കണ്ണേട്ടൻ...
എന്നെന്നും ഞങ്ങളുടെ കണ്ണേട്ടൻ
നടുവിൽ,അറക്കൽതാഴെ ബ്രാഞ്ച് സമ്മേളനത്തിന്റെ
കൊടിഉയർത്തിയത് കണ്ണേട്ടനായിരുന്നു.
കൊടിഉയർത്തി എല്ലാരും പിരിഞ്ഞിട്ടും
കണ്ണേട്ടൻ കൊടിമരച്ചുവട്ടിൽ തന്നെ...
മുഷ്ടിചുരുട്ടി അഭിവാദ്യമർപ്പിച്ചുകൊണ്ടെയിരുന്നു...
അതാണ് കണ്ണേട്ടൻ!
രക്തത്തിൽ കമ്മ്യൂണിസം അലിഞ്ഞുചേർന്ന മനുഷ്യൻ.
വലിയ പഠിപ്പും പത്രാസുമൊന്നുമില്ല.
പക്ഷെ,പത്രവിവരങ്ങളെ അടിസ്ഥാനമാക്കി
കമ്മ്യൂണിസ്റ്റ് വിമർശകർക്കുമുമ്പിൽ
കണ്ണേട്ടൻ പ്രതിരോധം തീർക്കും.
ഉറച്ച കമ്മ്യൂണിസ്റ്റ് കുടുംബമാണ് അദ്ദേഹത്തിന്റേത്.
കഠിനാദ്ധ്വാനിയാണ്.
നടുവിൽ പ്രദേശത്തെ വലിയ ആഴം വരുന്ന
പഴയകാല കിണറുകളൊക്കെ കുഴിച്ചത്
കണ്ണേട്ടനും മരിച്ചുപോയ ഏട്ടൻ കിട്ടേട്ടനും കൂടിയാണ്
ചാരുതയാർന്ന കിണറുകൾ കണ്ടാൽ
ആരും നമിച്ചുപോകും
ജ്യേഷ്ടന്റെ മരണം കണ്ണേട്ടനെ വല്ലാതെ തളർത്തി.
പ്രായത്തോടൊപ്പം വാതരോഗവും.
ശാരീരിക ബുദ്ധിമൂട്ടുകളേറെ.
ഊന്നുവടിയിലാണ് സമ്മേളനത്തിനെത്തിയത്
കണ്ണേട്ടന് എന്റെ അഭിവാദ്യങ്ങൾ.....

ഇരിണാവ് ചുഴലി ക്ഷേത്ര തേക്ക് തടി വിവാദം

ഇ പി ജയരാജനെ കരുതിക്കൂട്ടി താറടിക്കാൻ

മാതൃഭൂമി ചെയ്തതാണെന്ന് വെളിവായി
. 

മോദിക്ക് വേണ്ടി വാര്‍ത്തകള്‍ സൃഷ്ടിക്കാന്‍

നിര്‍ബന്ധിക്കുന്നതിന്റെ പേരില്‍ ഇന്ത്യ ടിവി

കുപ്രസിദ്ധമായപോലെ ഇപ്പോള്‍ 

വീരേന്ദ്രകുമാറിന് വേണ്ടി വാര്‍ത്തകള്‍ സൃഷ്ടിച്ചു

മാതൃഭൂമിയും കുപ്രസിദ്ധമാവുന്നു.

ഇപ്പോഴവര്‍ ചരിത്രത്തില്‍ നിന്നും ഇരകളെ നിര്‍മ്മിക്കുന്നു, ഒരു തുടര്‍ച്ചയെന്നോണം. സ്വാമി വിവേകാനന്ദന്‍ മുതല്‍ സര്‍ദാര്‍ പട്ടേല്‍ വരെ അവര്‍ ചരിത്രത്തിന്റെ വ്യാജ നിര്‍മ്മിതിയിലൂടെ അവരുടേതാക്കി. ‘വഴങ്ങാത്ത’ അക്ബര്‍ മുതല്‍ നെഹ്‌റു വരെയുള്ളവര്‍ക്ക് ‘കുറ്റപത്രം’ തയ്യാറാക്കി, ദേശ ഹൈന്ദവ വിരുദ്ധരെന്നു മുദ്രകുത്തി. ഇപ്പോഴവര്‍ മഹാനായ, ചരിത്രത്തിലെ സമാനതകളില്ലാത്ത പോരാളിയായ ടിപ്പുവിനെ തേടി വന്നിരിക്കുന്നു. വേട്ടക്കാരന്റെ പെരുംമുരള്‍ച്ചകള്‍ കര്‍ണ്ണാടകയില്‍ നിന്ന് കേട്ട് തുടങ്ങിയിരിക്കുന്നു…!! 

മൗനം പ്രതിരോധമല്ല, കീഴടങ്ങലാണെന്ന് കര്‍ണാടകത്തിലെ സാഹിത്യ-സാംസ്‌കാരിക പ്രവര്‍ത്തകരില്‍ വലിയൊരു വിഭാഗം മനസ്സിലാക്കിയിരിക്കുന്നു. കല്‍ബുര്‍ഗിയുടെ ഘാതകരെ പിടികൂടുന്നതില്‍ കാലതാമസം വരുന്നതിനെതിരെ 
ശക്തമായ പ്രതിഷേധം ആ സംസ്ഥാനത്ത് ഉയരുന്നു. പലരും തങ്ങള്‍ക്ക് കിട്ടിയ ബഹുമതികള്‍ തിരികെ നല്‍കാനൊരുങ്ങി മോശമായൊരു രാജ്യനീതിയെ വെല്ലുവിളിക്കുന്നു. ഒരു വെടിയുണ്ട തങ്ങള്‍ക്കു വേണ്ടിയും എവിടെയോ ലോഡ് ചെയ്യപ്പെട്ടിട്ടുണ്ടെന്ന് മനസ്സിലാക്കിയിട്ടും അവര്‍ ശബ്ദം ഉയര്‍ത്തുകയാണ്. 
കാവി സദസിലെ വിദൂഷകരാകുന്നതിനേക്കാള്‍ മരണം ബഹുമതിയെന്നു കരുതുന്നവര്‍.എന്നിട്ടുമെന്തേ ഈ കേരളത്തില്‍, സാംസ്‌കാരിക ലേബല്‍ നെറ്റിയിലൊട്ടിച്ച ഒരു നാട്ടില്‍ 
മൗനം എന്ന വിഷം കുടിച്ച് ഇവിടുത്തെ നായകന്മാര്‍ ചത്തു ജീവിക്കാന്‍ തീരുമാനിക്കുന്നത്? വെടിയുണ്ടകള്‍ തറച്ചില്ലെങ്കിലും ഇവിടെയും ബഷീറുമാര്‍ സൃഷ്ടിക്കപ്പെട്ടു കഴിഞ്ഞിരിക്കുന്നു. 
അടുത്തത് നിങ്ങളാണെന്ന് ഭയപ്പെടുത്തുന്ന സന്ദേശങ്ങള്‍ എഴുതപ്പെട്ടു കഴിഞ്ഞിരിക്കുന്നു. അതു മുന്‍കൂട്ടി കണ്ടിട്ടാണോ ഈ കീഴടങ്ങല്‍?

ഒരു പ്രണയ ദുരന്തത്തിന്റെ ക്‌ളൈമാക്സ്

അയാൾക്ക് അവളെയും അവൾക്ക് അയാളെയും
ഒരുപാടിഷ്ടമായിരുന്നു....ഇരുവരും അവരവരുടെ
സ്വപ്നലോകങ്ങളിൽ വിഹരിച്ചു...പാട്ടുപാടി...നൃ
ത്തം ചവുട്ടി...ആലിംഗനങ്ങളിൽ.....
ആ ഇഷ്ടങ്ങളെ പക്ഷെ,എന്തുകൊണ്ടൊ പരസ്പരം
കൈമാറാൻ അവർക്ക് കഴിഞ്ഞില്ല!...
************************************
ഇനി ആ പ്രണയദുരന്തത്തിന്റെ ക്‌ളൈമാക്സിലേക്ക്
കടക്കാം.വർഷങ്ങൾക്ക് ശേഷം-
ഒരു കൊടുംവേനലിന്റെ ഉച്ചയിൽ പടികടന്നെത്തിയ
അവളെ കണ്ട് അയാൾ വല്ലാതെ വിസ്മയിച്ചു...
കൂടെ ഒരു ചെരുപ്പക്കാരനും.മകനാണ്.കല്ല്യാണം
വിളിക്കാൻ വന്നതാ.
മൗനങ്ങൾ എവിടയൊക്കയൊ കൂട്ടിമുട്ടി.
അവരുടെ സംസാരങ്ങളിൽ പഴയപ്രണയം കടന്ന്
വന്നതേയില്ല.
പിരിയാൻ നേരം അവളുടെ കണ്ണുകളിലെ അസാധാ
രണ തിളക്കകണ്ട് അയാൾ തെല്ലൊന്ന് അമ്പരന്നു.
മുറ്റത്തിറങ്ങിയ അവൾ സൊകാര്യമായി അയാളോട്
പറഞ്ഞു:"വരണം,വരാതിരിക്കരുത്...വന്ന്
അനുഗ്രഹിക്കണം.. അഛാനില്ലാത്ത
കുട്ടിയാ.നമുക്ക് പിറക്കേണ്ടിയിരുന്ന മകനാ...
അന്നൊരു വാക്ക് പറഞ്ഞിരുന്നെങ്കിൽ..."
അവളുടെ വിറയാർന്ന വാക്കുകൾ അയാളെ തളർത്തി.
തന്നിലെ ആപഴയ ഭീരുവിനെകുറിച്ചോർത്ത്

അയാളിൽ വെറുപ്പ് കുമിഞ്ഞ് കൂടുകയായിരുന്നു...

ഓർമ്മയിൽ നിന്ന്-2തിരിയെ വീണ്ടും ജീവിതത്തിലേക്ക്

മരിക്കണമെന്ന് മനസ്സ്കൊണ്ട് തീരുമാനിച്ചുറപ്പിച്ചതുകൊണ്ട് മാത്രം ഒരാൾക്ക് മരിക്കാൻ കഴിയണമെന്നില്ല.തലയണക്ക്കീഴെ,കുറിപ്പെഴുതിവെച്ച് ക്യാമ്പിന് പുറത്ത്കടന്നപ്പോൾ മരണലോകത്തേക്ക് യാത്രയായതുപോലെതോന്നി.നഗരമദ്ധ്യത്തിലുള്ള ചാർമിനാറിന്റെ പിരിയൻഗോവണീപ്പടികൾ ഒന്നൊന്നായി മുകളിലേക്ക് ചവിട്ടുമ്പോള്,49മീറ്റർ പൊക്കത്തുനിന്ന്ചാടി തിരക്കേറിയറോഡിൽചിന്നിച്ചിതറിക്കിടക്കുന്ന ഒരു ജവാന്റെ ചിത്രമായിരുന്നുമനസ്സിൽ.149പടവുകൾകറി എത്തിച്ചേരുന്നത് മൂന്ന് കിളിവാതിലുകളുള്ള, നാല്പേർക്ക്മാത്രം നിൽക്കാവുന്ന ഒരുപ്രതലത്തിലേക്കാണ്.അവിടെനിന്നുകൊണ്ട്നോക്കിയാൽ തലസ്ഥാനനഗരമായ ഹൈദ്രബാദ് ഒറ്റയടിക്ക്കാണാം."മലയാളിയാണ് അല്ലേ?"നേരത്തെ അവിടെ ചുവടുറപ്പിച്ച ഒരു പെൺകുട്ടിയുടേതാണ് ചോദ്യം."അതെ"..."ഇവിടെ?""ഫോഴ്‌സിലാണ്"കണ്ണൂരാണ് സ്ഥലമെന്ന് കൂട്ടിച്ചേർത്തപ്പോൾ ചോദിക്കാതെതന്നെ അവൾ പറഞ്ഞു:ഞാൻ തലശ്ശേരിയാ.ഇവിടെമിലിറ്ററി നേഴ്‌സാ...പിന്നെയും അവൾ ഒരുപാട് സംസാരിച്ചുകൊണ്ടേയിരുന്നു.അവളുടെ സംസാരത്തിന് ഒരുദാർശനിക സ്വഭാവമുണ്ടെന്ന്പലപ്പൊഴും തോന്നി.അവളുടെ വാചാലതയുംചടുലതയും ഒരുപാടിഷ്ടപ്പെട്ടതുപോലെ ........അകലെ,നൈസാംകുന്നിനുമുകളിൽ ഇരുട്ട് കനംവെച്ചു തുടങ്ങിയിരുന്നു..."നമുക്കൊരു കോഫി കഴിച്ച് പിരിഞ്ഞാലൊ..."അവൾ."ശരി..റോക്കഹാളിന്‌മുമ്പെ എനിക്കും ക്യാമ്പിലെത്തണം!"പടികളൊന്നൊന്നായ് താഴേക്കിറങ്ങുമ്പോൾ തലയണക്കടിയിൽ ഒളിച്ചിരിക്കുന്ന കുറിപ്പ് ആരും കാണരുതേയെന്നായിരുന്നു എന്റെ പ്രാർഥന!!...

ഓർമ്മയിൽ നിന്ന്-1നുമ്നോംഗ് ബസ്തി(ഗ്രാമം).

നുമ്നോംഗ് ബസ്തി(ഗ്രാമം).ഞങ്ങളുടെ പുതിയ താവളം!ഇംഫാലിൽനിന്ന് കാൽനടയാത്രയുടെപതിമൂന്ന് മണിക്കൂർ ദൂരം.നാല്പതോളംവരുന്ന സംഘാഗങ്ങൾക്ക് തങ്ങാവുന്നത്രവിസ്താരമുള്ള കുന്നിൻപുറത്താണ് ക്യാമ്പ്.അതിന് താഴെ നൂറ്‌മീറ്റർ അകലെ ഗ്രാമം.ഓടയും മുളയുംകൊണ്ട്പണിത മുട്ടിമുട്ടികിടക്കുന്നഅമ്പതില്പരം വീടുകൾ...രാത്രിയുടെ മറവിൽ പതുങ്ങിയെത്തുന്നനഗാകലാപകാരികൾ...അവർക്ക് വേണ്ടത് ആട്,കോഴി,ഭക്ഷ്യസാധങ്ങൾ..മുളന്തണ്ടിൽ നിറച്ച റാക്ക്,പെൺകുട്ടികൾ!ഒരു നിലവിളിക്ക്പോലും ഇടം കൊടുക്കാതെഎല്ലാം കവർന്നെടുത്ത് ഇരുളിൽ മറയുന്നവർ...അവരിൽനിന്ന് ഗ്രാമത്തെ രക്ഷപ്പെടുത്തുകയെന്നത്ഞങ്ങളുടെ ക്യാമ്പിന്റെ പ്രധാന ദൗത്യമാകുന്നു.കൊയ്തുൽസവം വന്നു.ഇരുൾവീണതോടെ ഗ്രാമം ശബ്ദമുഖരിതമായി.കത്തിക്കൊണ്ടിരുന്ന വിറകിൻ കൂനക്ക്ചുറ്റുംആൺപെൺപ്രായവ്യത്യാസമില്ലാതെപരസ്പരം കൈകൾകോർത്ത് നൃത്തം തുടങ്ങി.കുടിക്കാനും തിന്നാനും നെല്ലിൻറാക്ക്,പന്നിയിറച്ചി...ചെണ്ടയുടെ ദ്രുതതാളം...രാവ് വളരുകയും ലഹരി തളർത്തുകയും ചെയ്തതോടെഓരോരുത്തരും അതാതിടങ്ങളിൽ വീണ്‌മയങ്ങി...സർവ്വത്ര നിശബ്ദത...അപ്പൊഴൊക്കെ ഗ്രാമത്തിന്ചുറ്റും ഞങ്ങൾറോന്ത് ചുറ്റുകയായിരുന്നു!പെട്ടന്നായിരുന്നു,അത്.ഗ്രാമത്തിന്റെ ഒഴിഞ്ഞകോണിലായിനിസ്സഹായ നിലവിളിയുടെ പെൺശബ്ദം!!...ജാഗരൂകരായി നടന്നടുത്തപ്പോൾ കണ്ടത്,ഒരു പെൺകുട്ടിയുടെ നഗ്നതയിൽ സർപ്പത്തെപ്പോലെആഞ്ഞുകൊത്തുന്ന പ്രഛന്നവേഷത്തെയാണ്!...നിമിഷങ്ങൾ...ശരിക്കും കൈകാര്യംചെയ്യപ്പെട്ട അയാളെമരത്തിൽ വരിഞ്ഞ്നിർത്തി.മുഖം മൂടി മാറ്റപ്പെട്ടു.ഞങ്ങൾ ഒന്നടങ്കം ഞെട്ടുകയും വിളറുകയും ചെയ്തു!അത് ഞങ്ങളുടെ ക്യാമ്പ്മേധാവിജമേദാർ ബൽബീർസിംഗ് ആയിരുന്നു!!...

വിയോജിക്കാം,ശക്ത്മായി പ്രതികരിക്കാം.

ഗാന്ധിയെ എനിക്കിഷ്ടമാണ്.
പ്രത്യേകിച്ചും ആ ജീവിത ലാളിത്യം.
അതുകൊണ്ട് ഗാന്ധി വിമർശനാതീതനാണെന്ന
അഭിപ്രായമെനിക്കില്ല.
ഒരു സംഭവം അല്ലെങ്കിൽ ഒരു വസ്തുവിനെ
വ്യത്യസ്ഥ കോണുകൾ വഴി കാണുക എന്നത്
ചിലരുടെ രീതിയാണ്.
അതിനുള്ള സ്വാതന്ത്ര്യം അവർക്ക് അനുവദിച്ച് കൊടുക്കുക.
അതേസ്വാതന്ത്ര്യം മറ്റുള്ളവർക്കുമുണ്ട്.
വിയോജിക്കാം,ശക്ത്മായി പ്രതികരിക്കാം.
അരുന്ധതീറോയ് എന്ത് പറഞ്ഞു എന്നെനിക്കറിയില്ല.
ഗാന്ധിയെ അശ്ലീലിച്ചൊന്നും പറഞ്ഞില്ലെന്നാണറിവ്.
പക്ഷെ,സരിതമാരുടെ വാലിൽ തൂങ്ങികളായ
ഗാന്ധിശിഷ്യന്മാർ ഉണർന്നു!
ഒപ്പം അദ്ദേഹത്തെ വെടിവെച്ചു കൊന്ന സംഘടനയുടെ
ചില വക്താക്കളും!...
അരുന്ധതിക്കെതിരെ കേസെടുക്കുക...
തൂക്കിക്കൊല്ലുക...
വിരോധാഭാസം തോന്നുന്നു!
(റിപ്പോർട്ടുകൾ കാണിക്കുന്നത് അരുന്ധതി
കേസിൽ കുടുങ്ങുമെന്ന് തന്നെയാണ്) 

ഹൈന്ദവ ധർമ്മശാസ്ത്രത്തിന്റെ കറുത്ത നീതി

വൃന്ദാവനം മഥുരയിലാണ്.
മഥുര യുപിയിലാണ്.
ആർഷഭാരത ഭൂമിയുടെ
ഹൃദയ കവാടമാണ് യുപി.
അകത്ത് കടന്നാൽ
ആധുനികഭാരതത്തിന്റെ മറ്റൊരു മുഖം കാണാം
ഒരിക്കൽ,രാധാകൃഷ്ണന്മാരുടെയും തോഴിമാരുടേയും
നിറയൗവനം ഏറ്റുവാങ്ങിയ വൃന്ദാവനം.
കവികളുടേയും കൗമാരക്കാരുടേയും സ്വപ്നഭൂമി...
ഇന്നവിടെ രാധയും കൃഷ്ണനുമില്ല.
പകരം ശിരസ്സ് മുണ്ഡനം ചെയ്തിരിക്കുന്ന
വെള്ള വസ്ത്രങ്ങൾ മാത്രം ധരിച്ച
വരണ്ട ചുണ്ടിൽ സദാ കൃഷ്ണ മന്ത്രം
ഉരുവിട്ടുകൊണ്ടിരിക്കുന്ന
ഒരുപറ്റം സ്ത്രീജനങ്ങൾ..
ഭാരതത്തിന്റെ നാനാഭാഗത്തുനിന്ന് എത്തിയവർ...
അവർ വിധവകളാണ്.
മറ്റ് മാർഗമില്ലാതെ ശരീരവില്പനയും യാചനയും
തൊഴിലാക്കി ജീവിക്കുന്നവർ...

എണ്ണത്തിൽ ആറായിരത്തിനു മീതെ വരുമെന്ന് കണക്ക്.
ഭർത്താക്കന്മാർ മരിച്ചാൽ സ്വന്തം കുടുംബക്കാർ
ഉടുതുണിപോലും കൊടുക്കാതെ അവരെ ഇവിടേക്കാണ്
തള്ളി വിടുന്നത്
ഹൈന്ദവ ധർമ്മശാസ്ത്രത്തിന്റെ കറുത്ത നീതിയുടെ
ദുരന്ത മുഖങ്ങളിൽ ഒന്ന്മാത്രമാണിത്.
മക്കളാൽ വെറുക്കപ്പെട്ട് നടയിരുത്തിയ
വൃദ്ധരായ അമ്മമാരെയും ഇവിടെ കാണാം
അവർ പറയുന്നു:
ഞങ്ങൾ കൃഷ്ണദാസികളാണ്
രാധാദാസികളാണ്
പുഴുവരിച്ച്തീരാൻ വിധിക്കപ്പെട്ട
ജീവിതത്തിന്റെ ഉടമകളാണ്...
തീരട്ടെ!!................                                                                                                                                                                                                                                                                                     

ഈഭൂമി അവരുടേതാണ്‌.

ഇന്ത്യയെന്നാൽ ജഢമായൊരു തുണ്ട് ഭൂമിയല്ല.
നൂറ്‌കോടി ജനതയുടെ ജന്മഭൂമിയാണിത്.
നേർപകുതി പട്ടിണിക്കാരുടേയും 
നാല്പതുകോടി അർദ്ധപട്ടിണിക്കാരുടെയും നാട്.
അവരുടെ വരണ്ടുണങ്ങിയ നെഞ്ചിലെ നിശ്വാസമാണ്‌ 
ഈഭൂമിയുടെ ജീവൻ നിലനിർത്തുന്നത്.
അവരുടെ വിയർപ്പാണ്‌ ഭൂമിയെ നനവുള്ളതാക്കുന്നത്.
പൊരിവെയിലത്ത് വയലുകളിൽ ഉരുകിത്തീരുന്ന 
അവരുടെ രക്തമാണ്‌ ഭൂമിയുടെ സിരകളിൽ ഒഴുകുന്നത്.
അതുകൊണ്ട്തന്നെ ഈഭൂമി അവരുടേതാണ്‌. 
അതല്ലാതെ,500മുതലാളിമാരുടെയും അവരുടെ 
പണംകാക്കുന്ന വേട്ടപ്പട്ടികളുടേയും തറവാട്ട് വകയല്ല. 

കേരളത്തിലെ അനാഥാലയങ്ങൾ .....

കേരളത്തിലെ അനാഥാലയങ്ങൾ 1500 ൽ പരം.
ഇവയിൽ 75000 അന്തേവാസികൾ.
കുട്ടി ഒന്നിന്‌ 1700ക സർക്കാർ ഗ്രാന്റ്‌.
ഒപ്പം 7കിലൊ അരിയും 3കിലൊ ഗോതമ്പും.
അതായത്‌ മതസ്ഥാപനങ്ങളിലെ 
അനാഥാലയങ്ങളുടെ ഉത്തരവാദിത്വം 
സർക്കാർ വഹിക്കുന്നു എന്ന്‌ സാരം.
ഇതിനു പുറത്താണ്‌ കുട്ടികളുടെ ദാരിദ്ര്യം 
മാർക്കാറ്റ്‌ ചെയ്യപ്പെടുന്നത്‌.ദാനധർമ്മം,പുണ്യം,
മതപരമായ കടമ എന്നൊക്കെ പറഞ്ഞ് 
പണം തട്ടുന്നു.സർക്കാർ സംരക്ഷണത്തിന്റെ 
മറവിൽ മതം പഠിപ്പിക്കുകയും മതവിശ്വാസം 
വളർത്തുകയുമാണ്‌ കേരളത്തിലെ 
അനാഥാലയങ്ങൾ ചെയ്തുകൊണ്ടിരിക്കുന്നത്. 

ഒരു കല്ല് വെറും ഒരു കല്ലല്ലെന്നും
അത് എറിയാനുള്ളതാണെന്നും
എറിയേണ്ടിടത്തുവച്ച്തന്നെ എറിയണമെന്നും 
അത് കണ്ണൂരിൽവച്ചാകണമെന്നും
അങ്ങനെയെറിഞ്ഞാൽ നേട്ടം പലതാണെന്നും
ഇടതുപക്ഷത്തെ പ്രതിരോധത്തിലാക്കാമെന്നും
അവരുടെ വാക്കും സമരവും 
അവസാനിപ്പിക്കാമെന്നും
സ്വന്തം തട്ടകത്തിലെ തമ്മിലടിക്ക് 
ശമനമുണ്ടാക്കാമെന്നും
പ്രതിഛായ നന്നാക്കാമെന്നും
സലീം സരിതമാരെ രക്ഷിക്കാമെന്നും
അഴിമതി നിർബാധം തുടരാമെന്നും
കോഗ്രസ്സിലെ കുതന്ത്രക്കാർ സ്വപ്‌നം കണ്ടു.
എവിടയൊകിടന്ന പാവം ഒരു കല്ലിനെ
കമ്മ്യൂണിസ്റ്റ് വേഷത്തിൽ പ്രതിനായകനാക്കി
കണ്ണൂരിൽ അവതരിപ്പിച്ചത് അങ്ങിനെയാണ്.
അഭിനയം ഒരു കലയാണെന്നും
അത് തനിക്ക്മാത്രം വശമുള്ള ഒരേർപ്പാടാണെന്നും
ഓസ്കാരവാർഡ് തന്റെമാത്രം കുത്തകയാണെന്നും
അന്തിച്ചാനലുകളിൽ ഇന്നലെ തകർത്താടിയ
നായകവേഷക്കാരനായ മുഖ്യൻ കരുതുന്നുണ്ടാവാം.
മുഖ്യന് തെറ്റി.
കേരളീയർ അരിയാഹാരം കഴിക്കുന്നവരാണെന്നും
മുഖ്യന്റെ വേഷപ്പകർച്ചകൾ അവർ മനസ്സിലാക്കുന്നുവെന്നും
നാണവും മാനവും കെട്ട ഈതിരുസ്വരൂപത്തെ
ഒരുനാൾ അവർ അടിച്ചോടിക്കുമെന്നും
മുഖ്യനും ഭൂതഗണങ്ങളും അറിഞ്ഞിരിക്കുന്നത് നന്ന്...

ധീരരെ,നിങ്ങൾക്കെൻ അഭിവാദ്യങ്ങൾ

"ചെ"എന്ന ഓമനപ്പേരിൽ വിളിക്കപ്പെടുന്ന
ഏണസ്റ്റോ ചെ ഗുവേര.
ലോകം ആദരവോടെ നോക്കിക്കാണുന്ന
മഹാനായ വിപ്ലവകാരി.
വിമോചന സ്വപ്നങ്ങളുടേയും ധീരതയുടേയും
ചുവപ്പ് നിറമാർന്ന പ്രതീകം....
ചെ ഗുവേരയെ പ്രധാനമന്ത്രി ജവാഹര്‍ലാല്‍ നെഹ്റു
ഇന്ത്യയില്‍ സ്വീകരിച്ച് ആദരിച്ചതിന്റെ
ഒരു പഴയ ചരിത്രമുണ്ട്.
പുതിയ ചരിത്രമാകട്ടെ,തിരുവനന്തപുരത്ത്
കട്ടാക്കടയിലെ കൃസ്ത്യൻ കോളേജിൽ
കവാടത്തിന്നരികെ "ചെ"യുടെ ചിത്രം വരച്ചതിന്
എട്ട് വിദ്യാർഥികളെ ഒരു വനിത പ്രിൻസിപ്പൽ
പുറത്താക്കിയതിന്റേതാണ്...
ചരിത്രബോധമില്ലാത്ത പ്രിൻസിപ്പലിന്റെ
ചുവപ്പ്കണ്ട കാളയുടെ സ്വഭാവം...
സരിതാഉമ്മന്റെ രാജ്യഭരണത്തിൻ കീഴിൽ
ഇതിലപ്പുറവും നടക്കും!
മാപ്പപേക്ഷിക്കാൻ തയ്യാറല്ലാത്ത കുട്ടികൾ
തിരിച്ചെടുക്കാൻ സമരം നടത്തുകയാണ്...
ധീരരെ,നിങ്ങൾക്കെൻ അഭിവാദ്യങ്ങൾ

ഒരു വിശകലനം

{ കടപ്പാട് ഡോ. കെ ടി ജലീല്‍) }
ഇടതുമുന്നണിയുടെ സെക്രെട്ടേറിയേറ്റ് ഉപരോധം അവസാനിപ്പിച്ചതുമായി ബന്ധപ്പെട്ട വിവാദം സോഷ്യല്‍ നെറ്റ് വര്‍ക്കിങ് സൈറ്റുകളില്‍ പുകയുകയാണ് . ഭരണകൂട കുതന്ത്രങ്ങളെ മുഴുവന്‍ അവഗണിച്ചാണ് ഉപരോധ സമരത്തില്‍ പങ്കുകൊള്ളാന്‍ ലക്ഷത്തോളംപേര്‍ അനന്തപുരിയില്‍ എത്തിയത് . ഇന്ത്യ-പാക് പോരാട്ടത്തിന്റെ പ്രതീതിയായിരുന്നു സെക്രട്ടേറിയേറ്റിന്റെ പരിസരത്ത് . സംഘാടകരുടെ കണക്കുകൂട്ടലുകള്‍ തെറ്റിച്ചെത്തിയ ജനസഹസ്രവും , അവരെ പിന്തുണക്കുന്ന ലക്ഷോപലക്ഷം മനുഷ്യരും , ഉമ്മന്‍ ചാണ്ടി എന്ന മുഖ്യമന്ത്രിയെ എന്തുമാത്രം വെറുക്കുന്നുവെന്നതിന്റെ അടയാളപ്പെടുത്തല്‍ കൂടിയായിരുന്നു സമരസഖാക്കളുടെ ആ മഹാ പ്രതിഷേധസംഗമം . പ്രതിരോധം തീര്‍ത്ത ആദ്യദിനത്തില്‍ പട്ടാളത്തേയും പോലീസിനേയും കാവല്‍ നിര്‍ത്തി ഭരണയന്ത്രം കഷ്ടിച്ച് ചലിച്ചുവെന്ന് വരുത്തിതീര്‍ത്തു . സമരാവേശം അതിന്റെ പാരമ്യതയിലേക്ക് ഉയരുകയാണെന്ന് മനസ്സിലാക്കിയ സര്‍ക്കാര്‍ , ഒന്നാം ദിവസത്തെ ഹാജര്‍നിലയുടെ വീമ്പ് പറഞ്ഞിട്ടും തുടര്‍ന്നുള്ള രണ്ടു ദിവസം ഭരണസിരാകേന്ദ്രം അടച്ചുപൂട്ടി സ്ഥലം വിടുന്ന കാഴ്ചയാണ് കേരളം കണ്ടത് . ജനമുന്നേറ്റത്തിന്റെ ആദ്യ വിജയപ്രഖ്യാപനവും കൂടിയായിരുന്നു അത് . സമരം 24 മണിക്കൂര്‍ പിന്നിട്ട് പ്രതിബന്ധങ്ങളെ മുഴുവന്‍ മറികടന്ന് , വീര്യം ചോരാതെ രാജ്യ ചരിത്രത്തില്‍ സമാനതകളില്ലാതെ മുന്നോട്ടുതന്നെ നീങ്ങിയത് സമരാനുഭവങ്ങളിലെ ഒരു രജതരേഖയായിരുന്നു . ഇത് മനസ്സിലാക്കിയ ഗവണ്ടമെന്റ് സിറ്റിങ്ങ് ജഡ്ജിയെ വെച്ച് ജുഡീഷ്യല്‍ അന്വോഷണത്തിന് തയ്യാറാണെന്നും ടേംസ് ഓഫ് റഫറന്‍സ് പ്രതിപക്ഷവുമായി ആലോചിച്ച് തീരുമാനിക്കുമെന്നും പ്രഖ്യാപിച്ചു . മൂന്ന് മാസത്തെ നിരന്തരമായ സമരങ്ങള്‍ക്കിടയില്‍ ഒരിക്കല്‍ പോലും ചിന്തിക്കാത്ത കാര്യം സര്‍ക്കാറിനംഗീകരിക്കേണ്ടി വന്നത് സമരത്തിന്റെ തീക്ഷ്ണത കൊണ്ടല്ലാതെ മറ്റെന്തുകൊണ്ടാണ് ? ഉപരോധം ഉയര്‍ത്തിപ്പിടിച്ച മുദ്രാവാക്യത്തിന്റെ ആദ്യപാതി അംഗീകരിക്കപ്പെട്ട സാഹചര്യത്തില്‍ , ശേഷിക്കുന്ന പാതിയായ മുഖ്യമന്ത്രിയുടെ രാജിക്കായ സമരം മറ്റൊരു രൂപത്തിലേക്ക് മാറ്റി സെക്രട്ടേറിയേറ്റ് ഉപരോധം ഇടതു നേതൃത്വം അവസാനിപ്പിക്കുകയാണുണ്ടായത് . പക്വവും ദീര്‍ഘദൃഷ്ടിയുള്ളതുമായ തീരുമാനമായിരുന്നു അതെന്ന് സമരത്തില്‍ പങ്കെടുത്ത ഓരോര്‍ത്തര്‍ക്കും ബോധ്യമാണ് . പക്ഷേ അത് ബോധിക്കാതെ പോയ ചിലരുണ്ടിവിടെ . അവര്‍ക്ക് വേണ്ടിയിരുന്നത് , സര്‍ക്കാര്‍ വളരെ താഴേക്ക് ഇറങ്ങിവന്നിട്ടും കാര്‍കശ്യത്തോടെ സമരവുമായി ഇടതുപക്ഷം മുന്നോട്ടുപോകലായിരുന്നു . അങ്ങനെ വന്നാലേ പട്ടാളവും സമരയോദ്ധാക്കളും തെരുവില്‍ ഏറ്റുമുട്ടി നിരവധി പേര്‍ മരിച്ചു വീഴുന്ന കാഴ്ചയും , അതേ തുടര്‍ന്ന് കേരളമാകെ കത്തുന്ന സാഹചര്യവും ഉണ്ടാകുമായിരുന്നുള്ളൂ . അത്തരമൊരു സാഹചര്യത്തില്‍ അതിന്റെ പാപഭാരം മുഴുവന്‍ ഇടതു മുന്നണിയുടെ വിശിഷ്യാ സി.പി.എമ്മിന്റെ തലയില്‍ കെട്ടിവെച്ച് പൊതുസമൂഹത്തില്‍ നിന്ന് കമ്മ്യൂണിസ്റ്റുകാരെ ഒറ്റപ്പെടുത്താനുള്ള ഗൂഢനീക്കമാണ് നേതൃത്വത്തിന്റെ സമയോചിതമായ ഇടപെടല്‍ മൂലം പൊളിഞ്ഞുപോയത് . ഒരു വലിയ ജനക്കൂട്ടത്തിന് ലോഡ്ജുകള്‍ നിഷേധിച്ചും , പ്രാഥമിക കൃത്യങ്ങള്‍ നിര്‍വഹിക്കുന്നയിടത്തേക്കുള്ള വെള്ളം തടസ്സപ്പെടുത്തിയും , അധികാരികളുണ്ടാക്കിയ ബൂദ്ധിമുട്ടുകള്‍ സൃഷ്ടിച്ചേക്കാവുന്ന , ശുചിത്വ-ആരോഗ്യ പ്രശ്നങ്ങളുയര്‍ത്തുന്ന വെല്ലുവിളികളില്‍ , ഒരു നഗരം വീര്‍പ്പ്മുട്ടുന്നത് ചൂണ്ടിക്കാട്ടി , സി.പി.എമ്മിനെ പ്രതിക്കൂട്ടില്‍ നിര്‍ത്തി വിചാരണ ചെയ്യാനുള്ള 'സുവര്‍ണ്ണാവസരം' നഷ്ടപ്പെട്ടതിലുള്ള മനോവിഷമമാണ് ചിലര്‍ കരഞ്ഞു തീര്‍ക്കുന്നത് . ഭരണാധികാരികളെ നിഷ്കാസിതമാക്കാനുള്ള ഒരു സമരവും ജനാധിപത്യ സമൂഹത്തില്‍ ഒരു ഘട്ടം കൊണ്ട് വിജയിച്ചിട്ടില്ല . പോരാട്ടങ്ങളുടെ അനുസ്യൂതമായ പ്രവാഹങ്ങള്‍ക്കൊടുവിലേ സമ്പൂര്‍ണ്ണവിജയം ആരും നേടിയെടുത്തിട്ടുള്ളൂ . തണ്ടര്‍ബോള്‍ട്ടിന്റെയും ബ്ലാക്ക്കാറ്റ്സിന്റെയും അകമ്പടിയില്‍ എത്രകാലം ഉമ്മന്‍ ചാണ്ടിക്ക് മുന്നോട്ടുപോകാന്‍ കഴിയും ? ശീതീകരിച്ച ചാനല്‍മുറികളിലിരുന്ന് വാചകമടിക്കുന്നവര്‍ക്കോ , ബിരിയാണിച്ചെമ്പ് പൊട്ടിക്കുമ്പോഴേക്ക് യോഗം പിരിയുന്നവര്‍ക്കോ , ഖദറിന്റെ മഹത്വം കളഞ്ഞ് കുളിച്ചവര്‍ക്കോ , വര്‍ത്തമാനക്കാലത്ത് വെയിലും മഴയും വകവെക്കാതെ രാപ്പകല്‍ ഭേദമന്യേ ഒരു ലക്ഷ്യപ്രാപ്തിക്കായി തെരുവില്‍ കുത്തിയിരുന്ന് സമരം ചെയ്യുന്നതിനെക്കുറിച്ചും , അന്തിയുറങ്ങി പ്രതിഷേധിക്കുന്നതിനെക്കുറിച്ചും സ്വപ്നം പോലും കാണാന്‍ കഴിയില്ലെന്നിരിക്കെ , അവര്‍ എന്തിനാണ് പോരാട്ടവീര്യം കൈമോശം വന്നിട്ടില്ലാത്ത സമരയോദ്ധാക്കളെ അപഹസിക്കുന്നത് ? മുഖ്യമന്ത്രിക്ക് പുറത്തിറങ്ങി സ്വതന്ത്രമായി സമ്പര്‍ക്കമോ സംസര്‍ഗമോ നടത്താന്‍ കഴിയില്ലെന്ന ആഹ്വാനം , വരാന്‍ പോകുന്ന സമര പരമ്പരകളുടെ ഇരമ്പലാണ് പ്രതിധ്വനിപ്പിക്കുന്നത്.

ആടിവേടൻ

                                                                                                                                                                                                                                                                                                                                                                                                                                                                                                                                                                                                                                                            

          കണ്ണിനും കാതിനും സന്തോഷം പകരുന്ന
 ആചാരപ്പൊട്ടൻ,കോതാമ്മൂരി തുടങ്ങി നിരവധി
 ആചാര കലാരൂപങ്ങൾ പണ്ട്നമ്മുടെ നാടിന്റെ
 സാംസ്ക്കാരിക മേഖലയെ സമ്പന്നമാക്കിയിരുന്നു.
നഗര വികസനത്തിന്റെ തിര തള്ളലിൽ പെട്ട് അ
വയൊക്കെ
എങ്ങോ ഇന്ന് തിരോഭവിച്ചിരിക്കുന്നു.ജനസാമാന്യ
ത്തിൽ വന്നമാറ്റങ്ങൾക്ക് പുറമെ,ഇതൊക്കെ കെട്ടി
യാടാൻ പുതു തലമുറയിൽപെട്ടവരാരും തയ്യാറല്ല
 എന്നതും ഒരു കാരണമാണ്.പഴയകാലത്തെ
തിരിച്ചു പിടിക്കാനെന്നോണം ആടിവേടനെ ഇന്നും
 ചിലയിടങ്ങളിലൊക്കെ കാണാറുണ്ട്.പഞ്ഞമാസ
മെന്ന് പൊതുവെ വിളിപ്പേരുള്ളകള്ളക്കർക്കിടക
ത്തിലാണ് ആടിവേടൻ പ്രത്യക്ഷപ്പെടുന്നത്.ആടിയും
വേടനും രണ്ടാണ്.ആടി വണ്ണാൻ സമുദായക്കാരും
 വേടൻ മലയസമുദായവുമാണ് കെട്ടിയാടുന്നത്.ആടി
വേടന് കാവുകളുമായി ബന്ധമില്ല.പാട വരമ്പുകളും,കൈത്തോടും,കുണ്ടനിടവഴികളും താണ്ടിയെ
ത്തുന്ന വീട്ടുമുറ്റങ്ങളിലാണ് അതിന്റെ ആവിഷ്ക്കാരം.

കർക്കിടകം 7 തൊട്ട് മലയന്റെ വേടനും 16 തൊട്ട് 
വണ്ണാന്റെ ആടിയും.അങ്ങനെയാണ് കണക്ക്.യാത്രയിൽ
 ചെണ്ട മേളം ഉണ്ടാവില്ല.ഒരു വീക്ക് ചെണ്ടയുണ്ട്.
ആടിവേടന്റെ ദീർഘവൃത്താകൃതിയിലുള്ളനൃത്തച്ചുവടു
കൾക്കൊപ്പം ചെണ്ടശബ്ദിക്കുന്നു.അതോടൊപ്പം ചെ
ണ്ടക്കാരൻ തന്നെ പുരാവൃത്തവും ചൊല്ലുന്നു.അരിയും
 പണവും നൽകി വീട്ടുകാർ സന്തോഷത്തോടെ ആടി
വേടനെയാത്രയാക്കുന്നു.വീടുകൾതോറും നന്മയും
 ഐശ്വര്യവും വിതറിക്കൊണ്ട്(അങിനെയാണ് സങ്കല്പം)
നേരം ഇരുട്ടുവോളം ആടിവേടൻ തന്റെ യാത്ര തുടരുന്നു...

കവിത പിൻ വലിച്ചത് എന്തിനായിരുന്നു?

അമേരിക്കൻ സാമ്രാജ്യത്വം തടവിലടച്ച മുൻ ഗ്വാണ്ടിനാമൊ തടവുകാരനായിരുന്നു,അൽ റുബായിഷ്.ഇംഗ്ലീഷ് ബിരുദ പഠനത്തിന് ഉൾക്കൊള്ളിച്ചിരുന്ന 'കടലിന് ഒരു ഗീതം"എന്ന അദ്ദേഹത്തിന്റെ കവിത കോഴിക്കോട് സർവകലാശാല പിൻ വലിച്ചത് എന്തിനായിരുന്നു?സരിതയിൽ മുങ്ങിപ്പോയ കേരള ജനത അധാർമികവും ജനാധിപത്യ വിരുദ്ധവുമായ ഈ നടപടിയെ കുറിച്ച് അറിഞ്ഞില്ലെന്ന് വരുമോ?സൗദിക്കാരനായ റുബായിഷ് പാക്കിസ്ഥാനിൽ അധ്യാപക ജോലിയിലിരിക്കെയാണ് ഭീകരവാദി കുറ്റം ചുമത്തി തടവിലിട്ടത്.സൗദി-അമേരിക്കൻ ബന്ധത്തെ കുറിച്ച് അറിയാവുന്നവർക്ക് അമേരിക്കൻ നടപടിയെ വിശ്വാസത്തിലെടുക്കാനാവില്ല. ഗ്വാണ്ടിനാമൊയിൽ തടവിലാക്കപ്പെട്ടവർ രക്ഷപ്പെട്ട ചരിത്രമില്ല.5വർഷത്തിന് ശേഷം ജയിൽ മോചിതനായി എന്നത് 

അദ്ദേഹത്തിന്റെ നിരപരാധിത്വം വെളിവാക്കുന്നതാണ്.അമേരിക്ക ചാർത്തി കൊടുത്ത തെറ്റായ പിന്നാമ്പുറ ചരിത്രത്തെ മുൻ നിർത്തിയാണ് കവിത നിരോധിക്കപ്പെട്ടതെന്നത് വിശ്വസനീയ വാർത്തയാണ്.കവിതാസ്വാദനത്തനും സ്വീകാര്യതക്കും പിന്നാമ്പുറ ചരിത്രവുമായി യാതൊരു ബന്ധവുമില്ല.അങ്ങിനെയെങ്കിൽ കൊള്ളക്കാരനായ വാത്മീകിയുടെ കൃതി കേരളീയർക്ക് നിഷിദ്ധമായിരുന്നേനെ.
റുബായിഷ് കരിക്കട്ട കൊണ്ട് ജയില്‍ ഭിത്തികളില്‍ എഴുതിയ കവിതയാണിത്. മനുഷ്യന്റെ മോചന പ്രതീക്ഷയുടെ
തീഷ്ണ സന്ദർഭത്തെയാണ് കവിതയിൽ ആവിഷ്ക്കരിച്ചിരിക്കുന്നത്.കവിതയുടെ മൂല്ല്യത്തെ കുറിച്ച് പാരമ്പര്യ വാദികൾക്ക് പോലും തർക്കമില്ല.പക്ഷെ,അമേരിക്കൻ വീരാരാധന തലക്കു് പിടിച്ചവർക്കും മൃദുഹിന്ദുത്വ സമീപനക്കാർക്കും മറിച്ച് ചിന്തിക്കാനെ പറ്റു.സർഗ്ഗാത്മകതയുടെ കടയ്ക്കൽ കോടാലി വെക്കുന്നവർക്കെതിരെ സാംസ്കാരിക കേരളം ഉണരേണ്ടതുണ്ട്.

മോഡിയുടെ ഹിമാലയന്‍ ബഡായി

Story Dated: June 26, 2013 5:44 pm

ഹിമാലയത്തോട് ചേര്‍ന്നു കിടക്കുന്ന ഉത്തരാഖണ്ഡിലേയും
 ഹിമാചല്‍പ്രദേശിലേയും
 ജനങ്ങള്‍ പ്രളയത്തില്‍ പെട്ടിരിക്കുന്നുവെന്ന ദുരന്തവാര്‍ത്ത
 ജൂണ്‍ 21ന് വൈകുന്നേരമാണ് രാജ്യം അറിഞ്ഞത്. 
വെളളിയാഴ്ച്ച പുറം ലോകമറിഞ്ഞ ഈ ദുരന്തസ്ഥലത്തേക്ക്
 നരേന്ദ്രമോഡിയും സംഘവും എത്തുകയും ഞായറാഴ്ച്ച
 ആവുന്നതിന് മുമ്പേ 15000 ഗുജറാത്തികളെ ദുരന്തസ്ഥലത്തുനിന്നും
 രക്ഷപ്പെടുത്തുകയും ചെയ്തു- എന്നായിരുന്നു മാധ്യമങ്ങളിലൂടെ
 പ്രചരിപ്പിക്കപ്പെട്ട വാര്‍ത്ത. സര്‍വ്വസന്നാഹങ്ങളുമായെത്തിയ
 ഇന്ത്യന്‍ സൈന്യം പത്ത് ദിവസത്തിനുള്ളില്‍ 40000 പേരെയാണ്
 രക്ഷപ്പെടുത്തിയത് എന്നും ഓര്‍ക്കുക.

80 ഇന്നോവ കാറുകളില്‍ മോഡിയും സംഘവും
 ദുരന്ത സ്ഥലങ്ങളില്‍ നിന്നും ഗുജറാത്തികളെ 
രക്ഷപ്പെടുത്തിയതെന്നാണ് പറയുന്നത്. വീടും നാടും റോഡുമെല്ലാം
 കുത്തിയൊലിച്ചുപോയ കേദാര്‍നാഥ് പോലുള്ള സ്ഥലങ്ങളില്‍ 
നിന്നുള്ള ദുരിത പ്രദേശങ്ങളില്‍ നിന്നായിരുന്നു ഇന്നോവയില്‍ 
ഉപയോഗിച്ചുള്ള രക്ഷാപ്രവര്‍ത്തനം.

ഡ്രൈവര്‍ അടക്കം ഏഴ് പേര്‍ക്ക് കയറാവുന്ന വിധത്തിലാണ് 
ഇന്നോവയുടെ രൂപകല്‍പ്പന. ഒരു കാറില്‍ ഒമ്പത് പേര്‍ 
കയറിയെന്ന് കരുതിയാല്‍ തന്നെ 80 ഇന്നോവകളില്‍ 
പരമാവധി 720 പേരെയാണ് രക്ഷപ്പെടുത്താനാവുക. 
അങ്ങനെയെങ്കില്‍തന്നെ 15000 പേരെ രക്ഷപ്പെടുത്താന്‍ 
21 തവണ ഇന്നോവ സംഘം ട്രിപ്പ് അടിക്കേണ്ടിവരും!

ഡറാഡൂണില്‍ നിന്നും കേദാര്‍ നാഥിലേക്കുള്ള ദൂരം 221 
കിലോമീറ്ററാണ്. 21 തവണയായി ഈ ദൂരം മറികടന്നാല്‍ 
മോഡി സംഘം 9300 കിലോമീറ്റര്‍ മറികടന്നിരിക്കണം,
 അതും രണ്ടു ദിവസങ്ങള്‍ കൊണ്ട്. സാധാരണ റോഡല്ല 
ഹിമാലയത്തിലെ അതീവ ദുര്‍ഘടമായ പാതയിലെ മറ്റ് 
പ്രകൃതി ദുരന്തങ്ങള്‍ സൃഷ്ടിച്ച പ്രതിബന്ധങ്ങള്‍ മറികടന്നുള്ള
 യാത്രയാണിത്. 40 കിലോമീറ്റര്‍ വേഗത്തില്‍ നിര്‍ത്താതെ 
ഇന്നോവ ഓടിച്ചെന്ന് കരുതിയാല്‍ തന്നെ 233 മണിക്കൂര്‍
 വേണ്ടിവരും ഇത്രയുംപേരെ രക്ഷിക്കാന്‍. ഏകദേശം
 പത്ത് ദിവസത്തോളം. പക്ഷേ മോഡി സംഘത്തിന് 
ഒന്നര ദിവസംകൊണ്ട് രക്ഷാപ്രവര്‍ത്തനം നടത്താനായത്രേ !

മോഡി സംഘം 15000 ഗുജറാത്തികളെ രക്ഷപ്പെടുത്തിയെന്ന്
 മാധ്യമങ്ങളിലൂടെ പ്രചരിപ്പിച്ചത് അദ്ദേഹത്തിന്റെ പ്രചാരണ
 ചുമതലയുള്ള പി.ആര്‍. കമ്പനി ആപ്‌കോ വേള്‍ഡ് വൈഡാണ്.
 അമേരിക്കന്‍ പബ്ലിക്ക് റിലേഷന്‍ കമ്പനിയായ ആപ്‌കോ 
പ്രതിമാസം 25000 ഡോളറാണ്(ഏകദേശം 1.5 ലക്ഷം രൂപ)
 മോഡിയുടെ പ്രതിഛായാ രൂപീകരണത്തിനായി ഈടാക്കുന്നത്.
 മോഡി സര്‍ക്കാരിനുവേണ്ടി 2007ല്‍ വൈബ്രന്റ് ഗുജറാത്ത് എന്ന 
സര്‍ക്കാര്‍ പ്രചാരണ പരിപാടിയുടെ ചുക്കാന്‍ പിടിച്ചതും ആപ്‌കോയാണ്.

ആഗോളതലത്തില്‍ പ്രശസ്തരായ നിരവധി പേര്‍ക്കുവേണ്ടി 
ആപ്‌കോ പ്രചാരണം ഏറ്റെടുത്ത് നടത്തുന്നുണ്ട്.
 കസാഖിസ്ഥാന്‍ ഏകാധിപതി നൂറുസുല്‍ത്താന്‍ നസര്‍ബയേവ്,
 നൈജീരിയയിലെ നാസി അബാച്ച, അമേരിക്കന്‍ പുകയില
 ലോബി, മലേഷ്യയിലേയും ഇസ്രായേലിലേയും സര്‍ക്കാരുകള്‍
 എന്നിവരുടെ പ്രചരണവും മുഖം മിനുക്കലും ആപ്‌കോ നടത്തിക്കൊടുക്കുന്നു.

ഗുജറാത്ത് കലാപത്തെ തുടര്‍ന്ന് അമേരിക്ക മോഡിക്ക് 
ഏര്‍പ്പെടുത്തിയ വിലക്ക് പിന്‍വലിപ്പിക്കുന്നതിന് പിന്നിലും
 ആപ്‌കോയായിരുന്നു. എങ്കിലും ഇതുവരെ മോഡിക്ക് യു.എസ് വിസ
 സംഘടിപ്പിക്കുന്നതില്‍ ആപ്‌കോ വിജയിച്ചിട്ടില്ല. എന്നാല്‍ 
മോഡിക്ക് വേണ്ടിയുള്ള നുണപ്രചാരണങ്ങളില്‍ എല്ലാത്തിലും
 ആപ്‌കോക്ക് പങ്കില്ല. ആപ്‌കോ വരുന്നതിന് മുമ്പ് തന്നെ ഇത്തരം
 വ്യാജ പ്രചരണങ്ങള്‍ നടന്നിട്ടുണ്ട്.

രാജ്യത്തെ ഏറ്റവും വലിയ പ്രകൃതിവാതക നിക്ഷേപം ഗുജറാത്ത്
 സര്‍ക്കാരിന് കീഴിലുള്ള ജി.എസ്.പി.സി കണ്ടെത്തിയെന്ന് 2005ല്‍ 
പ്രഖ്യാപിച്ചിരുന്നു. 5000 കോടി ഡോളറിന്റേതാണ്(ഏകദേശം
 30,000 കോടിരൂപ) ഈ നിക്ഷേപമെന്നായിരുന്നു പ്രചാരണം.
 എന്നാല്‍ ഈ നിക്ഷേപവിവരം പ്രഖ്യാപനത്തിലൊതുങ്ങി.
 ഈ സമ്പത്ത് ഗുജറത്താത്തിലുള്ളപ്പോള്‍ ജി.എസ്.പി.സി പിന്നീ
ട് ഇന്ധനം തേടി ഖനനം നടത്തിയത് ഈജിപ്തിലും യെമനിലും ആസ്‌ട്രേലിയയിലുമെല്ലാമായിരുന്നു.

മോഡിക്കുവേണ്ടിയുള്ള പല(നുണ)പ്രചാരണങ്ങളും നേരത്തെ
 വിജയിച്ചിട്ടുണ്ടാകാം, എന്നാല്‍ ഉത്തരാഖണ്ഡ് ദുരന്തത്തിനിടെ
 നടത്തിയ രക്ഷാപ്രവര്‍ത്തനത്തെ ചൊല്ലിയുള്ളപ്രചാരണം 
ഹിമാലയന്‍ നുണയാണ്.

കടപ്പാട് – ടൈംസ് ഓഫ് ഇന്ത്യയില്‍ വന്ന അഭീക്ക് ബര്‍മന്റെ ലേഖനം

അങ്കുശമില്ലാത്ത ആ ധീരോദാത്തതക്കു മുമ്പിൽ നമുക്ക് നമിക്കാം!

നെറികെട്ട ലോകത്ത് ജീവിക്കാന് വയ്യാതാകുമ്പോള്‍ സത്യങ്ങള്‍ വിളിച്ച് 

പറയും.ഇങ്ങനെ പറഞ്ഞത്, എഡ്വേര്‍ഡ് സ്‌നോഡന് ആണ്. അമേരി

ക്ക തങ്ങളുടെ പൗരന്‍മാരുടെ ഫോണ്‍ ചോര്‍ത്തുന്നതായി ലോകത്തെ

 അറിയിച്ച 29 കാരനായ യുവാവ്.ഇന്റലിജന്‍സ് ഏജന്‍സിയില്‍ സിസ്റ്റം

 എഞ്ചിനീയര്‍, അഡ്മിനിസ്‌ട്രേറ്റര്‍,സി.ഐ.എയിലെമുതിര്‍ന്ന ഉപദേഷ്ടാ

വ് എന്നീ നിലകളില്‍ പ്രവര്‍ത്തിച്ചിട്ടുണ്ട്.അദ്ദേഹം പറയുന്നത് കേൾക്കുക:

"ചില കാര്യങ്ങള്‍ നിരന്തരമായി കാണുമ്പോഴാണ് യഥാര്‍ത്ഥത്തില്‍ അവ

യൊക്കെ ദുരുപയോഗം ചെയ്യുകയാണ് എന്ന് മനസ്സിലാകുക. ഇക്കാര്യങ്ങള്‍

 നമ്മള്‍ സ്ഥാപനത്തിലെ മറ്റു ചിലരുമായി സംസാരിച്ചാല്‍ അവര്‍ അതിനെ

 വളരെ സ്വഭാവികമായി മാത്രമേ കാണുകയുള്ളൂ.പക്ഷേ, ഇത്തരം തെറ്റുകള്‍ 

സ്ഥിരമായി ആവര്‍ത്തിക്കപ്പെടുന്നത് കാണുമ്പോള്‍ നമുക്കിത് പുറത്ത് പറയാ

തിരിക്കാന്‍ സാധിക്കില്ല. എന്നാല്‍ നാം എത്രത്തോളം പറയാന്‍ ശ്രമിക്കുന്നുവോ 

അത്ര തന്നെ മറ്റുള്ളവര്‍ നമ്മെ ഒറ്റപ്പെടുത്തും. പിന്നെ സര്‍ക്കാറിനെ സേവിക്കു

ന്നവരോട് എത്ര പറഞ്ഞിട്ടും കാര്യമില്ലെന്ന് മനസ്സിലാകുമ്പോഴാണ് നാം പൊതു 


ജനങ്ങള്‍ക്കിടയിലേക്ക് വിവരങ്ങള്‍ നല്‍കുന്നത്."ഇത്ര ഗൗരവമായ വെളിപ്പെടു

ത്തലുകള്‍ നടത്തുന്നവര്ക്ക് ഇതിന്റെ പ്രത്യാഘാതങ്ങള്‍ എന്തൊക്കെയാവുമെന്ന് 

ആലോചിച്ചിട്ടുണ്ടോ എന്ന ചോദ്യത്തിന് അദ്ദേഹത്തിന്റെ മറുപടി ഇങ്ങനെയാ

ണ്:"എന്റപ്രവര്‍ത്തിക്ക് ഞാന്‍ അനുഭവിക്കേണ്ടി വരും എന്നെനിക്കുറപ്പാണ്.

ലോകത്തിലെ ഏറ്റവും വലിയ രഹസ്യാന്വേഷണ ഏജന്‍സിക്ക് എതിരായി 

നില്‍ക്കാന്‍ നമുക്കൊരിക്കലുംസാധിക്കില്ല. അവര്‍ അത്രയ്ക്ക് ശക്തരാണ്.നമ്മളെ

 അവര്‍ നോട്ടമിട്ടാല്‍ അവര്‍ തീരുമാനിക്കുന്ന സമയത്ത് തന്നെ നാം അവരുടെ 

കൈകളിലാവും. എല്ലാ നെറികേടുകള്‍ക്കും മൂക സാക്ഷിയായി നമുക്ക് ജീവിക്കാം.

 ഇത് വളരെ എളുപ്പമാണ്.പക്ഷേ, ഇങ്ങനെയുള്ള കാര്യങ്ങള്‍ ചെയ്യുന്ന ലോകത്ത് 

ജീവിക്കാന്‍ വയ്യെന്ന് തിരിച്ചറിഞ്ഞാല്‍ എന്ത് വെല്ലുവിളി നേരിടാനും നാം തയ്യാറാകും.

 അതിന്റെ പ്രത്യാഘാതങ്ങള്‍ എന്തൊക്കെയാണെന്നാലോചിച്ച് ആശങ്കപ്പെടില്ല"....

അങ്കുശമില്ലാത്ത ആ ധീരോദാത്തതക്കു മുമ്പിൽ നമുക്ക് നമിക്കാം!

രാഷ്ട്രീയം

ഒരു പ്രശ്നത്തെ കുറിച്ചും ആഴത്തില്‍ പഠിക്കാതെ വലിയ വായില്‍ പ്രസംഗിച്ച് തൃപ്തിയടയുക,തികച്ചും ഉത്തരവാദിത്വരഹിതമായി ജനങ്ങളെ പ്രകോപിപ്പിച്ച് പിന്‍മാറുക,വിവിധ രംഗങ്ങളില്‍ അധികാരം പിടിച്ചെടുക്കാനും നിലനിര്‍ത്താനുമുള്ള ഉപജാപങ്ങളില്‍ ഏര്‍പ്പെടുക ഇതൊക്കെയാണ് രാഷ്ട്രീയ പ്രവര്‍ത്തനമെന്ന് ഉറപ്പിച്ചു വെച്ചിരിക്കുന്ന നേതാക്കള്‍ എല്ലാ പാര്‍ട്ടികളിലും പെരുകിപ്പെരുകി വരികയാണ്.സംഘടനാതലത്തില്‍ പല പ്രധാനപ്പെട്ട അധികാരസ്ഥാനങ്ങള്‍ കയ്യാളുന്നതും അവര്‍ തന്നെ.പാര്‍ട്ടി എന്നത് അവരെ സംബന്ധിച്ചിടത്തോളം സ്വന്തം സ്ഥാനമാനങ്ങള്‍ നിലനിര്‍ത്തിക്കൊണ്ടു പോവാനുള്ള സൌകര്യപ്രദമായ സംവിധാനം മാത്രമാണ്.ജനങ്ങള്‍ക്ക് മുഴുവന്‍ ബോധ്യം വന്ന സംഗതികളെ കുറിച്ചു പോലും നിര്‍ലജ്ജം കളവ് പറയാന്‍ അവര്‍ക്ക് മടിയില്ലാതെ പോവുന്നത് അതുകൊണ്ടാണ്.കേവലരാഷ്ട്രീയക്കാര്‍ക്കു പുറമേ നിരന്തരമായ ജനബന്ധമുള്ള മറ്റ് പൊതുപ്രവര്‍ത്തകര്‍ കൂടി രംഗത്തേക്ക് വരികയും പ്രശ്നപരിഹാരങ്ങളില്‍ അവരുടെ ഇടപെടലുകള്‍ക്ക് അര്‍ഹമായ പരിഗണന ലഭിക്കുകയും ചെയ്യുന്ന അവസ്ഥ രൂപപ്പെട്ടാല്‍ കാര്യങ്ങളില്‍ വലിയ മാറ്റം സംഭവിക്കും.ജനങ്ങളോട് കൂടുതല്‍ ഉത്തരവാദിത്വത്തോടു കൂടി പറയാനും പെരുമാറാനും പ്രവര്‍ത്തിക്കാനും രാഷ്ട്രീയക്കാര്‍ നിര്‍ബന്ധിതരാവും.സമൂഹത്തിന്റെ അധികാരികളെന്ന മട്ടില്‍ ധാര്‍ഷ്ട്യത്തോടെ ജനത്തിനു മുന്നില്‍ നില്‍ക്കുന്ന രീതി അവര്‍ക്ക് ഉപേക്ഷിക്കേണ്ടിവരും.