‍ഗ്ഗത്തിലേയ്ക്ക് കുടിയേറാം.അല്പം പണിപ്പെടണം എന്ന് മാത്രം. അതിന് വേണ്ടത് എന്തെന്നല്ലേ?നിങ്ങള്‍ക്ക് മുന്‍ നക്സലൈറ്റെന്നോ,ഭരണ പാര്‍ട്ടിയില്‍ നിന്ന് പുറത്താക്കിയവനെന്നോ ഉള്ള പേരുണ്ടോ?അഡ്വക്കേറ്റ്, ഡോക്ടര്‍, മാധ്യമ പ്രവര്‍ത്തകന്‍, പരിസ്ഥിതി പ്രവര്‍ത്തകന്‍ എന്നിങ്ങനെ എന്തെങ്കിലും വര്‍ഗ്ഗത്തില്‍ പെടുത്താനുള്ള യോഗ്യതയുണ്ടോ? ക്യാമറ കണ്ടാല്‍ വാതോരാതെ എന്തിനെക്കുറിച്ചും പറയാനുള്ള ഉളുപ്പില്ലായ്മ ഉണ്ടോ?ആകാശത്തിന് ചുവട്ടിലുള്ള എന്തിനെക്കുറിച്ചും ഉളുപ്പില്ലാതെ അഭിപ്രായം പറയാനുള്ള ധൈര്യം (നാണമില്ലാത്ത) ഉണ്ടോ?സംസാരിയ്ക്കുന്നതിനിടയ്ക്ക് വല്ലപ്പോഴുമൊക്കെ ജാക് ദറിദ, നോം ചോംസ്കി തുടങ്ങിയവരെ ഉദ്ധരിയ്ക്കാന്‍ കഴിയുമോ? ഇതൊന്നുമല്ലെങ്കിലും പ്രശ്നമല്ല. ഏതെങ്കിലും ആനുകാലിക പ്രസിദ്ധീകരണത്തില്‍ സമകാലീന സംഭവങ്ങളെ ആര്‍ക്കും മനസ്സിലാകാത്ത തരത്തില്‍ വിശദീകരിയ്ക്കുന്ന ഒന്നോ രണ്ടോ ലേഖനം എഴുതുക. ഇതിലും ജാക് ദറിദ, നോം ചോംസ്കി തുടങ്ങിയവരെ ഉദ്ധരിയ്ക്കാന്‍ മറക്കരുത്. ചാനലില്‍ നിന്നുള്ള വിളി താനേ വന്നോളും. ഇല്ലെങ്കില്‍ ഈ പ്രസിദ്ധീകരണങ്ങളുടെ കോപ്പികള്‍ ചാനലുകളില്‍ നിങ്ങള്‍ക്ക് അറിയാവുന്നവര്‍ക്ക് വേണ്ട കുറിപ്പോടെ വിതരണം ചെയ്യുക. മേല്‍പറഞ്ഞതിനൊപ്പം വേണ്ട ചില കാര്യങ്ങള്‍ കൂടി ഉണ്ട്. തേച്ച് മിനുക്കിയ ഉടുപ്പ് (വസ്ത്രം ഖാദിയോ സാധാരണ പരുത്തിയോ ആണ് നല്ലത്. വേഷം പരുക്കന്‍ പരുത്തി കുര്‍ത്തയാണെങ്കില്‍ കൊള്ളാം. സാധാരണ ഉടുപ്പോ സാരിയോ ആയാലും തരക്കേടില്ല). കുറച്ച് ആധുനിക മുഖം സ്വീകരിയ്ക്കണമെങ്കില്‍ നമ്മുടെ ധനമന്ത്രി തോമസ് ഐസക്ക് ഇടുന്നപോലുള്ള കുര്‍ത്തകള്‍ നന്ന്. ഇതിനോടൊപ്പം ഒരു വടക്കേ ഇന്ത്യന്‍ മേല്‍മുണ്ട് (സ്റ്റോള്‍ എന്ന് ആംഗലേയം) കൂടി ആവാം. വൈകുന്നേരമായാല്‍ മറ്റെല്ലാ പരിപാടികളും മാറ്റിവച്ച് ടെലിവിഷന്‍ വാര്‍ത്താ ചാനലുകള്‍ നിര്‍ദ്ദേശിയ്ക്കുന്ന സ്ഥലത്തെത്താന്‍ തയ്യാറായിരിയ്ക്കുക. അതിനായ കുളിച്ച് സുന്ദരി - സുന്ദരന്‍ ആവുക. ചാനലുകാര്‍ ഒരു മേക്കപ്പ് നടത്തുമെന്നതുകൊണ്ട് സ്വന്തമായി അത് ചെയ്യണമെന്ന് നിര്‍ബന്ധമില്ല. ചെയ്താലും ചാനലുകാര്‍ പിണങ്ങില്ല. ഇനി ക്യാമറയ്ക്ക് മുന്നിലെത്തിയാല്‍ - ചോദ്യം ചോദിയ്ക്കുന്ന ആളോ ചര്‍ച്ചയില്‍ പങ്കെടുക്കുന്നവരോ പറയുന്നതൊന്നും തന്നെ ശ്രദ്ധിയ്ക്കാതിരിയ്ക്കുക. എപ്പോള്‍ സംസാരിയ്ക്കാന്‍ ആവശ്യപ്പെട്ടാലും തനിയ്ക്ക് പറയാന്‍ ഉള്ളത് മാത്രം പറഞ്ഞുകൊണ്ടേയിരിയ്ക്കുക. (ശ്രദ്ധിയ്ക്കുക - നിങ്ങള്‍ പറയുന്നത് കണ്ട്-കേള്‍ക്കുന്നവര്‍ക്ക് ബുദ്ധി ഉണ്ടെന്ന കാര്യം സമ്പൂര്‍ണമായി മറക്കുക). ബുദ്ധി ജീവി സ്വഭാവം കളയാതിരിയ്ക്കാനായി, ക്യാമറയിലേയ്ക്ക് നോക്കാതിരിയ്ക്കുക. പകരം എപ്പോഴും അനന്തതയിലേയ്ക്ക് നോക്കുക. ആകാശ ലക്ഷ്യത്തിലേയ്ക്കാവുന്നതാണ് എങ്കില്‍ ടെലിവിഷന്‍ വാര്‍ത്ത/ചര്‍ച്ച എന്ന ആവാസ വ്യവസ്ഥ നിലനില്‍ക്കുന്നടത്തോളം കാലം നിങ്ങള്‍ക്ക് അന്തിയ്ക്ക് വിരിയുന്ന ബുദ്ധിജീവിയായി വിലസാം.

അഛന്മാർ പാഠം പഠിക്കുന്നില്ല......

2009-11-18T08:37:00.000-08:00

നിലമ്പൂര്‍ കാതോലിക്കേറ്റ് ഹയര്‍ സെക്കന്‍ഡറി സ്‌കൂളിലെ പ്ലസ്‌വണ്‍ വിദ്യാര്‍ഥിനി കേളകം അടയ്ക്കാത്തോടിലെ എന്‍.ടി.അനുവിന്റെ മരണത്തെക്കുറിച്ച് െൈക്രംബ്രാഞ്ച് അന്വേഷണം തുടങ്ങി. ഡിവൈ.എസ്.പി കെ.കെ.അജിയുടെ നേതൃത്വത്തിലുള്ള അഞ്ചംഗസംഘം പിതാവ് തങ്കച്ചന്‍, അനുവിനൊപ്പം താമസിച്ച് പഠിച്ചിരുന്ന അനുജത്തി അഞ്ജു എന്നിവരില്‍നിന്ന് മൊഴിയെടുത്തു. കഴിഞ്ഞമാസം 24നായിരുന്നു അനുവിന്റെ ദുരൂഹ മരണം. അനുവിന് സുഖമില്ലെന്നറിഞ്ഞ് 23ന് വൈകിട്ട് ഹോസ്റ്റലില്‍ എത്തിയ തന്നോട് മകള്‍ക്ക് അഹങ്കാരമാണെന്നും എത്രയും വേഗം കൊണ്ടുപോകണമെന്നും സിസ്റ്റര്‍ അഭി പറഞ്ഞതായി തങ്കച്ചന്‍ മൊഴിനല്‍കി. മുറിയില്‍ തളര്‍ന്ന് കിടക്കുകയായിരുന്ന മകളെ ആസ്പത്രിയില്‍ കൊണ്ടുപോകാന്‍ വാഹനം തന്നില്ല, പകരം ഓട്ടോ വിളിച്ചുതന്നു. നിലമ്പൂര്‍ ആസ്പത്രിയിലേക്ക് പോകുംവഴി ഇനി തന്നെ ഹോസ്റ്റലിലേക്ക് വിടരുതെന്നും അവര്‍ കൊല്ലുമെന്നും കൈത്തണ്ടയിലെ മുറിഞ്ഞ പാടുകള്‍ കാണിച്ച് അനു പറഞ്ഞു. വഴിമധ്യേ രക്തം ഛര്‍ദിച്ച മകളെ നിലമ്പൂര്‍ താലൂക്ക് ആസ്പത്രിയിലും പിന്നീട് മഞ്ചേരി ജില്ലാ ആസ്പത്രിയിലും പ്രവേശിപ്പിച്ചു. കൈയില്‍ പണമില്ലാതിരുന്നതിനാല്‍ നിലമ്പൂരിലെ ഓട്ടോറിക്ഷാ തൊഴിലാളികളാണ് പണം പിരിച്ചുതന്നത്. മഞ്ചേരി ജില്ലാ ആസ്പത്രിയില്‍നിന്ന് മെഡിക്കല്‍ കോളേജിലേക്ക് കൊണ്ടുപോകാന്‍ ഡോക്ടര്‍മാര്‍ പറഞ്ഞെങ്കിലും അവിടെ എത്തിയ രണ്ട് അധ്യാപകരും സിസ്റ്റര്‍മാരും നിര്‍ബന്ധിച്ചിരുന്നതിനാലാണ് കോഴിക്കോട് സ്വകാര്യ ആസ്പത്രിയില്‍ എത്തിച്ചത്. മൂന്നുദിവസം മുമ്പ് അനുവിന്റെ വയറ്റില്‍ വിഷാംശം എത്തിയതായും വൃക്കകള്‍ തകര്‍ന്നതായും ഡോക്ടര്‍ അറിയിച്ചുവെന്നും മൊഴിയില്‍ പറയുന്നു. ഹോസ്റ്റലിലെ സ്ഥിരം സന്ദര്‍ശകരായ വൈദികര്‍ ഹബീസ് ജോസഫിനും യോഹന്നാനും രണ്ടുപേരെ വീതം കാല് തിരുമ്മാന്‍ സിസ്റ്റര്‍ അയക്കുക പതിവാണെന്നും അനുവിന്റെ സഹോദരി അഞ്ജു മൊഴിനല്കി. ഒരിക്കല്‍ തന്നോടൊപ്പം അയച്ച മെറീന എന്ന വിദ്യാര്‍ഥിനിയെ പറഞ്ഞയച്ചശേഷം ഫാ.ഹബീബ് തന്നെ കടന്നുപിടിക്കുകയും ചുംബിക്കുകയും രഹസ്യഭാഗങ്ങളില്‍ സ്പര്‍ശിക്കുകയും ചെയ്തതായി അനുവിന്റെ മൊഴിയില്‍ പറയുന്നു. ഇതിനെതിരെ സിസ്റ്റര്‍ അഭിയോട് പരാതിപ്പെട്ടുവെങ്കിലും മറ്റാരോടും പറയരുതെന്നും വല്യപ്പനെപ്പോലെ കാണണമെന്നുമാണ് ഉപദേശിച്ചത്. പെണ്‍കുട്ടികളുടെ ഹോസ്റ്റലിലെ സ്ഥിര താമസക്കാരനായ ഫാ.യോഹന്നാന്റെ കാര്‍ അനു കഴുകാറുണ്ടെന്നും ശനി, ഞായര്‍ മുഴുവന്‍ സമയവും അച്ചന്റെ കൂടെ അനുവിനെ സിസ്റ്റര്‍മാര്‍ പറഞ്ഞയക്കുമെന്നും അഞ്ജു മൊഴി നല്കി. മരിക്കുന്നതിന് മൂന്നുദിവസം മുമ്പ് കടയിലേക്ക് സാധനം വാങ്ങാനായി അനുവിനെ യോഹന്നാര്‍ അച്ചനും അഭി സിസ്റ്ററും ചേര്‍ന്ന് വിളിച്ച് കൊണ്ടുപോയതായി മറ്റ് കുട്ടികള്‍ അഞ്ജുവിനെ അറിയിച്ചിരുന്നു. എന്നാല്‍ ചേച്ചി ഉണ്ടായിരുന്നത് ആസ്പത്രിയിലായിരുന്നു. പിന്നീട് ഭക്ഷണം കഴിക്കാതായ അനുവിനെ മറ്റുള്ളവര്‍ക്ക് ഒപ്പം പ്രാര്‍ഥനാഹാളില്‍ പോകാതെ മുറിയില്‍ പൂട്ടുകയും ചേച്ചിയെ സിസ്റ്റര്‍മാര്‍ അടിക്കുന്നതും കരച്ചില്‍ പ്രാര്‍ഥനാഹാളില്‍ കേട്ടതായും അഞ്ജു മൊഴിനല്കി. വെള്ളിയാഴ്ച കാലത്ത് അനുജത്തി അടുക്കളയില്‍ പോയി വരുമ്പോള്‍ ചേച്ചിയുടെ കൈമുറിഞ്ഞ് ചോര ഒലിക്കുന്നതായും അഭി സിസ്റ്റര്‍ ഫോണുമായി കാവല്‍നില്പുണ്ടായിരുന്നതായും മൊഴിയില്‍ പറയുന്നു. ഉച്ചയ്ക്ക് സ്‌കൂളില്‍ നിന്ന് മടങ്ങിയെത്തിയ താനാണ് ചേച്ചിയുടെ കൈയിലെ രക്തം കഴുകിക്കളഞ്ഞതെന്നും അഞ്ജുവിന്റെ മൊഴിയില്‍ പറയുന്നു.

മുംബൈ ഇന്ത്യയുടേതാണെന്ന് സച്ചിന്‍

2009-11-17T07:29:00.000-08:00

എല്ലാ ഇന്ത്യക്കാര്‍ക്കും അവകാശപ്പെട്ട സ്ഥലമാണ് മഹാരാഷ്ട്രയെന്ന് മാസ്റ്റര്‍ ബ്ലാസ്റ്റര്‍ സച്ചില്‍ ടെന്‍ഡുല്‍ക്കര്‍. ഞാനും മഹാരാഷ്ട്രക്കാരനാണ്. അതില്‍ അഭിമാനവുമുണ്ട്, പക്ഷേ പ്രാധമികമായി ഞാന്‍ ഇന്ത്യക്കാരനാണ്- സച്ചില്‍ പറഞ്ഞു. മഹാരാഷ്ട്രയില്‍ അവിടത്തുകാര്‍ മാത്രം താമസിച്ചാല്‍ മതിയെന്നും മറ്റു സംസ്ഥാനക്കാര്‍ പുറത്തുപോകണമെന്നുമുള്ള മഹാരാഷ്്ട്ര നവനിര്‍മ്മാണ്‍ സേനയുടെ ആവശ്യത്തിനെതിരെ ഇതാദ്യമായാണ് സച്ചില്‍ പരസ്യമായി പ്രസ്താവന നടത്തുന്നത്. അന്താരാഷ്ട്ര ക്രക്കറ്റില്‍ 20വര്‍ഷം തികച്ചതിന്റെ ഭാഗമായി നടത്തിയ വാര്‍ത്താസമ്മേളനത്തില്‍ സംസാരിക്കവേയാണ് അദ്ദേഹം എംഎന്‍എസിന്റെ മണ്ണിന്റെ മക്കള്‍ വാദത്തെ വിമര്‍ശിച്ചത്. സച്ചിന്‍ തെണ്ടുല്‍ക്കര്‍ക്ക് ശിവസേനാ മേധാവി ബാല്‍ താക്കറെയുടെ രൂക്ഷ വിമര്‍ശനം. ഒരു മറാത്തിയായതില്‍ അഭിമാനമുണ്ടെങ്കിലും താന്‍ പ്രധാനമായും ഒരു ഇന്ത്യക്കാരനാണെന്നും മുംബൈ എല്ലാവര്‍ക്കും അവകാശപ്പെട്ടതാണെന്നുമുള്ള സച്ചിന്റെ പ്രസ്താവനയാണ് താക്കറെയെ ചൊടിപ്പിച്ചത്. സച്ചിന് ക്രിക്കറ്റിലാണ് ശ്രദ്ധിക്കേണ്ടതെന്നും ഇത്തരം രാഷ്ട്രീയ അഭിപ്രായ പ്രകടനങ്ങള്‍ നടത്തുന്നത് ഭൂഷണമല്ലെന്നും രാഷ്ട്രീയത്തിന്റെ പിച്ചില്‍ നിന്നു മാറിനില്‍ക്കുന്നതാണ് സച്ചിന് നല്ലതെന്നും താക്കറെ പാര്‍ട്ടിയുടെ മുഖപത്രമായ സാംനയുടെ എഡിറ്റോറിയല്‍ പേജില്‍ താക്കറെ പറഞ്ഞിരിക്കുന്നത്.

ക്ഷേത്രത്തിനുള്ളില്‍ അനാശാസ്യം:

2009-11-17T06:56:00.000-08:00

ചെന്നൈ: ക്ഷേത്രത്തിനുള്ളില്‍ അനാശാസ്യ പ്രവര്‍ത്തനം നടത്തിയ കേസില്‍ കാഞ്ചീപുരം മചേശ്വരര്‍ ക്ഷേത്രത്തിലെ പൂജാരി കോടതിയില്‍ കീഴടങ്ങി. ഏതാനും ദിവസങ്ങളായി ഒളിവില്‍ കഴിയുകയായിരുന്ന പൂജാരി ദേവനാഥന്‍ തിങ്കളാഴ്‌ച ഉച്ചയോടെ കാഞ്ചീപുരത്തെ ഒന്നാം ജുഡീഷ്യല്‍ മജിസ്‌ട്രേട്ട്‌ കോടതിയിലാണ്‌ കീഴടങ്ങിയത്‌. ക്ഷേത്രത്തിലെത്തുന്ന വനിതകളുമായി ഗോപുരത്തിനു സമീപത്തുവച്ച് ശാരീരിക ബന്ധത്തില്‍ഏര്‍പ്പെടുകയും അതു മൊബൈല്‍ ഫോണ്‍ ക്യാമറയില്‍ പകര്‍ത്തുകയുമായുരുന്നു പൂജാരി ചെയ്തുവന്നിരുന്നത്. കാഞ്ചീപുരത്തെ ഒരു കടയില്‍ മൊബൈല്‍ ഫോണ്‍ നന്നാക്കാന്‍ കൊടുത്തതോടെയാണ്‌ പൂജാരി ദേവനാഥന്റെ പ്രവൃത്തികള്‍ വെളിച്ചത്തു വന്നത്‌. മൊബൈല്‍ എം.എം.എസ്‌ , വീഡിയോ സിഡി കള്‍, ഇന്റര്‍നെറ്റ്‌ എന്നിവയിലൂടെ പൂജാരിയുടെയും യുവതികളുടെയും ആഭാസരംഗങ്ങള്‍ പുറം ലോകത്തെത്തി. സംഭവം പുറംലോകമറിഞ്ഞതോടെ ദേവനാഥന്‍ ഒളിവില്‍പ്പോവുകയായിരുന്നു. ഇയാള്‍ സമര്‍പ്പിച്ച് മുന്‍കൂര്‍ ജാമ്യാപേക്ഷ മദ്രാസ്‌ ഹൈക്കോടതി തള്ളുകയും ചെയ്തിരുന്നു. ഈ കേസുമായി ബന്ധപ്പെട്ട്‌ കാഞ്ചീപുരത്തെ വീഡിയോ പാര്‍ലറുകളില്‍ പോലീസ്‌ റെയ്‌ഡ്‌ നടത്തിക്കൊണ്ടിരിക്കുന്നതിനിടെയാണ്‌ ദേവനാഥന്‍ കോടതിയില്‍ കീഴടങ്ങിയത്‌. ക്ഷേത്രദര്‍ശനത്തിനെത്തിയ നാലു ഭക്തകളെ ഉള്‍പ്പെടുത്തിയാണ്‌ പൂജാരി ആഭാസരംഗങ്ങള്‍ മൊബൈല്‍ ഫോണില്‍ പകര്‍ത്തിയതെന്ന്‌ കണ്ടെത്തിയിട്ടുണ്ട്‌. 36 കാരനായ ദേവനാഥന്‌ ഭാര്യയും രണ്ടു പെണ്‍മക്കളുമുണ്ട്‌.

ജീവന്‍റെ ഉല്‌പത്തി......

2009-11-11T09:22:00.000-08:00

ജീവന്‍റെ ഉല്‌പത്തിയെക്കുറിച്ചും ഈ പ്രപഞ്ചത്തില്‍ വേറെ എവിടെയെങ്കിലും ജീവനുണ്ടോ തുടങ്ങിയ വിഷയങ്ങളെക്കുറിച്ചുമുള്ള പഠനങ്ങളെ ഗൌരവപൂര്‍വം സമീപിക്കുമെന്ന് വത്തിക്കാനിലെ ജ്യോതിനിരീക്ഷണ ശാലയുടെ ഡയറക്‌ടറും ജ്യോതിശാസ്‌ത്രജ്ഞനുമായ റവ. ജോസ് ഗബ്രിയേല്‍ ഫ്യൂണസ്. അഞ്ച് ദിവസമായി ചേര്‍ന്ന ജ്യോതി ശാസ്‌ത്രജ്ഞരുടെയും ഭൌതിക ശാസ്‌ത്രജ്ഞരുടെയും ജൈവ ശാസ്‌ത്രജ്ഞരുടെയും മറ്റ് പ്രമുഖരുടെയും യോഗത്തില്‍ ഗോളാന്തരങ്ങളിലെ ജീവനെക്കുറിച്ച് നടന്ന ചര്‍ച്ചയിലാണ് ഫൂണസ് ഇക്കാര്യത്തില്‍ വത്തിക്കാന്‍റെ നിലപാട് വ്യക്തമാക്കിയത്. ജീവന്‍റെ ഉല്പത്തിയെക്കുറിച്ചും പ്രപഞ്ചത്തില്‍ വേറെ എവിടെയെങ്കിലും ജീവനുണ്ടോ എന്നതിനെക്കുറിച്ചും ചര്‍ച്ചചെയ്യാനായി ചേര്‍ന്ന യോഗത്തില്‍ ഈശോസഭാ വൈദികനായ ഫ്യൂണസ് പ്രബന്ധം അവതരിപ്പിച്ചിരുന്നു. അന്യഗ്രഹജീവിതത്തെ സംബന്ധിച്ച് തത്വശാസ്ത്രപരമയും ദൈവശാസ്ത്രപരമായും നിരവധി തെളിവുകള്‍ ലഭിച്ചിട്ടുണ്ട്. പക്ഷേ, ജീവശാസ്‌ത്രപരമായ വാദങ്ങള്‍ മാത്രമാണ് തന്‍റെ റിപ്പോര്‍ട്ടില്‍ ഉള്‍പ്പെടുത്തിട്ടുള്ളതെന്ന് ഫ്യുണസ് പറഞ്ഞു. അതേസമയം, വത്തിക്കാന്‍ ഇത്തരത്തിലൊരു യോഗം വിളിച്ചത് അവസരോചിതമാണെന്ന് അരിസോണ സര്‍വ്വകലാശാലയിലെ ജ്യോതിശാസ്ത്ര പ്രൊഫസറായ ക്രിസ് ഇംപി പറഞ്ഞു. ഈ പ്രപഞ്ചത്തിലെ ജീവിതം, മതവും ശാസ്‌ത്രവും ഒരുമിച്ചുള്ളതാണ്. ജീവശാസ്‌ത്രപരമായ പ്രപഞ്ചത്തിലെ സംഭവ വികാസങ്ങളെക്കുറിച്ച് ജ്യോതിശാസ്ത്രജ്ഞന്മാരുമായിട്ട് കത്തോലിക്കാസഭ ചര്‍ച്ച നടത്തുന്നതിന് അടിസ്ഥാനമുണ്ടെന്നും ക്രിസ് ഇംപി പറഞ്ഞു. അക്രൈസ്‌തവരുള്‍പ്പെടെ യു എസ്, ഫ്രാന്‍സ്, ബ്രിട്ടന്‍, സ്വിറ്റ്‌സര്‍ലന്‍ഡ്, ഇറ്റലി, ചിലി എന്നിവിടങ്ങളില്‍ നിന്നുള്ള മുപ്പതോളം ശാസ്‌ത്രജ്ഞരാണ് യോഗത്തില്‍ പങ്കെടുത്തത്. ആധുനികകാലത്തെ ഏറ്റവും വലിയ വിപത്താണ്‌ മാര്‍ക്‌സിസമെന്ന്‌ രണ്ടുവര്‍ഷം മുമ്പ്‌ ബെനഡിക്‌ട് പതിനാറാമാന്‍ മാര്‍പാപ്പ അഭിപ്രായപ്പെട്ടിരുന്നു. എന്നാല്‍ മാര്‍ക്‌സിന്റെ സാമൂഹിക-സാമ്പത്തികസിദ്ധാന്തങ്ങള്‍ ശരിയാണെന്നാണ്‌ സഭ പിന്നീട് വിലയിരുത്തിയിരുന്നു. സൗരയൂഥത്തിന്‍റെ കേന്ദ്രം സൂര്യനാണെന്ന കണ്ടെത്തലിന്‍റെ പേരില്‍ ഗലീലിയോയെയും 'പരിണാമസിദ്ധാന്ത'ത്തിന്‍റെ പേരില്‍ ചാള്‍സ്‌ ഡാര്‍വിനെയും ശത്രുക്കളായി പ്രഖ്യാപിച്ച സഭ വര്‍ഷങ്ങള്‍ക്കു ശേഷം തെറ്റ്‌ ഏറ്റുപറഞ്ഞിരുന്നു

Agraharathil Kazhuthai (Tamil Movie) - Download Agraharathil Kazhuthai - Watch Online

2009-10-27T16:26:00.000-07:00

Agraharathil Kazhuthai (Tamil Movie) - Download Agraharathil Kazhuthai - Watch Online

'വീട്ടില്‍ കയറുന്നത്‌ പാപം... ദൈവത്തിനെന്തിനാ സ്വര്‍ണവും പണവും..'

2009-09-09T04:31:00.000-07:00

വീട്ടില്‍ മോഷ്ടിക്കാന്‍ കയറുന്നത്‌ പാപമാണ്‌. അതുകൊണ്ടാ ഞാന്‍ ക്ഷേത്രങ്ങളില്‍ കയറുന്നത്‌.... ദൈവത്തിനെന്തിനാ സ്വര്‍ണവും പണവും.... ക്ഷേത്രക്കവര്‍ച്ചക്കേസില്‍ ചൊവ്വാഴ്‌ച പേരാവൂരില്‍ അറസ്റ്റിലായ പാമ്പാളി ശശിയുടെ വാക്കുകളാണിത്‌. അറസ്റ്റ്‌ വിവരം അറിയിക്കാന്‍ ഇരിട്ടി ഡിവൈ.എസ്‌.പി. വിളിച്ചുചേര്‍ത്ത പത്രസമ്മേളനത്തിനിടെ നിറഞ്ഞ ചിരിയോടെയാണ്‌ ശശി തന്റെ മോഷണത്തെക്കുറിച്ച്‌ വിവരിച്ചത്‌. 'ഒരു ക്ഷേത്രം ഞാന്‍ കണ്ണുവെച്ചാല്‍ മോഷ്ടിക്കും മുമ്പ്‌ വിളക്ക്‌ കത്തിക്കും. എന്നിട്ട്‌ പ്രാര്‍ഥിക്കും. അതുകൊണ്ടുതന്നെ മോഷണത്തിന്‌ പോകുമ്പോള്‍ ഇതുവരെ പാമ്പോ പട്ടിയോ ഒന്നും കടിച്ചിട്ടില്ല...' ശശി പറഞ്ഞു. 12-ാം വയസ്സില്‍ മോഷണക്കുറ്റത്തിന്‌ ദുര്‍ഗുണപരിഹാര പാഠശാലയില്‍ കഴിഞ്ഞിട്ടുണ്ട്‌ ഇയാള്‍. ആദ്യ കേസില്‍ ഞാന്‍ മോഷണം നടത്തിയിട്ടില്ലെന്ന്‌ ശശി പറഞ്ഞു. പിന്നീട്‌ അങ്ങനെയായി. പിന്നെ നന്നായി ജീവിക്കാന്‍ ശ്രമിച്ചാലും നാട്ടുകാരും പോലീസും സമ്മതിക്കില്ല. എവിടെ മോഷണം നടന്നാലും എന്നെ പൊക്കും. 12 വയസ്സിനുശേഷം താന്‍ ജയിലിനുപുറത്ത്‌ ജിവിച്ചത്‌ രണ്ടോ മൂന്നോ വര്‍ഷം മാത്രമാണെന്ന്‌ ശശി പറഞ്ഞു. ഭൂരിഭാഗം കാലവും കേരളത്തിലെയും കര്‍ണാടകയിലെയും ജയിലുകളിലായിരുന്നു. കുടകിലാണ്‌ കൂടുതല്‍ ക്ഷേത്രമോഷണങ്ങള്‍ നടത്തിയത്‌. അവിടത്തെ ഭണ്ഡാരങ്ങള്‍ പൊളിച്ചാല്‍ വന്‍ തുക കിട്ടും. ഒരിക്കല്‍ ഒരുക്ഷേത്രത്തില്‍ നിന്ന്‌ മൂന്നുലക്ഷം രൂപവരെ ലഭിച്ചിട്ടുണ്ടത്രെ. ക്ഷേത്രത്തിനുള്ളില്‍ കയറിയാലും ശശി വിഗ്രഹം മോഷ്ടിക്കാറില്ല. അതിന്മേല്‍ ചാര്‍ത്തിയ ആഭരണങ്ങളാണ്‌ ലക്ഷ്യം. ഈ ആഭരണങ്ങള്‍ തുച്ഛമായ വിലയ്‌ക്കാണ്‌ ഇയാള്‍ വില്‍ക്കുക. താന്‍ മൂലം പണക്കാരായ ഒട്ടേറെ സ്വര്‍ണക്കടക്കാരുണ്ടെന്ന്‌ ശശി മാധ്യമപ്രവര്‍ത്തകരോട്‌ പറഞ്ഞു. കുടകില്‍ ശശി 'മലയാളി ശശി' എന്ന പേരിലാണ്‌ അറിയപ്പെടുന്നത്‌. തിത്തിമത്തിലായിരുന്നു ഇയാളുടെ ഭാര്യവീട്‌. ഇപ്പോള്‍ ഭാര്യ വിട്ടുപോയി. ഇനിയെങ്കിലും നന്നാകാന്‍ ആഗ്രഹമുണ്ടോ എന്ന്‌ പോലീസ്‌ ചോദിച്ചപ്പോള്‍ ഉണ്ടെന്നായിരുന്നു മറുപടി-'നിങ്ങള്‍ സഹായിച്ചാല്‍ ഞാന്‍ നന്നായി ജീവിക്കാം'

Mathrubhumi Photo Gallery

2009-06-29T03:04:00.000-07:00

Mathrubhumi Photo Gallery

കമലദളം കൊഴിഞ്ഞു ........

2009-06-28T09:34:00.000-07:00

2009-06-25T10:20:00.000-07:00

പാഞ്ചാലിയുടെ വസ്‌ത്രാക്ഷേപ സമയത്ത്‌ നിശ്ശബ്ദനായിരുന്ന ഭീഷ്‌മരുടെ അവസ്ഥയാണ്‌ ഇന്ന്‌ അഴീക്കോടിന്‌. ദുര്യോധനനോടുള്ള കടപ്പാടുകൊണ്ടാണ്‌ നിശ്ശബ്ദനായതെന്ന്‌ അദ്ദേഹം പിന്നീട്‌ പറയുകയുണ്ടായി. ഇതുതന്നെയാണ്‌ പിണറായിക്കെതിരായ അഴിമതി ആരോപണത്തില്‍ അഴീക്കോട്‌ സ്വീകരിച്ച മാര്‍ഗവും.

2009-06-23T20:34:00.000-07:00

kunchiraman.: I shall go too in silence leaving Not even a fingerprint on this crowded earth; Carrying away my birdin flight voice and The hundred misunderstandings that destroyed My alliances with you and you and you... നാലപ്പാട്ട്‌ സുലോചന

2009-06-23T08:27:00.000-07:00

ബൈബിളില്‍ ലാസര്‍ എന്ന കഥാപാത്രം മരിക്കുമ്പോള്‍ വിലപിക്കുന്നവരോടൊപ്പം കരയുന്ന കര്‍ത്താവിനെയും നാം കാണുന്നു-ഉയര്‍ത്താന്‍ ശേഷിയുണ്ടായിട്ടും കൂടെകരയുന്ന യേശുവിനെ. കരയുക എന്നത്‌ മോശം കാര്യമല്ല. കരയുന്നവരോടൊപ്പം കരയുന്നവനേ കൂടുതല്‍ ശക്തമായി ഇടപെടാനാകൂ. ഉയര്‍ത്താന്‍ കഴിയൂ. കരയാനും ചിരിക്കാനും അറിയാത്തവര്‍ നല്ല ഭരണാധികാരികളല്ല

2009-06-23T08:23:00.000-07:00

വാക്കുകള്‍കൊണ്ട് ഇനിയൊരാളും വേട്ടയാടുകയില്ല. ഫോണ്‍കോളുകളിലൂടെ അശ്ലീല പ്രവാഹമോ ഭീഷണികളോ ഇനി തേടിപ്പോവില്ല. കഥകളിലും കവിതകളിലും ആരുടെയൊക്കെയോ സദാചാര കല്‍പ്പനകളെ പൊള്ളിക്കുന്ന വാങ്മയങ്ങള്‍ നിറഞ്ഞു പോയതിന്‍റെ പേരില്‍ ഇനിയൊരാളും, ചീത്ത സ്ത്രീ' എന്നു വിരല്‍ ചൂണ്ടുകയില്ല. കൂടുതലിഷ്ടം കൃഷ്ണനോടോ അള്ളാഹുവിനോടോ എന്നു തീര്‍ച്ചയായും ഇനിയാരും ചോദിക്കുകയുമില്ല. എല്ലാ വിവാദങ്ങളും ഇനി നിശബ്ദമാകും. അല്ലെങ്കില്‍ ഒരു പക്ഷേ, കമലാദാസ് എന്ന മാധവിക്കുട്ടി എന്ന സുരയ്യയെച്ചൊല്ലി ഭൂമിയില്‍ പുതിയ വിവാദങ്ങള്‍ കത്തിപ്പിടിക്കുകയോ പഴയവ പുനരുജ്ജീവിപ്പിക്കപ്പെടുകയോ ചെയ്യും. എന്തായാലും, തന്നെക്കുറിച്ചു ലോകം പറയുന്നതു കേട്ടു കലമ്പാനും എഴുതുന്നതു വായിച്ചു പരിഭവിക്കാനും, ഒടുവില്‍ അതൊക്കെയും മറന്ന് എന്നെ സ്നേഹിക്കൂ' എന്നു നമ്മോടാജ്ഞാപിക്കാനും ഇനി മാധവിക്കുട്ടി ഇല്ല. കൈനിറയെ കവിതകളും കഥകളുമായി സാഹിത്യത്തിന്‍റെ മട്ടുപ്പാവില്‍ പ്രത്യക്ഷപ്പെടാന്‍ അക്ഷരങ്ങളുടെ മായാവിനി ഇനിയില്ല